عَقِيق أحمَر 1729

الجزء الثاني♥/ الحلقة الثالثة🏹♥

للكاتبة البصـراويـة  ..
عَقيق احمر 17.29
فضلاً وليس امرًا علقوا بين الفقرات وصوتوا♥

✿_____✿

-لا المجرى يأخذني
لا القرار يَسْتبقيني
أنا التموّج
جّدلٌ بين الماء ونفسه.♥

مامصحتته غلسوا على الاخطاء الاملائية

طلعت لبست بشت وشال دخلت للحديقة جان اشوف امان كاعد يم ولد يسولفون صفنت علي مو غريب شكلة علي ...

- گمرنا؟!

قمراء:- مستحيييل لميــــر؟؟

- عيونه

قمراء اجه حضني ضحكت وبادلته مامستوعبة:- مستحيييل شجابكـــم معقولة؟ صار فوك الخمسطعش سنة؟ مستحيل معقولة جاي احلم انه شلون وين طحت بينه شجابك وين جنت

لمير:- هههههههههههههههه انطي مجال ولج

قمراء:- مصدمةةةةة

لمير:- حقـج بعد سفرنا مرن قُرابة الخمس سنين وتوفوا اهلي بحادث وبقيت انه عشت بميتم ومن كبرت بقيت اخدم بسوريا يم السيدة زينب وضليت يعني مشرد لا شغله ولا عملة ورجعت بصعوبة لهنا بعدها كملت دراستي دورت عليكم وقبل جم يوم وصلت لكم معلومه عنكم واجيتكم

قمراء صفنت وجسمي يرجف لطمت على خدي:- خالتي ماتت لا لا مستحيييييل حضنه وبجي بادلته اشهك مفرفحة ...

امان:- كافيكم بوية الله يرحمها ويسكنها فسيح جناته

قمراء ابتعدت مسحت دموعي وانه انشغ كعدنا على المرجوحة جاب امان ماي اشرتله يعوفنه ببحدنا كضيت ايد لمير رجع حضني يبجي ويشم بيه ...

لمير:- ما بقالي احد غيرج بس انتِ بقيتي من ريحة امي ماتدرين شلون عشت گمره ببحدي منبوذ يوم اكل ويوم لا غرييب قمرااء غريييب دمرتني الغربةةة

قمراء كتمت غصتي بصعوبة ضل يسولفلي شلون عاش ببحده وانه اسولفله ومن المغرب لليل فرفحنا ...

لمير:- باع الكلينس

قمراء باوعت حضني كله كلينس ضحكت ومسحت وجهي وشربت ماي:- يعني هسه انتَ كلية هندسة؟

لمير:- اي هاي السنة الثانية

قمراء:- اححححح دولبنا الزمن

لمير:- صاعد بتريلة ويروح ويرجع علينا

قمراء:- ههههههههههههههه تشبيه قاتل بس الحمدلله على كلشي صحتنا زينة عدنا ايدين ورجلين وعدنا هواي نعم بحياتنا

لمير:- الف الحمدلله

قمراء:- دشداشة نيلي وغترة خيرك خيي صاير بصراوي

لمير:- ليش انه شنو؟ بعدين نسيتي انه احب الدشاديش وهاي السوالف

قمراء:- متت ههههههههههههههههههه
اتذكر جنت تلبس شماغ وعگال خالي وتكعد تحط رجل على رجل والسبحة بايدك تاليتك مسحول بهذا العگال وطايره هيبتك ضحك بصوت عالي وانه ويا غصينا ...