عَقِيق أحمَر 1729

الحلقة الرابعة والثلاثون🏹♥

تمسك بالشخص الذي في عمق مآسيه يُشعرك بأنه لا زال يحبك ، بنفس المقدار ، بنفس الوهج ، بنفس الوضاءة ... لأن الحب الحقيقي يظهر في هذه المواقف♥..

✿_________________✿

للكاتبة البصـراويـة ..
عَقيق احمر 17.29
فضلاً وليس امرًا علقوا بين الفقرات وصوتوا♥

✿_________________✿

وقاص:- ارغد يردوك

ارغد:- انه؟؟ منووو

وقاص :- مره

درغام:- ها ولك رغيد

ارغد:- يجوز معجبه طالع اطك وياها صورة واجي

درغام:- ههههههههههههه اخخخ شنو ميسي؟؟

ارغد:- يروحلي فدوة

قمراء طلع وانه طلعت وراه ...

ارغد:- امي؟؟

غفران:- اي امك

أرغد:- شعدج جايه شتردين

غفران:- اجيت اتعشى عندك اني وزوشيي

قمراء رحت يمها شفت ولد يطلع بكصة ارغد لابس قاط وامه لابسه بنطرون وقميص:- يا خااالة ليش واكفة بالباب دخلي دخلي ضحكت ودخلت بس دخلت للطارمة جريتها من شعرها:- ولجج بربوووك انه مو كتلججج تبتعديين شنووو من بشرر انتِ شنووو من خيسةةة شتردييين

غفران:- اخخ يب...

قمراء خليتي ايدي على حلكها:- شوفي لج غفران دروبج حافظتهن حاقدة علي لان ابوي جان مايجيلج ويحب امي يسفرها ويطلعها وانتِ شامرج مثل الجلب حقدج راح ياذيج بسس والعباس هسه اذا اكول الزوجي عليج يشيلج انتِ وعشيرتج فـ عوفيني وتكفي شري لا وحك العباس اكضنج واكضي بيج التوبة بربوك راح اوخر ايدي صوتج مااسمعه:- اخذذ مرتك لا بالعبااااس انومككك بالسجووون لا عبالك انتَ ****** ترى زوجي محامي واخوانه اثنينهم محامين هم العبكم مصلخ بالعبااااس جراها وطلعوا ..

ارغد بابتسامة:- ولك قزوم شهل لسان

قمراء:- انه قزووم؟ كلتها ونزلن دموعي فتح عيونه بصدمة ...

ارغد:- اشاقة والله اشاقة

قمراء حضني دفعته دخلت اشهك طفر قوسق حضنته ابجي ...

قوسق:- شبيهاا شنوو صاار

ارغد:- جاي واشاقة وياها والله كتلها قزوم بالعباس اشاقة شبيج صدك عود؟؟؟

ميرڤت:- عادي يمه هرمونات

درغام:- هاي كله البجي والنحيب لان كلها قزمه؟ معقولة

ميرڤت:- اي حبيبي اخذها ماما للغرفة خلي تغسل وترتاح

قوسق مشيت واني حاضنها دخلنا للغرفة اخذتها للمطبخ غسلت وجهه:- كافي بابا شسالفه اخذتها للغرفة نومتها على الجرباية ونزعتها حجابها ..