"ဟင့်အင်း ကြည့်လိုက်တာနဲ့လုံး၀အဖြောင့်မှန်းသိသာတယ် ငါသာသွားပြောရင် အထိုးခံရလောက်တယ် "
"ဒါဆို ဟို့တစ်ယောက်ကော ခေတ်ဆန်ဆန်လေး၀တ်ထားတာ ရုပ်ကမဆိုးပါဘူး သူကတော့မင်းကိုကြည့်နေတာ "
"နေပါ ရုပ်ကြည့်တာနဲ့ ကြက်သီးထတယ် "
"ဟိုတစ်ယောက် "
"ဟင့်အင်း ပေါ့ပျက်ပျက်နိုင်တယ် "
"အနက်ရောင်နဲ့ကောင်လေး "
"ဟယ်...သူ့ကြည့်ရတာ အသက်မပြည့်သေးပုံဘဲ ငါရဲတိုင်သင့်လား "
"အဲ့ဆို ဟိုတံခါးနားက အကိုကြီးကော "
"မိန်းမရှိမဲ့ပုံဘဲ ခိုးကြောင်ခိုးဝှက်နဲ့ "
မင်းခန့် လက်ညှိုးထိုးပြတဲ့သူတိုင်းကို မိုးငြင်းနေတော့ မင်းခန့်လည်း စိတ်မရှည်နိုင်တော့ဘဲ ပေါက်ကွဲလာမိသည်။
"မင်းဟာကလည်း ဟိုတစ်ယောက်လည်းမဟုတ် ဒီတစ်ယောက်လည်းမဟုတ်နဲ့ကွာ"
"မင်းပြတဲ့သူတွေက အဆင်မှမပြေတာ "
"ငါပြတာအဆင်မပြေတာမဟုတ်ဘူး မင်းစိတ်ထဲမှာ ကိုခန့်ထားကဘဲအဆင်ပြေဆုံးဖြစ်နေတာ "
ခန့်ထားဆိုတဲ့ နာမည်ကိုပြန်ကြားလိုက်ရတော့ မိုးငြိမ်ကျသွားခဲ့၏။မင်းခန့်လည်း မပြောသင့်တဲ့နာမည်ကိုထုတ်ပြောခဲ့မိတဲ့သူ့ပါးစပ်အား ပြန်လည်ဆုံးမနေခဲ့သည်။
"တောင်းပန်ပါတယ်မိုး ငါသူ့နာမည်ထုတ်မပြောသင့်ဘူး "
"ရပါတယ် "
ခွမ်း**
ပုလင်းကွဲသံကျယ်ကြီးကြောင့် အဆောက်အဦးအတွင်းရှိ လူများအားလုံး၏အကြည့်သည်ထိုနေရာသို့ကျရောက်သွားခဲ့သည်။မိုးနှင့်မင်းခန့်လည်း အပါအ၀င်ပင်ဖြစ်၏။
"ငါ့ကောင်မလေးကိုလာထိချင်အုံးကွာ "
"ဟား...မင်းကောင်မလေးကိုသေချာအရင်မေးလိုက်ပါအုံး ဘယ်သူကအရင်လာထိတာလဲလို့ "
"မင်း "
အကြိတ်အနယ်ထိုးကြိတ်နေကြသည့် ရန်ပွဲကြောင့် မိုး ထိတ်လန့်သွားရသည်။
YOU ARE READING
Change For You( သူ့အတွက်သာလျှင်~သူ႕အတြက္သာလွ်င္)
Romanceလူတစ်ယောက်ကိုတစ်ကယ်ချစ်လာမိရင် အစကတော့ သူ့ကိုပိုင်ဆိုင်ချင်လိုက်မယ် ဒါပေမဲ့တဖြည်းဖြည်းနဲ့သိလာမှာက သူကို ပိုင်ဆိုင်ချင်တာမဟုတ်ဘဲ ကိုယ့်ဘဝတစ်ခုလုံးနဲ့ရင်းပြီးကာကွယ်ပေးချင်တယ်ဆိုတာဘဲ လူတစ္ေယာက္ကိုတစ္ကယ္ခ်စ္လာမိရင္ အစကေတာ့ သူ႕ကိုပိုင္ဆိုင္ခ်င္လာလိုက္မယ...
