သူတို့၏အမြင်တွင် အစ်ကိုနှင့်သူဟာ ပန်းကုန်သည်မောင်နှံသာဖြစ်သည်။ နောက်ဆုံးတော့ သူတို့ဟာ သာမန်လူလို ရှင်သန်နိုင်လေပြီ။
" ပန်ပေး..."
ဒေါဏ နှင်းဆီပန်းကို မဏိလက်ထဲပြန်ထည့်ပေးရင်း ဆိုသည်။ ထို့ကြောင့် မဏိ ပန်းကိုယူပြီး ဒေါဏ၏နားရွက်နှင့် ဆံနွယ်များကြားထဲသို့ ဂရုတစိုက်ထိုးစိုက်လိုက်သည်။
ဒေါဏဟာ ယခုထိတိုင် အညိုရောင်သန်းသည့်ဆံသားများကို ခါးထိအောင်အရှည်ထားပြီး ဖြုန့်ချထားလေ့ရှိသည်။ ထို့အပြင် အဝတ်ပွပွဝတ်ထားလေ့ရှိသည့် ကိုယ်လုံးသေးသေးလေးကြောင့် မသိလျှင် မိန်းကလေးဟုထင်ရသည်။ ထို့ကြောင့်လည်း ရွာကလူအချို့က ဒေါဏကို အမျိုးသမီးဟုထင်ကာ မဏိကို ကလေးယူမည့်ကိစ္စနှင့်ပတ်သက်ပြီး ခဏခဏမေးမြန်းတတ်ကြသည်။ နောက်တော့ ဒေါဏက ယောက်ျားသားမှန်းသိသွားသည့်အခါ တစ်ရွာလုံး ပါးစပ်အဟောင်းသားဖြစ်ကုန်ကြသည်။
ရွာမှ မိန်းကလေးများကတော့ " ယောက်ျားတစ်ယောက်က ဘယ်လိုဖြစ်ပြီး ကျုပ်တို့ထက် လှနေရတာလဲ" ဟု ရင်ထုမနာဆိုကြသည်။
မဏိကတော့ ထိုစကားကို အပြည့်အဝထောက်ခံသည်။
" ဘာလို့အဲ့လောက်လှနေရတာလဲ"
မဏိစကားကြောင့် ဒေါဏ ရှေ့သွားလေးများပေါ်သည်အထိ လှပစွာပြုံးသွားသည်။
" ဒီနေ့ ပန်းတွေအများကြီးပွင့်တယ်ဆိုတော့ သွားရောင်းရင် ငွေတွေအများကြီး ရလာတော့မှာပဲ"
ဒေါဏ၏စကားကို မဏိခေါင်းညိတ်ရင်း သူ၏လက်တစ်ဖက်ကမူ ဒေါဏ၏ဆံပင်များကို မသိဘာသာ ထိတွေ့ပွတ်သပ်နေသည်။
" အဲ့ကျ အဝတ်အစားအသစ်သွားဝယ်ရအောင်။ အရုဏက သင်္ကြန်ပွဲတော်ကျင်းပဖို့ တို့နှစ်ယောက်ကို ဖိတ်ထားတယ်။ အဲ့နေ့မှာ လှလှလေးဝတ်သွားရမယ်လေ"
" ကျွန်ုပ်မှာ ထုတ်မဝတ်ဖြစ်တဲ့ အဝတ်အစားတွေဖြင့် အများကြီးဟာ။ ထပ်ဝယ်ဖို့မလိုပါဘူး"
" မင်းသားရာထူးမရှိတော့ပေမဲ့လည်း မဏိစက္ကရဲ့ ဇနီးလေးက အသစ်ဝတ်ရမှာပေါ့။ ပြီးရင် ပန်းလေးပန်သွား။ ဒါဆို နန်းတွင်းအပျိုတော်တွေတောင် မင်းလောက်မလှနိုင်တော့ဘူး"
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...
Chapter : 160
Start from the beginning
