ဟု အမေတစ်ယောက်၏လေသံမျိုးနှင့် ဆိုသည်။
တစ်ချိန်တည်းတွင် မင်းလွင်ဟာ ထမင်းစားပွဲရှိရာဆီ ကြည့်မိသည်။ ထမင်းစားပွဲတွင် သူ၏တူမလေး ကဲကဲက ကျောင်းဝတ်စုံအပြည့်နှင့် ထိုင်နေကာ သူမ၏အကြိုက်ဆုံးဖြစ်သော မိုင်လိုကို မနက်စာအဖြစ်သောက်နေသည်။
"good morning ဦးငယ်..."
ကဲကဲက မိုင်လိုများပေကျံနေသော နှုတ်ခမ်းဖြင့် ရွှင်ပျစွာပြုံးရင်း ဆိုသည်။
မင်းလွင်ဟာတော့ ယခုထိနားမလည်နိုင်သေးပေ။ သူဟာ အိမ်မက်နှင့် လက်တွေ့ကို သေချာစွာအတည်ပြုရန် ကဲကဲအနားသွားကာ ကဲကဲ၏ပါးကို ဖျစ်ကြည့်သည်။
" morning ကဲလေး"
အထိအတွေ့ ခံစားချက်ဟာ အစစ်ပါပင်။
ကဲကဲက သူမ၏ပါးအား ဖျစ်ညှစ်သည်ကို မကြိုက်သဖြင့် ခေါင်းကိုခါရင်း ဘေးသို့ရှောင်သွားသည်။
မင်းလွင်၏ခေါင်းထဲတွင် အလွန်တရာဗလာကျင်းနေသည်။
သူ ဘာမှကိုမမှတ်မိပါပေ။
သူ ဒီကိုဘယ်လိုရောက်လာသလဲ၊ ဘာတွေဖြစ်သွားတာလဲ၊ ဘာအချိန်လဲ။ သူဟာ ဘာတွေဖြစ်ပျက်သွားတာလဲ။
လက်တွေ့နှင့် အိပ်မက်၊ အတိတ်နှင့်ပစ္စုပ္ပန်အရာအားလုံး ရောထွေးနေသည်။ ထိုသို့ ရောထွေးနေသည့်ကြားမှပင် ထူးဆန်းစွာဖြင့် သူ၏ခေါင်းထဲ မည်သည်ကိုမှ တွေးကြည့်၍ မရလာပေ။
"မမ သား မနေ့ညက ဘယ်အချိန်အိမ်ပြန်ရောက်တာလဲ"
သူ စဉ်းစား၍မရပေ။ သူ၏မှတ်ဉာဏ်ထဲ နောက်ဆုံးရှိနေသည်က စက်ဘီးစီးခဲ့ခြင်းဖြစ်သည်။
နောက်ပြီး မှတ်ဉာဏ်ဟာ မရှိတော့ပေ။
" ည ကိုးနာရီလောက်က ပြန်ရောက်တာထင်တယ်။ ဘာလို့လဲ"
" သား ထူးထူးခြားခြားဘာမှမဖြစ်ခဲ့ဘူးလား"
" ထူးထူးခြားခြား..."
မမက စကားအလယ်တွင် ရပ်တန့်သွားသည်။ ထို့နောက် သူက ကလေးထမင်းဘူးအဖုံးပိတ်ရင်း လှည့်ပြောသည်။
" နင် စက်ဘီးမှောက်လာတယ်လေ။ မြောင်းထဲ ပြုတ်ကျလာလို့ဆိုပြီး အိမ်ပြန်ရောက်ရောက်ချင်း ရေချိုး အဝတ်စားလဲလိုက်သေးတဲ့ဟာ"
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...
Chapter : 156
Start from the beginning