အကာအရံအတွင်းတွင် ဆံပင်ရှည်များရှိသည့် မင်းယောဇာက ယုဂန်၏သွေးကို ငွေဖလားတစ်လုံးနှင့် ခံယူပြီးနောက် မန္တန်များရွတ်ဆိုနေသည်။
ကောင်းကင်တွင် အနီရောင်တိမ်တိုက်များက မင်းယောဇာရှိရာနေရာကို ဗဟိုပြု၍ စက်ဝိုင်းသဏ္ဌာန်လှည့်ပတ်လာကြသည်။
ယောဇာက မန္တာန်ရွတ်ဆိုပြီးသည့်သွေးများကို မိုးပေါ်သို့ ပက်လိုက်သည်။ ထိုအခါ သွေးများသည် အောက်သို့ပြန်မကျလာဘဲ ကောင်းကင်ထက်တွင် ဆွဲငင်အားရှိသည့်ပမာ လေပေါ်သို့ ပျံသန်းသွားကာ လည်ပတ်နေသော တိမ်တိုက်များဆီ တဟုန်ထိုး စီးတက်သွားသည်။
ကိဏီက မင်းယောဇာကို အိုးတစ်ခုအရွယ်ရှိ ပါးချုပ်တစ်ခုကိုပေး၏။ ထိုပါးချုပ်မှာ ဝိဉာဉ်သိမ်းဆည်းပါးချုပ်ဖြစ်ကာ တွင်းပေါက်ဖွင့်ရန်လိုအပ်သော ဝိဉာဉ်၇ သန်းကျော်ကို သိမ်းဆည်းထားသည်ဟု ယူဆရသည်။
ထိုအချိန်တွင် အရုဏသည် အစိမ်းရောင်စွမ်းအင်များစီးဆင်းနေသော လက်သီးဖြင့် အကာအရံကို ထုခွဲပြန်၏။ ဒီတစ်ခါတွင်မူ အကာအရံဟာ ဒုန်းခနဲအသံမြည်သွားပြီး အက်ကွဲရာတစ်ခုဖြစ်ပေါ်လာသည်။
ထိုအခြင်းအရာသည် အသူရာနတ်များကို အံ့အားသင့်သွားစေ၏။ သူတို့အချင်းချင်းကြား၌
" ဒါဘယ်လိုဖြစ်နိုင်မှာလဲ"
ဟူသော တီးတိုးစကားသံများပင် ပျံ့နှံ့သွားသည်။
အရုဏက အက်ကွဲကြောင်းကို ဖိ၍ ပြင်းထန်လွန်းလှသောအားဖြင့် ထုချေ၏။ အက်ကွဲရာက ပိုပိုပဲ့ထွက်လာပြီး များမကြာမီမှာတင် လက်သီးဆုပ်အရွယ်အပေါက်တစ်ခုဖြစ်လာသည်။
ဘေးရှိ နရတ်သည် အရုဏကို ကူညီပြီး ထိုအပေါက်ကို မှော်အစွမ်းဖြင့် ဖြိုချချဲ့ထွင်ရန် ကြိုးပမ်း၏။
အပေါက်က ပိုပိုကြီးလာပြီး လူတစ်ကိုယ်သာဝင်နိုင်ရုံမျှအထိ ကျယ်ပြန့်လာသည်။
အသူရာနတ်များမှာ မနေသာတော့ဘဲ အကာအရံအပြင်ဘက်ထွက်၍ အရုဏနှင့် နရတ်ကို နှောင့်ယှက်တိုက်ခိုက်သည်။
ထိုအခြင်းအရာကိုမြင်သော် အဏ္ဏက ရှေ့မှကာ၍ အသူရာနတ်များကို တိုက်ခိုက်ပေးလာသည်။
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...
Chapter : 153
Start from the beginning