ومن غيري انكسر؟

الـبــّــــــارتَ _ 60 _

بقى مكعدني بحضنه ويسوي للفات ويوكلني وهـمَ يباوعولي ويتغامزون وانا اخزرهم

وريد : هسه خلوا رومانسيه مالتكم بغرفكم احنى ناس طاكنه الجفاف

قمر : نجب

وريد : على راسي على راسي

ابتسمت وهـمَ يضحكون لحد مخلصت رحت غسلت وصعدت الدرج بتعب دخلت فرشت اسناني وطلعت لكيت فهد متمدد على الجرباية وايدة على عيونه تأفأفت وسكتت اعرف شنو يريد يسوي وشنو معنى حركاته هاي

كمت سديت الباب وخليت مخدة بالكاع واخذت جرجف طفيت الضوء ورجعت تغطين ، حسيت بيه تحرك ويتنهد بغضب لحد ماتحمل واردف

فهد : ليش مااجيتي تنامين هنا؟؟

قمر : مااريد

فهد : تعالي يمي

قمر : مااريد ، غلس مني وانا تعبانه بسرعه غفيت مر وقت وحسيت ادين حاوطني نسيت فهد وياي بالغرفة كمزت كمزة لا على البال ولا على الخاطر وعطت ، منوووو انتتتت منوووو حسننن شتريييدددد

بسرعه فهد شغل الضوء وهـوَ يلوحلي بأدينه اهدئ من شفته كلبي احس وكف من الخوف اخذت نفس عميق وانا لازمه كلبي بألم واتنفس بسرعه
فهد : شجاج هذا أنا

قمر : عبالي هـوَ

فهد : اهدي تعالي كعدي اشربي مي تعالي

سحبني من ايدي كعدني على الجرباية وجابلي مي شربت وخليت بأيدي بس ترجف مااسيطر مدري شجاني وانا احس جسمي كله صار ناااار اريد بس اشمر مي على وجهي وركبتي وصدري مااكدر

اخذ فهد مني كلاص الماي بارد خلا بأيدة ومسح على وجهي وركبتي وانا اتنفس بسرعه وحـُر على بالي خايفة علي سحبني من ايدي تمدد وخلاني بحضنه

ماناقشت ولاحجيت وضعي مو مال مناقشة حاوط خصري وجهة بركبتي وانفاسة تضرب بجسمي صابتني قشعريرة بس احس بأمان هل امان مااريد اخسرة

يجي يوم وهذا الامان يصير مصدر خوف وتعب اعرف نفسي واعرف حضي ، غفيت وانا هموم الدنيا على اكتافي

حياة : التمينا انا واخوات محمود كلش للطيفات وحابتهن

سوينه سهرة واجت ويانه سليمه وسارة بس ايات افتقدناها لأن رجعوا للعمارة وقمر ماشايفينها بس مرتين مانعرف شنو وضعها بس من سولفتلنا سارة بقينه صافنين

سليمه : يااا شجاها البنت تريد تطلك؟ ترا فهد يحبها شلون تكسرة

سارة : والله ماادري خية تشيل روحها وتركعها بالكاع تصيح مااريدة طلكني هذاك اليوم تخبل عليها كلت هسه يمددها ويكتلها بس ياخية حجاياته انا من يمي دكن بكلبي شلون كلبها انطاها هيجِ تقسى؟؟

حياة : اكيد عدها سبب قمر ماتاخذ هيجِ قرار اذا مامفكرة بيه؟

سارة : ماادري والله خية بسرعه بسرعه تغيرت 180 درجه