دك المنبه على الساعه 6:30 صباحـاً
_: ههففف اول صباح بالمعهد الي،
كمت على حيلي ومددت جسمي وحركته، يارب يوم جميل وبدايه جديدة وتحقيق حلم اسعى من اجله يارب مااشوف الحزن بحياتي مرة الخ.
دعيت ربي وصليت على النبي وكمت على حيلي دخلت للحمام غسلت وفرشت اسناني وسبحت وطلعت نشفت شعري،
لبست وعدلت نفسي ورفعت شعري بقراصه وعاطت الوالدة
سهام: ولج يمههه ولج بنتي تاخرتي اول يوم الج بالمعهد تتأخرين شنهي سالفتج لخاطر محمد
_: اجيت يمه اجيت صبريلي البس حذائي
سهام: ديلا بسرعه
_: اي اي هسه، لبست ورحت وكفت كدام
مرايتي باوعت لنفسي وعيوني ورموشي الكثيفه الي اعشقهن بنفسي اخذت نفس ورشيت عطر ااخ احب العطور،
اخذت موبايلي وجنطتي ونزلت
سهام: ماطلعت حذاء يمه قمر مايصير من اول
يوم تتاخرين
قمر: لا ماما الدوام يبدأ ب8:00 وهسه ب7:4
دقايق هسه يجي الخط واروح
سهام: تعالي اطگلج بيضه اكليها وروحي
قمر: تدرين بيه مااكل الصبح وخصوصاً اذا جنت طالعه بس فدوه الطولج يمه كهوة اريد تعدل
راسي وحتى ماانعس مانمت زين لبارحه
سهام: تحضر بالكهوة وتحجي، هاي الكهوة
موزينه على الريك يايمه وهم ليش منمتي زين عدلي نومتج بعد لازم تلتزمين ياامي
قمر: تدللين يانضر عيني، كعدتي سارة واحمد؟
سهام: كعدتهم دايبدلون وحيجون يتريكون
قمر: هممم تمام،
شوي واجوي وامي داتحضر بالريوك،
اسمعوا انتم الاثنين هسه انتم مرحله جديدة وبدايه عام جديد اي تقصير بالدراسه مااريد درجات اريدها عاليه وتفتح النفس واريدكم
دائماً هيبه وكفو لاتنزلون راسي وتكسرون املي حبايب كلبي
سارة: من الصبح نصايح ست قمورة
قمر: خزرتها عاكدة حاجبي،
غصباً عليج بابا من الصبح نصايح اذا شفت شي خطأ صغيرون ياويلكم مني،
سارة كلبت عيونها وتاكل،
خزرتها وكلت
هاي النضرة بطليها لاافكس عيونج وتعرفين اعصابي ميحتاج اذكرج
احمد: قمر حبيبتي لاتوصين اهتمي بنفسج واوصلي للي تردينه والي تأمرينه به اعتبري تم
قمر: ياروحي فدوه اروحلك انا كفو وليدي وزلمه بيتي،
يلا يوم حأطلع اجر تكسي واروح مع السلامه ادعيلي بوستهم وطلعت للشارع العام وانا الف حسرة بكلبي اوووف ياربي دخيلك وفقني وقويني وكفت تكسي وصعدت
قمر: خويه لمعهد*****
مشت السيارة وانا فتحت الجامه استنشق هواء الصباح والدفو وبيه برودة ونسمات هواء تلامس بشرتي اوف يارب ادعيك مالي غيرك،
أنت تقرأ
ومن غيري انكسر؟
Randomالليل اصبح مهربي من ضوضاء المدينه وعائلتي، والفجر اصبح هدوئي مع الرياح الشتائيه، لم انسى أي ذكرىٰ كـانت في قلبي وعقلي، ڪاد الشتاء بالسير نحوي وبهِ جميع ذكرياتي الرياح والبرد القارص وقطرات المطر الصغيرة التي تلامس وجنتاي بهدوء وللطافه، نسمه رياح...
