ومن غيري انكسر؟

الـبــّــــــارتَ _ 30 _

ومن غيري انڪسر؟
بقلمي: زهراء المحمداويـة
اللقب:( زيــــري)

يا مَا گتلك نظره مِنك
تختصُر عُمري الحَزين
ويا مَا گتلك چلمة مِنك
تِنده برُوحي السنين
وچنت وَين وهِسه وَين
چان گلبي ولايه وَحشة
والشعُور البيه طِين
هِسه ديني رمُوش عَينك
مَالي وَي الناسَ دين

قرائــه ممـتـعــــــة

         بسـﻤ الله الرحمـٰن الـرحيـﻤ

°•°•°•°•°•°•°•°•°•°•°•°•°•°•°•°•°•°•°•°• ♡

للصاله كل واحد نطيته ڪوب كعدنه نسولف شوي وصعدت بدلت وطلعت للشغل بس وصلت رحت بوجهي للمدير، السلام عليكم

حمزة: وعليكم السلام ست قمر تفضلي

قمر : زاد فضلك، شسمه سمعت ان اليشتغل شفتين تزيدون راتبه مو صح؟ يعني نفس الراتب بس اضاعفونه مرتين

حمزة: ايي صح وانا محتاج احد يشتغل الصبح والعصر او عمال هواي

قمر : انا اريد اشتغل شفتين الصبح والعصر

حمزة: متأكدة
؟
قمر : اكيد ليش السؤال؟

حمزة: لان شوي يعني نوعاً ما تعب وضغط

قمر : عادي كلش عادي

حمزة: تمام اجهز كلشي ومن باجر تبلشين لأن راس الشهر استلام الراتب

قمر : خير ان شاءلله، اترخص منك، طلعت توجهت لمكتبي كعدت وبلشت اشتغل لحد مصار الليل خلصت وطلعت للبيت

طلبت من حيدر ينزلني يم الاسواق، نزلت دخلت للأسواق اشتريت حلويات كل واحد علاكه وحلويات الي

واجباس واجبان وبيض ومربه ومعلبات ولحم مثروم واشكال والوان،

دفعت الحساب وطلعت للبيت،
تلاكه وياي ابن خالتي مصطفى

مصطفى: لك هلا بقمرنه شلونج شخبارج

ماتبينين ولج وين ماوين كلما اجيكم لو بالشغل لو بالمعهد

قمر : بادلته الإبتسامة، والله خويه مو مثل قبل انشغال وتعب وراح ابلش اشتغل شفتين الصبح والعصر وارجع بالليل

مصطفى: ليش داضغطين على نفسج بالشغل شنو محتاجه فلوس كوليلي؟

قمر : متقصر والله بس ممحتاجه شي الحمدلله والشكر بس دااشتغل اجمع كم فلس خاف يصير شي او احتاجهن فد يوم

مصطفى: صحيح، اهم شي مرتاحه

قمر : الحمدلله والشكر

مصطفى: تعالي علينه اذا فارغه ابوي تعب وهو يسئل عليج هذاك اليوم تعارك ويانه عباله صاير وياج شي وضامينه علي