ومن غيري انڪسر؟
بقلمي: زهراء المحمداويـة
اللقب: زيــري
كلهن اردهن بالمثل بس يصفـة بالي
قرائــه ممـتـعــــــة
بسـﻤ الله الرحمـٰن الـرحيـﻤ
°•°•°•°•°•°•°•°•°•°•°•°•°•°•°•°•°•°•°•°• ♡
شبه صدك هو بس قنعته مر شهرين وفهد ميكدر يرجع والوضع خطر ومتحاصرين وانا فكري كله يمه ماارتاح وبالليل اكعد بالبلكونه ابجي لحد مااتعب حتى حـُر يكعد يبجي على صوت شهگاتي وصرت حتى اكتمهن ومااخليهن يبينن توالت الايام واقترحت علي سليمه اراجع دكتور نفسي لأن صدك تأزمت حالتي وصرت اشك بنفسي حتى كاميرات بغرفتي علگت وصرت اراقب نفسي كل يوم اكعد ابجي على أثر كابوس خفت كـُلش صح من قرأ علي السيد قلت الكوابيس بس حالتي النفسية متغيرت وكل المناظر بقت ابالي خفت على حـُر يتأثر فقررت اراجع دكتور نفسي لأن من زمان محتاجة هل شي فقررت ادور باربيل على دكتور زين واروحله وفعلاً دورت ولكيت واليوم اروح للجلسه الاولى رجعت من الشغل تعبانه ارتاحيت وعفت حـُر يم ام جابر وطلعت بتكسي للدكتور
وصلت اله وبقيت انتظر نص ساعه ودخلت سلمت وكعدت بس مااعرف ليش كلبي ماارتاح بس للأسف مثل كل مرة اجذب احساسي وامشي بمزاجي ، ممبين عليه دكتور نفسي جسمه معضل كـُلش وضخم بضخم فهد وغمازاته باينه عيونه الي مثل البحر بس بيه سمار ولحيتة الخفيفه بس بعدة شباب حتى مابية شيب سلمت وكعدت وانا مشمازة على خايفه مااعرف شبيه كلبي،
_: تفضل ست قمر كل الهلا بيج اعرفج على نفسي الدكتور حرير فاضل
قمر : انا قمر صباح ، اسم ابوي مغيرته باقي مثل ماهو ولافكرت اغيرة ابد
حرير : اتشرفت بيج ، شكد عمرج من وين؟
قمر : وليش هل اسئله؟
حرير : رفع حاجبه وحجه ، انتِ جاية لدكتور نفسي لازم يعرف كـُلشــي عنج حتى يكدر يحل مشاكلج النفسية
قمر : غمضت عيوني اخذت نفس عميق اهدا نفسي هو لازم يعرف كـُلشــي عني شبيه هجمت بوجه الولد فتحت عيوني وكملت ، قمر من البصرة عشت اربع سنوات بالعمارة اصلي بغداد بس طفولتي بالبصرة وبعدها اجيت هنا استقريت بأربيل وحدي
حرير : عكد حاجبه وارتجه على الكرسي وكتف ادينه ، عايشه وحدج وهنا؟!
قمر : اي ليش؟
حرير : شنو السبب؟
قمر : اخذت نفس عميق مااعرف ليش ماارتاحيت ، عادي نعتبر هاي اول جلسه ونسميها جلسه تعارف؟
حرير : ابتسم بانت غمازاته.، اي عادي الظاهر انزعجتي من اسئلتي بس لازم تتعودين ورانا اسئله هواي قمر مالازم تضعفين ورانا ايام هواي سوة نخلصها
أنت تقرأ
ومن غيري انكسر؟
Randomالليل اصبح مهربي من ضوضاء المدينه وعائلتي، والفجر اصبح هدوئي مع الرياح الشتائيه، لم انسى أي ذكرىٰ كـانت في قلبي وعقلي، ڪاد الشتاء بالسير نحوي وبهِ جميع ذكرياتي الرياح والبرد القارص وقطرات المطر الصغيرة التي تلامس وجنتاي بهدوء وللطافه، نسمه رياح...
