ومن غيري انكسر؟

الـبــّــــــارتَ _ 57 _

ومن غيري انڪسر؟
بقلمي: زهراء المحمداويـة
اللقب: زيــري

ما باجيلك انهَ لهسه مصدوم
سودة بوجهك على اخر رسالة

قرائــه ممـتـعــــــة

بسـﻤ الله الرحمـٰن الـرحيـﻤ

°•°•°•°•°•°•°•°•°•°•°•°•°•°•°•°•°•°•°•°• ♡

شهاب : نقلناهـم للمستشفى بسرعه دخلناهم عمليات وفهد ااخخ يافهد روحه مفرفحه تفرفح مايعرف يلطم لو يبجي لو يصرخ بس يركض بالممرات ويحاجي بالممرضات والممرضين حتى يطمنونه ، لحضات تحبس الانفاس اختي واخوي بنص الموت لو نخسرهم ثنينهم لو نخسر واحد منهم

فلاش باك ( عودة للماضي )

انطلق صوت الطلق التفتت بسرعه شفت محمد بـأيدة سلاح والظاهر ساحبة من خصر الشرطي الكلبش ادينه

وجـهة المسدس على قمر وحرير وهـمَ يمشون واحد بصف الخ.. محققين الانتصار وفرحانين بيه ، اخترقك صوت الطلق مسامعنه وجان متقصد على قمر وحرير والطلق اجه بضهرهم مااعرف كم طلقة بس صار يرمي بعشوائية لحد مالزمه الشرطي وضربه وفقد الوعي

ركضت بروحي منتهية على قمر لزمتها وفهد بحضنه حرير عافة وركض على قمر حتاريت اباوع لمنو واكعد منو ، اخوي لو اختي
ابتسامه حرير المطمأنه نغزت كلبي وهـوَ يكول،،،

حرير : دير بالك على غـيـمـة واكو اكو امانه

شهاب : يحجي بصعوبه وكوة افهمه حضنته وصحت بكـُل حيلي ، لاتعوفنييييي حررريييرررر ولج گـمرية كومي حاجيييي

حرير : اكو امانه امم، اما اما امانه

شهاب : وين ويننن احجييييييييي

حرير : اذا متت تنطيها لغيم وتقرونها واذا مامتت ضمها

شهاب : صار والله صار بس كلي وينها

حرير : بنفس البيت جوة الكنتور

شهاب : اخوي لاتعوفني
هز راسه وسكت يسحب النفس بصعوبه باوعت لقمر مادة ايدها لحرير بصعوبه لزمت اصبعه واردفت بصوت متقطع...

قمر : لا، لاتعوفني

فهد : گـمرية لاتعوفيني

قمر : اممم ، فهد حرير ،
تحجي وتأشر على حرير ولازمه اصبعه ، فهد هـوَ اهم اهم اهم من،، مني

غمضت عيونها واجت الاسعاف بسرعه نقلناهم للمستشفى ودخلناهم للعمليات وفهد روحه مفرفحة ومحمد اخذوا للسجن

فهد : كلي شسوي شهااااب راح تروح من ايدييييي

شهاب : اهدئ اهدئ مثل ماانت تحبها انا اخوها ودمنا واحد وروحها التوجعها توجعني

خرج من صمته واردف بأستغراب
فهد : اختك؟ من شوكت تعتبرها اختك؟

شهاب : اخذت نفس عميق غمضت عيوني وزفرت ، تعال اسولفلك