كعدت على صوت المنبه جانت الساعه بـ6:30 الصبح ماشفت فهد بمكانه كلت اكيد نزل جوة، كمت غسلت وبدلت وعدلت نفسي ورشيت عطر ونزلت لكيتهم كلهم ملتمين وفهد وياهم، صباح الخير
الجميع: صباح النور
سهام: جايه عود اكعدج
قمر: لا يمه كعدت
سهام: شبيها عيونج حمر قمر؟
قمر: يمكن لأن سهرت ادرس ونمت وراسي ياذيني
سهام: اهاا، هاي قهوتج واكلي شي حتى انطيج علاج وجع راس، علاجج شربتي؟
قمر: هاا اي اي شربته
سهام: اكلتي قبل مشربينه لولا؟
قمر: هناك اكل هسه مااشتهي
سهام: تمام
اخذت قهوتي واشرب بهدوء وصافنه بالفراغ وكدامي فهد خلصت وحجيت، اولادي
احمد وسارة: ها قمر
قمر: الامتحانات الشهريه قربت اريد درجات وبعد شوي من ترجعون تروحون للمحاضرة مفهوم
: صار
فهد احسه صافن بوجهي وانا مغلسه عنه شوي وخليت عيني بعينه خزرته يمه شكد صلف ميستحي يااااععع، ماما يلا انا اروح
سهام: بعد وكت ب7:30
قمر: ميخالف مااريد اتأخر
كمت بوستها وبوست الجهال، فهد تروح؟
فهد: اي اروح يلا
قمر: يلا طلعنه سوة هو يمشي كدامي وانا وراه اباوع الضهرة، يمه ضهرة اكبر من ضهري بمرتين ونص او ثلاثه يخوف هذا، التفت علي وفتح باب السيارة تفضلي
قمر: وين؟
فهد: اصعدي يعني وين.؟
قمر: لالا يابه انا اخذلي شايب منا من الشارع واروح مااصعد وي ولد شاب ماملتزمه وياه لا وفوكاها وياي بالمعهد والطلاب يشوفوني
فهد: شبيج بابا دصعدي هسه شعلينه بالطلاب
قمر: مااصعد كووة هيه
فهد: اي كوة يلا صعدي لااصيح امج ترزلج
قمر: مالي خلك رزايل امي وحجيها وملحتها استسلمت للأمر الواقع وصعدت وهو صعد وحرك السيارة ومشينه، شو وانطاني الفيشه مال السيارة حتى اشغل اغنيه
فهد: شغلي اغنيه تحبيها
قمر: ليش؟
فهد: حتى نسمعها يعني ليش والله تجلطين وتستفسرين ودققين هواي
قمر: لتخليني اعيط بيك وانزل هنا
فهد: ماانزلج
قمر: اتعوذت من الشيطان وسكتت، البارحه انا شلون نمت وانت وين اختفيت؟
فهد: فجئه نمتي الضاهر تعبانه وانا غطيتج ونزلت للاستقبال عيب من الوالدة شوفنه سوة بالغرفه شتكول علينه
أنت تقرأ
ومن غيري انكسر؟
Randomالليل اصبح مهربي من ضوضاء المدينه وعائلتي، والفجر اصبح هدوئي مع الرياح الشتائيه، لم انسى أي ذكرىٰ كـانت في قلبي وعقلي، ڪاد الشتاء بالسير نحوي وبهِ جميع ذكرياتي الرياح والبرد القارص وقطرات المطر الصغيرة التي تلامس وجنتاي بهدوء وللطافه، نسمه رياح...
