ومن غيري انكسر؟

الـبــّــــــارتَ _ 47 _

ومن غيري انڪسر؟
بقلمي: زهراء المحمداويـة
اللقب: زيــري

بقمة ضياعي چِنت محتاج عنوانك
ومِن صار ظَلمة العُمر حنيت لالوانك
چِنت بوجودك قَوي ومكتملة شخصيتي
ومِن راح خوفك كِلت راحت اهميتي
چا هاي تاليتي ؟..
تبتعد عني بسبب حرصي وانانيتي ؟
تتركني بوگت تعبانة نفسيتي ؟
كُلشي امتلكتة الك واولها حريتي ..
چا هاي تاليتي ؟

نهـايــــــــــة البارت مفاجئه بمناسبه النص مليون قرائه 🤎

حيل فرحانه شكراً الكم وتصويتاتكم

قرائــه ممـتـعــــــة

بسـﻤ الله الرحمـٰن الـرحيـﻤ

°•°•°•°•°•°•°•°•°•°•°•°•°•°•°•°•°•°•°•°• ♡

قمر : اخذت نفس وزفرته بهدوء، اي هيج حأبقى

سهام : ليش قمر جا غير انا امج صح مو امج لولدتج بس ربيتج وكبرتج

قمر : ماانكر هذا الشي بس ماانسى كسرتج الي عشرين سنه يمه؟ عشرين سنه ماكلتيلي ولا كدرتي تبعدين صباح وخوانه مني؟ عذبوني وقهروني؟

سهام : بدموع، والله ياماما ماجان بيدي شي جنت اسكت حتى يسكتون وميكولولج

قمر : سكتت مجاوبتها

سهام : احجي قمر يمه لاضلين ساكته سكوتج هذا وراه شي

قمر : ماوراه شي واحد، وراه اشياء كـُلش هوايـة

سهام : الله كريم، محمد بالطريق جاي حتى يشوفج

قمر : التفتت عليها بسرعه، ليش والمن جاي؟

سهام : عرف احنى كنالج وهواي اجه يشوفج من انتِ بالغيبوبة

قمر : والمن جاي لايجي مااريد اشوفه ولااريدة

سهام : يمه هذا ابوج لازم تتقبلينه وعندة اولاد وبنات خير من الله وكلهم خوانج ويحبونج

قمر : اشايفين مني حتى يحبوني

سهام : من يشوفوج ويعرفونج راح يحبونج والله

قمر : انا لااريد اشوفهم ولااريد اختلط وياهم انا مبتعدة عنهم وعنكم هم قريباً

سهام : وين مبتعدة؟

قمر : مو هسه تعرفين، ومن يجي لايدخل علي مااريدة ولااريد اشوفه

سهام : مايصير هيج قمر

قمر : هذا اخر كلام عندي ولحد يزعجني اريد انام
يأست امي مني وكامت طلعت بقيت انا افكر شنو مصيري وشنو حيصير مااريد اشوفه او التقي وياه شلون بيه ياربي سهلها علي كلبي تعب حيل

شوي واجه الدكتور واخذولي مفراس عندي صداع بالجهة اليسار اذاني كـُلش صح من زمان يصير عندي بس من كعدت لهسه احس الوجع زاد خبلني مااكدر اتحمل الوجع، اخذ الفحوصات اللازمه وكال