ومن غيري انكسر؟

الـبــّــــــارتَ _ 60 _

غمضت عيوني بتعب وخوف وهم يقرون وياي اتصل شهاب على فهد كذا مرة ماجاوب برابع اتصال جاوب

فهد : شتريد

شهاب : اخر سكط وين دايح؟؟

فهد : شعليك وشتريد

شهاب : يابه دتعال خلي حماية على البيت صخام الطام هذا حسن رجع هاجم قمر وهـيَ نايمه وغرس السجين بخصرها وهسه يهددها بحـُر

انتفض بصوت غاضب
فهد : هاااي شوكت وليش ماادرييي

شهاب : هـوَ انت جاي لافي سائل مجاوب على صخام وما كنالك

فهد : قمر شلونها خو مابيها شي؟

شهاب : صايرة صفرة وخسرت دم هواي ديلا تعال يابه وجيب حماية

سد الخط وانا ارتجيت بتعب واردفت ، حسن اذا كدر يأذي حـُر ويكسرني بيه اكتله بأيدي خلوا عدكم علم ، حجيت موجهة الكلام لوريد وحرير

حرير : اكتلي واشربي من دمه

وريد : احنى وياج

قمر : كلنا بعد انام بغرفة وحدة المهم ماتفاركون عيني

سارة : مو لهل درجه قمر

حرير : كلامها صح لأن افضل النا نلتم بمكان واحد اذا واحد من عدنا تأذة لو تهاجم نحس بيه

تقرب شهاب مني وحضن راسي لصدرة
بادلته الحضن وعيوني تغفي على صدرة مر وقت ونمت واناا بحضنه ، حسيت بالمسات على خدي وهمس ، فتحت عيوني صارت بعيون فهد وجهة تعبان والسواد محاوط عيونه ابتسملي بتعب

فهد : شلون صرتي؟

قمر : كمت كعدت بصعوبة واردفت ، زينه ، باوعتلهم كلهم كاعدين مكابليني
عكدت حاجبي واردفت،
شكو مكابليني تشبعون مني شوف؟ مو هسه اموت

ضحك وريد بصوت وضحكوا على ضحكته اردف وهو يأشر عليه
وريد : فهموني هاي البنت ماعدها قاموس. بحياتها اسمه اهتمام؟ يعني مهتمين بيها وخايفين وهيجِ تكوللنا

قمر : صوجكم مو صوجي

وريد : والله بهاي انا وياج

ابتسمت وسكتت ، سحب فهد ميز كدامي طلع اكل وكلهم التموا ياكلون

فهد : ترا جبته الها؟؟

حرير : يزودلها هسه تاكل لكمتين وتكلك شبعانه

قمر : ابتسمت بتعب ، انا مااشتهي ردت اكوم لزم ايدي وسحبني علي كعدني بحضنه وحاوطني بااوعتله خزرته بس مااهتم

فهد : الاكل جبته حتى تاكلين وجهج اصفر

قمر : مااريد مو جوعانه

فهد : تاكليين وغصباً عليج

قمر : هـيَ كوةةة؟؟

فهد : اي