زمرد - هااا اها كعدت على الكرسي انتضر التوضيح يلا احجوا
حك راسه يباوع على أسيد يلي رفع اله ايدي بـ معنى معليه
ضِغاب - يمه سوينا بي هيج لان عمتي حجت على خالتي شهر
عدلت كعدتي عاكده حاجبي مستغربه :- شنو ولكم
أسيد - شنو هيه و تحجي على خالتي شهرزاد أصلًا ردنا نطمسه بالمي بس ماصارت النا فرصه
ضِغاب - ردت اطيح حضه بس اخخخ
زمرد - انتوا ماتوبون من هل الحركات مو عليتوااا گلبي
ضِغاب - يمه خالتي خط احمر يلي يوصل الها نموته و يستاهل ذاك المايع الدلوع لو مخليتني بعد افر بي يصير عنده مغص
زمرد - يعني انت رايح للمتوسطه وهيج سوالفك إذًا وصلت للاعداديه تشيب راسي بسوالفك
أسيد - بس اني حباب
زمرد - اسكُت انتَ اضبط من عنده
ضِغاب - يمه ترا مو زعاطيط احنا
أسيد - هسه انتِ ليش مسويه مجلس انضباط علينا
زمرد - ياا ياا عزاا مجلس انضباط انوب منين هل سوالف جايبيها
ضِغاب - احتركت لشتك أسيد
أسيد - يمه لا تخافين هاي كلمات تطلع من اعماقي
زمرد - يمه والله راح ينفجر راسي من وراكم
ضِغاب - ها هاي هيه نطلع
زمرد - شوفوا ولكم تبطلون وكاحه ترا اخبزكم
أسيد - ايدج ثكيله لا تخافين مانصير وكحين بعدين صرنا كبار
زمرد - اي واضح عليكم من هل وكاحه
طلعت من الغرفه مرسوم على وجهي ابتسامه .. الحمدلله الك ياربي يفكرون بخالتهم مايقبلون احد يحجي عليها
صارت وجهي لطيفه متخصره رافعه حاجبها
زمرد - خيررر يا طير
لطيفه - شوفي ترا إذًا شفتهم واصلين يم ابني احط السجينه ببطنهم
زمرد - شنوو يمه شنووو ليش تايهين الج ماعدهم عرف ولف
لطيفه - مخليتج براسي من زمان بس كلت خطيه ديري بالج لان مارحمج
زمرد - ولج تردين اخاف من وحده مثلج عديمه اخلاق امشي ولي من وجهي احتاري برجلج
رفعت الكذله يلي نازله على عيونها انرسمت ابتسامه بخبث على ملامحها تهمس :- خوش لعد انتضري و شوفي شون اكلب الج حياتج
YOU ARE READING
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
بارت 29
Start from the beginning
