في جحيمهم عالقة

البارت (8)

_لا ذاك بعناه راح ننتقل الشقة بالعمارة اللي بيها خالج حسن وخالاتج الله يحفظهم يعني ماكو واحد غريب وتستحين من عندة

_خوش هاي هي اشوكت ننتقل حتئ نبلش نلم الغراض دعيت الله بكلبي تكون حياتي افضل واشوف اشياء افضل متوقعت راح تكوم بداية اكبر معاناتي بهذا المكان السيء

_هاليومين ان شاء الله وعلي ما يروح ويانة يريد يشتغل هنا بس حسين واني

_هزيت راسي رحت كملت طبخ تغديت وغديت ابني وخليت الباقي ع الطباخ اليريد يصب لروحة ثاني يوم بلشنا لمينا الغراض بكراتين وكواني كبار كلهن لميتهن وحدي بس الكبار هم نقلوهن رحت للشقة الثانية وهم جابو الغراض وراي اجانة خالي وخالتي سلمو علية وسلمت عليهم وراحو نزلو الغراض خالتي راحت تعزل بيت علي الثاني لان راح يشيل من عدنا وحسين عافني وطلع عافوني وحدي بكل هاي الهوسة من الصبح لل12 ونص بالليل اني اشتغل حيلي راح والبيت مو جبير بس صالة وغرفة بنص الصالة لان حماي طلع بس اني وحسين وحتئ خالتي اغلب وقتها برة  ابني دنفوشتي يلعب يمي وحدنا اني وياه كل ما يجوع انطي حليب وصاير جبير 11 شهر مو مال حليب بس شسوي رتبت البيت وكعدت حيلي مهدود اندك الباب كمت فتحتة ريام بت خالي حسن حضنتني

_اسفة ريم لسة ما جبتلج اكل استحيت من عيالج عبالي يجونج بس مراقبتهم من الصبح لسة ما اجوج صدك ذولة بلا احساس عايفيج انتي وابنج وحدهم

_جريت حسرة من التعب كلتلها اتفضلي ضليت افكر بكلامها هم صدك عايفيني وحدي لا واحد اجاني ولا سئل عني هذا كلتلها هذا حظي مدري فهاوة امي مدري هم صدك بلا احساس ما اعرف والله كعد حبيبي العنون من النوم شافتة بت خالي كزكزت عليه ضلت تبوس بي وتحضن وتلعب وياه كمت صبيت اكل ووكلتة وياي ريام ما قبلت تاكل لان ماكلة شبع وغسلتلة وخليتة بالكاع يلعب يم ريام ورجعت خلصت كلشي باقي غسلت الشقة غسل وريام شايلة ابني وتلعب وياه كملت وكعدت كلتلها ريام بس طلب تكدرين تضلين يمة بس اذب علئ روحي مي وعلي خست نضفت البيت كلة

_يا صدك جذب غالي والطلب رخيص روحي يعمري اسبحي واني يمة

_اخذت هدومي ورحت للحمام اسبح هاي شقة يعني جاهز بيها مي وحمام ومدري شنو فتحت الدوش ووكفت جواه حسيت دموعي ينزلن مدري عليمن بجيت لان تعبت لو لان عافوني لو علئ الضلم الشفتة لو علئ الهم التحملتة علئ الضرب الاكلتة لو الغرايز الحيوانية مالتة علئ شنو بجيت يمكن علئ المنظر الشفتة قبل كم يوم وما رايح من بالي كلشي اتذكرتة وبجيت كملت سبح ولبست هدومي وطلعت اخذت المشط وكعدت بالصالة امشط شعري الاحبة اباوعلة كايم يوكع خصل حتئ هو حاس بية وحاس بشعوري ضفرتة ورفعت راسي وكلت يارب انت اعلم بالحال بقت يمك كمت شلت حمودي شكرا يعمري تعبتج ريام

_لا صدك جذب بالخدمة يلا اني اترخص اروح لا تجيني امي

_ليش خوما ضجتي منا