المملوك الاخير
الجزء الرابع عشر
فوزى : ايه يا عوض عملتوا ايه روحتوا السلطان
عوض : روحنا يا سيدنا
فوزى : وعملتوا ايه
عوض : قطعوا نفسى وفضلوا يصورا كل مكان
فوزى : المهم اكيد طبعا الى بيدورا عليه مش فى السلطان حسن
عوض : اكيد لا يا سيدنا هيدخلوا هناك ازاى ده شرطة السياحه هناك علطول الصبح وبعدين بيتقفل
فوزى : يبقى هستنى المكان الجاى بقى وهنشوف وهسيبهم هما الى يطلبوا
عوض : هى منى ردت عليك يا سيدنا
فوزى : اه ردت وبتقول مش بتفكر فى الجواز دلوقت
عوض : قالتلك كده بس
فوزى : اه اشمعنى
عوض : اصلى حاولت افتح معاها الموضوع صديتنى ويعتبر هزأتنى وقالتلى هرد على ولى امرك
فوزى : هههههه ما انت بردو مش فاهم عارف تشغيلها يا عوض
عوض : يعنى اشغيلها ازاى يا سيدنا ما انا طلبت ايدها اهو
فوزى : بص يا عوض انا هنصحك يمكن النصيحه تجيب معاك
عوض : قول يا سيدنا اكيد مفيش زى خبرتك
فوزى : بص يا عوض كل انسان فيه مميزات وعيوب ، وانت بقى يا عوض عيبك انك سمج وملزق وبخيل ومعلش يعنى معفن
عوض : ومعلش ليه بقى
فوزى : يا بنى انا بنصحك ، الميزه الى عندك انك عند فلوس تحت البلاطه من العمليات الى بتعملها يبقى فك ايدك شويه إلبس على الموضه يا عوض روش نفسك يا عوض اخطف عنيها فاهمنى
عوض : فهمتك يا سيد الناس يا مدرسه من بكره هتشوف عوض جديد
فوزى : الى يعيش يا ما يشوف يا عوض
عوض : المهم يا سيدنا انا جهزت مكان كل وعملته مخزن وعملت جرد على الى فى المخازن عندنا فى شوية رسايل قديمه على عملات على حاجات من الى مش عليها العين عاوز بقى انك تسقطها من الجرد يا سيدنا عشان نبدأ ننقلها على المخزن بتاعنا وننتصرف مع الى هناخده من احمد ومنى
فوزى : ماشى يا عوض سيبلى الموضوع ده
عم عاطف : القهوه يا ريس
فوزى : ايه ده يا عاطف ده مش تخبط قبل ما تدخل فى ايه
عم عاطف : لا مؤاخذه يا ريس انا عارف ان سيادتك مستنى القهوه فدخلت علطول
فوزى : خلاص سيبها وروح
عوض : استأذن انا يا ريس
فوزى : ماشى يا عوض اتفضل
عوض : متنساش الى اتفقنا عليه يا سيدنا
فوزى : انفضل يا عوض متبقاش سمج وكمان غبى
*********************************
عم عاطف : الشاى يا احمد يا بنى
احمد : شاى ايه يا عم عاطف انا مطلبتش شاى
عم عاطف : لا انا كنت عاوز اجيلك فقولت اعملك شاى
احمد : ماشى مش هدفع حسابه
عم عاطف : وهترضاها على نفسك تشرب سفلقه
احمد : يا عم اه هرضاها عادى
عم عاطف : طيب تصدق خساره فيك ، خدى يا منى يا بنتى اشربى انتى الشاى مدام كده كده ببلاش
منى : هههههه تسلملى يا عم عاطف
احمد : ايه مبسوطه اوى
منى : اه طبعا عم عاطف ده حبيبى
احمد : ربنا يهنيكوا ببعض
منى : بقولك ايه يا عم عاطف استاذ فوزى موجود ؟ عاوزه ادخله عشان اقوله على الزياره الى احنا عاوزنها
عم عاطف : لا انا سايبه كان هيمشى وكان عنده عوض
منى : خلاص خليها بكره
عم عاطف : المهم انا سمعتهم وهما بيتكلموا وعوض كان بيقول انه عمل جرد وانه عاوز استاذ فوزى ينزل حاجات من الجرد وهينقلوها مخزن تبعهم
احمد : يا ولاد الحرميه .. احنا لازم ناخد الجرد ده قبل ما يظبطه
منى : طيب وهنعمل كده ازاى
احمد : انت مش معاك مفتاح مكتبه
عم عاطف : اه عشان بنضفه ساعات
احمد : حلو اوى هتفتح لمنى وهى تاخد الجرد من على جهازه
عم عاطف : بس عوض فى مكتبه ولو اتمسكنا هتبقى مشكله كبيره
احمد : طيب اسمعوا انا هعمل تضحيه وذنبى فى رقبتكم انا هدخل عند عوض المكتب هحاول اشغله وانتوا هتدخلوا مكتب استاذ فوزى
منى : تمام
احمد : طيب هروح انا ادخل ل عوض ومش هخرج الا لما تدخل وتقوله مش عاوز تشرب حاجه يا استاذ عوض ، فاهم يا عم عاطف
عم عاطف : ماشى يا احمد
احمد : عم عاطف اوعى تنسانى
عم عاطف : عيب عليك يا استاذ احمد
احمد والله انا مش خايف غير من عيب عليك دى
