" နှစ်ယောက် "
မော်တော်မောင်းသမားက ခပ်သွက်သွက်ခေါင်းညိတ်ပြရင်း အနားက မော်တော်ပေါ်ကို လွှားခနဲခုန်တက်သွားသည်။
" လာ နေးလက်ျာ ... မော်တော်ပေါ်တက်မှာမလား . ကိုယ် ကိုင်ထားပေးမယ် "
" ရတယ် ... "
ဘောက်ဆတ်ဆတ်နဲ့ မော်တော်ပေါ်ခုန်တက်သွားတဲ့ အလှလေးက လျှန့်ကို အမြင်ကြည်ပုံမရသေးပါ။ လျှန်လည်း ခေါင်းအသာရမ်းကာ ရယ်လိုက်ရင်း အနောက်ကနေ မော်တော်ပေါ်ကို တက်လိုက်သည်။
မော်တော်ပေါ်မှာ လျှန်တို့နှစ်ယောက်ကလွဲ တခြားခရီးသည်လည်း မတွေ့မိပါ။ ကြည့်ရတာ စောသေးလို့ထင်သည်။
" နေး... "
လျှန် ခပ်တိုးတိုးခေါ်လိုက်တော့ မော်တော်ဦးပိုင်းမှာရပ်ရင်း လေညင်းခံနေသည့်အလှလေးက ခပ်စောင်းစောင်း လှည့်ကြည့်လာသည်။
" ဟုတ်ကဲ့ ဒုဥက္ကဌ "
ပြန်ထူးဖော်ရသေးတော့ လျှန် ကျေနပ်သွားသည်။ အနည်းဆုံးတော့ ဒုဥက္ကဌဆိုတဲ့အရှိန်ကြောင့် အဆုံးထိ လျစ်လျူရှုမခံရတော့ဘူးပေါ့လေ။
" ကိုယ် ဒီတိုင်းခေါ်လိုက်တာပါ "
ခေါင်းလေးညိတ်ပြတဲ့ နတ်ဘုရားငယ်က တစ်ဖက်ကို ပြန်လှည့်သွားသည်။ လျှန်ကတော့ ပန်းပုရုပ်လေးကို တမေ့တမော ငေးမောနေမိသည်။
အချိန်အနည်းငယ်ကြာတော့ လျှန်တို့စီးလာတဲ့ မော်တော်လေးက အရှိန်လျော့လာပြီး တစ်ဖက်ကမ်းကိုကပ်သည်။ ကျသင့်သလောက်ကို ခပ်သွက်သွက်ရှင်းပေးရင်း နှစ်ယောက်လုံး ကျွန်းရဲ့ အတွင်းပိုင်းကို ဆင်းလာခဲ့သည်။
ရိုးရာအငွေ့အသက်တွေ လွှမ်းခြုံလျက်ရှိပြီး ခရီးသွားတော်တော်များများ သဘောကျကြသည့် နေရာဖြစ်တာကြောင့် အခိုင်အမာဆောက်လုပ်ထားသည့် အပန်းဖြေနေရာနှင့် စားသောက်ဆိုင်တန်းတွေလည်း ရှိသည်။
ထူးဆန်းသည့်အချက်က အဆောက်အအုံတိုင်းသည် ခေတ်မီဆန်းပြားလှသည့်မဟုတ်။ ရှေးခေတ်ကျွန်းနေလူစုများ၏ ဗိသုကာလက်ရာများအတိုင်းသာတွေ့ရသည်။ ယဉ်ကျေးမှုအမွေအနှစ်ကိုထိန်းသိမ်းသောကျွန်းအဖြစ် နာမည်ကြီးသည်မှာ ထိုအချက်များကြောင့်ဖြစ်ပေလိမ့်မည်။
BẠN ĐANG ĐỌC
My Beautiful SPOUSE
Tiểu Thuyết Chungဆက္ကဘုံလျှန် (Sakka Bxon Hlxan) နေးလက်ျာ (Nayy Lattyar) (own creation) Starting Date ••• 24/9/2021 Ending Date •••
အပိုင်း - (၁၅)
Bắt đầu từ đầu
