កំឡុងពេលដែលហានីល បានអង្គុយមើលមុខជុងហ្គុក ស្រាប់តែគេបានបើកភ្នែកឡើងយឺតៗ ដែលធ្វើឲ្យអ្នកលួចមើលគេនេះ ភ្ញាក់កន្ត្រាក់ ថយខ្លួនចេញទាំងញញឹមមិនសម។
“អឺ…ខ្ញុំ-ខ្ញុំ”
“ម៉ោងប៉ុន្មានហើយ…ខ្ញុំមិនគួរណាច្រឡំគេងនោះទេ” ជុងហ្គុក ឃើញនាងរដិបរដុប ក៏និយាយកាត់ព្រមទាំងក្រោកអង្គុយ ព្រមទាំងយកដៃអះក្បាល។
‘មែន….មែនហើយ-លោកគួរតែទៅផ្ទះ យប់ខ្លាំងណាស់ហើយ” ហានីល ក្រោកឈរ ឱបដៃយ៉ាងសុភាព មើលទៅគេ។
“លាហើយ!” ជុងហ្គុក ក៏មិនបង្អង់យូរ ប្រញ៉ាប់ក្រោកដើរទៅមុខ ដោយមានហានីលដើរតាមពីក្រោយ ។ វាពិតជាមិនសមភ្នែកឡើយបើមាននរណាម្នាក់ឃើញពួកគេបែបនេះនោះ។
“ឈប់សិនលោក…ខ្ញុំភ្លេចយកតែឲ្យលោក” ហានីល ទើបឃើញរបស់ដែលជុងហ្គុកពេលចិត្ត ទើបនាងប្រញ៉ាប់ស្រែកឃាត់។
“ឈប់សិន! មិនបាច់ទេ ពេលណាខ្ញុំចង់ផឹក ខ្ញុំនឹងមកទីនេះ” និយាយតែប៉ុណ្ណឹង គេក៏ប្រញ៉ាប់រត់ចេញទៅយ៉ាងលឿន ដូចកូនក្មេងគ្មានខុស។
“ហ្ហឹស! ជុងហ្គុក” ហានីល មើលដំណើររបស់ជុងហ្គុកទាំងអស់សំណើច។
“មិននឹកស្មានថាខ្ញុំបានទុកចិត្តលោកសោះ”
……..
ព្រឹកថ្មី ជាព្រឹកដែលហានីល មានតែរឿងស្គុគ្រស្មាញចូលមកជារើយៗ ជាពិសេសនោះពេលនេះ នាងបានកាន់ក្រដាស់លាឈប់ទៅដាក់នៅធនាគារចាស់របស់នាងហើយ។
“សុំឲ្យខ្ញុំជួបតែសំណាងល្អ” ហានីល ដើរទៅមុខ ទាំងដាស់តឿន ភាពរឹងមាំរបស់ខ្លួនបណ្ដើរៗ កុំឲ្យនាងផ្ទាល់ភ្លេចខ្លួន។
រហូតពេលមកជិតដល់ធនាគាដែលនាងបានធ្វើការ ក៏បានធ្វើឲ្យនាងបើកភ្នែកធំៗ ភ្ញាក់ផ្អើល ព្រោះអគារនាងធ្វើការនោះ ត្រូវបានឆេះ ដោយពេលនេះផងដែរ ឡានទឹកជាច្រើនកំពុងតែ បរមកចត និងព្យាយាមពន្លត់ភ្លើងទាំងនោះ។
“មានរឿងអីកើតឡើង?” ហានីល បានត្រឹមតែមានទឹកមុខសោកស្ដាយ កន្លែងដែលនាងធ្លាប់បានធ្វើការ និងមានសកម្មភាពជាច្រើននៅក្នុងនោះ តែពេលនេះវាបានរលាយអស់ហើយ។
KAMU SEDANG MEMBACA
SS7:ពិសោធន៍បេះដូងទេពអប្សរ(ចប់)
Romansaរឿង៖ ពិសោធន៍បេះដូងទេអអប្សរ ប្រភេទ៖ ប្រលោមបរទេស ស្នេហាផ្អែមល្ហែម សម្រាប់យុវវ័យ ................... រឿងនេះជារដូវកាលចុងក្រោយនៃស៊េរី ម្ចាស់បេះដូងម៉ាហ្វៀ សម្រាប់សាច់នេះផងដែរនឹងនិយាយអំពីស្នេហារបស់នារីម្នាក់ដែលមានទៅឲ្យបុរសម្នាក់ដោយស្មោគស្មគ្រ័មិននឹកគ...
