السجين 777(ليبية_منقولة)

الحلقة 23

#السجين_777
#الحلقة_23

لايك قبل تقري عشان التصفية

نوح راقد ...وحس بحد ايهز فيه ..ناض ويشوف في دارين واقفة عليه ...مسح اعيونه ..وقمعز ..بحت زين ..ويشوف دارين تقرب منه وفي يدها مقص 😰

نوح : هادا شنو ..خيرك ؟!!

دارين : نوض صبي...في صوت ..شوره حد خش للشقة 😨

نوح صبا بسرعة : خش من وين ..ترا هاتي

خذا منها المقص وطلع بالشويا ..ودارين تمشي وراءه وخايفة 😰

نوح فنص فيها : خليك داخل

دارين شدت في ذراعه : لا خايفة ماتخلينيش ابروحي 🥺

نوح تنهد : تمام ..خلك ورايا ..تعالي

طلع نوح ويحاول يسمع او يعرف شن سمعت دارين : شن سمعتي او شفتي ..من وين عرفتي ان في حد خش لشقة؟؟

دارين : نضت بنشرب أمية ..سمعت صوت بالمطبخ..ومازال قاعد 😣

نوح يمشي بالشويا للمطبخ .خش ويسمع في صوت من جيهة الروشن ..وقدر ايشوف انه مش مصكر اكويس ..وكان يتحرك من الريح 🤦‍♀️

نوح شافلها وكانت خايفة : مافي شي ..غير خلعتينا على الفاضي 😑

دارين : والصوت هادا من وين ايجي ؟!

نوح : هادا فأر ..اهو قاعد ينقز وراءك 😏

دارين عيطت وتنقز وبدت ترعش من الخوف 😨..وتشد في نوح ...وهوا خاف صباح تسمعهم ..حط يده على فمها وفنص فيها : اشش أسكتي ..خيرك انبصر عليك

دارين شدت في تيشرته ..وترعش : تكدب عليا ...والله أنخاف منهم موت ..وينه😨

نوح شدها من اكتافها : أهدي والله انبصر ...مافي شي ..تعالي أشبحي بنفسك ..الروشن قاعد يخبط ..شوركم مش امصكرينه

دارين اتشوف للروشن ..ونوح صكره اكويس ..والصوت وقف ..قرب منها : شفتي ؟ مافيش داعي للخوف

دارين ضرباته على صدره : علاش الكدب ..رعشتني 😒

نوح أبتسم وجبدها من خصرها : خفتي ؟؟

دارين انحرجت وتبي اتفك روحها منه : باعد من عليا ..وربي قبل متت

نوح زد لاصقها فيه : بعيد الشر عن قلبك ..إن شالله فيا لااااا 😂

دارين ضرباته أخرى ودفاته : خزي عليك ...حول من طريقي ترا 😒

نوح عض على فمه ويضحك ...وطلع لاحقها ...خشت سريرها ..ونوح رد رقد على لارض ومازال يضحك ..بس فكر أنه باهي مش حاكي لدارين شي ..هادا صوت وخافت منه هكي ..كيف لو تعرف التهديدات اللي توصل ليه

الصبح دارين ناضت قبل نوح ..شافتله كيف راقد بشكل فوضوي ...وشكله ايهبل.وشعره لاسود يقتل 🥺🤤