#السجين_777
#الحلقة_24
لايك قبل تقري 👍
أوس من جيته وهوا ايحاول يستفرد برغد ويحكي أمعاها بس ماحصلش فرصة مع نزار والكل قاعدين
لعند شاف رغد خشت وحدها المطبخ جاءها من الجنان
رغد فتحت باب المطبخ وطلعت لجنان من لاوراء ..وتبي اتخش شدها أوس من ذراعها وطلع بيها برا لجنان 😰
سحبها بعيد عن المكان ورغد خايفة ومش عارفة خيره وشن يبي منها : أوقف أوس ..أوقف .خيرك أنهبلت والا شنو ؟
أوس حطها على الحيط : أنتي اللي خيرك رغد .خيرك امعايا ..ليش القسوة هادي كلها وعلى شنو بس ؟؟
رغد : اي قسوة؟؟ ..ليش أني شن درت ..عادي انعامل فيك زي خويا . والا مش عاجبك 😏
أوس : خوكي ماتسلميش عليه ..ولا حتى تشبحيله ..اتعاملي امعايا كأني مش موجود ؟؟
رغد : هادا اللي عندي ..لو مش عاجبك تقدر تمشي وتبعد ..ماحد ضربك على يدك وقالك تحمل أوس 😑
وتبي تمشي لكن أوس شدها وردها مكانها وقرب ايعيط عليها : من قالك نقدر نمشي ونبعد من؟؟. ..ياريت كنت نقدر النم 😡...بس مش بيدي ..رغد بالله عليك أفهمي عليا مرة وحدة بس
رغد اتشوف لعيونه ومحتارة فيهم : شن نفهم أوس ماعرفتش نفهم عليك ..لما قربت منك صديتني وقتلي أنتي زي أختي ..وتوا كلامك غريب ...أنت شن تبي مني بالضبط ؟؟ معاش عرفت شي 🥺
أوس قرب منها : أني زي اللي حط يده في النار عشان يثبت أنه مايحسش في شي ..ولما حس بحرقتها مش قادر ايقيم يده ..وفي نفس الوقت مش قادر ايعيط من حرها ..قاعدة النار في قلبي وأني حاس بروحي مكتف وماعنديش حق حتى نتكلم💔
رغد : كلامك غريب وزاد لخبطني ..أوس أني وأنتا عشرة عمر ..نعرفوا بعض من زمان وكنت نفهم عليك من نظرة ..بس توا مش قادرة نفهم حتى كلامك 🥺
أوس : لان ماعنديش الحق انقول ونشرح ..مش قادر انخون وانرد في كلمتي ..مادرتهاش من قبل ولا عمري انفكر انديرها
رغد عصبت : كلامك كله الغاز ومافهمت منه شي ..ومانبيش نفهم ..علاش جاي تتكلم امعايا لو حاس أنه ماعندكش حق ؟ علاش واقف في طريقي ومعطل حياتي من غير سبب علاااش 😡
أوس قرب منها وحط يده على شعرها : أني خايف تكرهيني ..مانبيش أنحس أنك حاقدة عليا رغد ..مانبيش كره بيناتنا
رغد ابتسمت بحزن : هه كره شنو أوس بالله عليك ..كره شنو ؟؟
وقربت منه أكثر واتشوف لعيونه : أنتا حاس بيا نكرهك أوس ؟
أوس بلع ريقه وطبس 😥
رغد زدت لاصقت فيه وبعصبية : جاوبني خيرك سكتت ...أنتا حاس بيا نكرهك أوس ؟؟ 😡
أوس مطبس وساكت 💔
رغد بيديها الزوز ضرباته على صدره ودفاته : تكلم قولي ليش ساكت ..من اللي يكرهك من ؟؟😡
