#السجين_777
#الحلقة_10
نوح رقى يجري من الدروج ...خش بسرعة للحمامات ..يفتح في لابواب وينادي على حسام ..بس مش قاعد ...طلع بسرعة ..وهيبة في جرته ...وعمي يونس يرقى جاي وراءهم
نوح يجري وينادي على اللافي بصوت عالي ..خش لممر الزنزانات ..وقعد يجري لعند خش في زنزانتهم ...وهيبة خش وراءه
ولاثنين صبوا جامدين من هول المنظر اللي شافوه 😰😰
حسام معلق من رقبته بحبل مربوط في حديدة الروشن ..نوح بسرعة قرب منه ومسك رجليه يرفع فيه فوق ..وينادي بغضب على هيبة اللي حط ايديه في شعره و واقف مصدوم
نوح : هيبة تعالى شده فوق لعند انفكه ..هاااايبة 😡
هيبة فاق على صوت نوح ايعيط عليه ..قرب بسرعة ومسك رجلين حسام يرفع فيه فوق ..ونوح قعد يسحب في طاولة حديد ثقيلة في زواية الزنزانة ..مش عارفة كيف قدر يسحبها لعند يده المكسورة وجعاته
عمي يونس خش عليهم وقعد مصبي مصدوم المسكين 💔 ..نوح رقى فوق الطاولة بسرعة ..طلع السكين اللي جابه له جحدر ..قص الحبل بسرعة ..وهيبة وعمي يونس مسكوا حسام لعند نزلوه على الارض
نوح نقز من الطاولة ..وجاء بسرعة ..قعد ايفك في باقي الحبل من رقبة حسام ..شاف نبضه ..وحاول ايفيقه بس حسام مافيش اي حاجة ادل انه حي 💔
الحرس اللي واقفين على الباب مع الهرجة اللي صارت ..جاوا بسرعة ..القصة من سجين للسجين السجناء كلهم رقوا فوق بسرعة ..تمت فوضى والكل يبي ايخش ايشوف شن صار
نوح حاول بكل طريقة اينوض اللافي من غير فائدة ...خش كريم وامعاه حرس للسجن وجاوا ايشوفوا شن صاير
كريم مصبي ايشوف للحسام : عسكري ..بسرعة شيلوه للعيادة ..شن تستنوا
الحرس بسرعة باعدوا نوح وهيبة وخذوا حسام شالوه ونزلوا بيه للعيادة
هيبة قمعز على الارض ورأسه بين ايديه ويبكي 💔 وعمي يونس قمعز بحيل مهدود على السرير ومش مصدق
أما نوح صبا معصب وايديه يرجفوا ...قعد ايدور بين الوجوه عن جبر ..لعند شافه 😡
هجم عليه يخنق فيه ...والحرس و كريم ايفكوا فيهم من بعض ...وبالغصب كيف قدروا ايفكوه ..وهوا يسب ويهدد في جبر
كريم : تي خيرك شن صار 😡
نوح : ال🤬 هادا هوا اللي قتله ...وربي انحول حياتك لجحيم ..مايبقاش اسمي نوح كان خليتك تتهنى دقيقة وحدة من بعد اليوم 😤
كريم : علاش اتعيط ..واضح الشاب منتحر ..ليش تتهم في الناس
نوح : منتحر ؟!!! ...وعلاش بينتحر ؟؟..شاب صغير في اي وقت يطلع من اهني ..قول شي يصدق بالله عليك
كريم : ااا..
مع خشت أوس قاطعه : مافي شي واضح ..أكيد حنققوا في الواقعة ..ولازم ايشوفه الطبيب الشرعي
