رغد تضرب فيه على صدره وادف فيه ..وهو ساكت ويوخر عنها وخلاص : جبان مش قادر حتى تتكلم ..بس أني كنت اقوى منك واعترفتلك بحبي ليك من قبل ..وانعاود انقولك تاني ..أني مازلت أنحبك ..ايه أنحبك..ومش قادرة نكرهك ...ياريت بس مش بيدي 😡
أوس رفع اعيونه فيها 😰
رغد تضرب فيه : اي علاش تشبحلي هكي ..أنحبك . أنحبك ..وأنتا خليك ساكت لعند انضيع من يدك باهي 😭
وبرمت تمشي لكن أوس جبدها بقوة ..حط يده تحت شعرها ..ورجع بيها للحيط ..ولاصق فيها وأنفاسه متقطعة : وأني أنحبك النم أنحبااااك ...أفهمي عليا ورحمة بوك أفهمي
رغد : 😰😰😰
*****************(( الكاتبة أم ناصر ))
نوح واقف يشرب في شاهي ..ومصبي بعيد عن الكل تحت شجرة ودارين اتشوفله من بعيد ..لعند شافت رضا جاء صبا أمعاه وقعدوا يهدرزوا ..وصوتهم ارتفع اشويا
نوح : شن قاعد تنبح رضا ؟ 😡
رضا مربع ايديه : زي ماسمعت ..أني عارف كل شي بينك وبين دارين ..وعارف الزواج هادا مازال على الورق والبنت ماتبيكش لكن أنتا اتهدد فيها بالشقة 😏
نوح قرب منه : وأنتا شن دخلك ..والا جلدك يحك فيك على طريحة 😡
رضا : علاش كل شي عندك بالقوة ...خليك راجل وطلق البنت ماعاش تبيك ؟؟
نوح شده من ذراعه : أسمعني يافرخ 🤬 راني شاد عليك روحي بالسيف على خاطر أختك وأمك ..لكن ورب الكعبة لو ماتضم فمك وماتدخلش بيني وبين مرتي ..وربي ندفنك حي وحتى الجن لازرق مايعرفلك مكان 😡
رضا طلع لاوراق من جيبه : مازال ايقول مرتي 😏 تي معادش تبيك ..كيف تفهم أنتا ..حتى اوراق الطلاق بدأت فيهم ..وأنت شي ماتبيش تحس على دمك وتطلع من حياتها
وخبط لاورق على صدر نوح ..نوح دمه يغلي ..بس صدمته كانت أكبر 💔 ..خذا لاوراق وشافهن ...على قد ماصار بينه وبين دارين ..بس ماكنش يحساب دارين توصل بيها ترفع قضية طلاق فعلا 😰💔
نوح حط لاوراق في جيبه : من وين جبتهم هادو ؟ 😡
رضا بضحكة مستفزة 😏 : شي خاص بيني وبين دارين ما ااا...
ماكملش كلامه لان نوحه شده من ذراعه ومعصب : خاص شني اللي بينكم ياع🤬 ياولد 🤬 يا 🤬
وخذاه وراه الشجر وطاح فيه ضرب
دارين لما نوح ورضا بدا صوتهم يعلى ..صبت ومشت شورهم ...بس قبل توصل فيهم ...شافت نوح شد رضا من ذراعه وخذاه وراء الشجر بعيد عن اعيون الكل 😤😨
مشت تجري بسرعة وراءهم ...ولما وصلت وراء الشجر ..كان رضا طايح على الارض ونوح مقمعز على بطن رضا وشاده من حوايجه وطايح فيه ضرب على وجهه 👊 🔥
دارين : نوح شن قاعد ادير ..نوض ع راجل ..خيرك انهبلت ؟؟😰
نوح ماوقفش ضرب وعيط عليها : خشي داخل دارين ..ماتتدخليش 😤
الحلقة 24
Start from the beginning
