_عيونة كولي شبيج
_جوعانة ودايخة صيح لمي تجيني لان نزلت يم خالتي
_لا وليهمج بس اتامل هذا الحيوان تفاصيلة حلوة بس ما مبين يشبهمن
_امي تكول الطفل الة سبع شوفات مايبين هسة يشبهمن بس شوف ليش يبجي تعبانة جيبلياه راح جابة وخلاه بحضني بس هو يبجي اني اهز بي حسين سويلة حليب باوعلي وهو مبتسم
_اشلون اسويلة حليب
_ما اعرف والله روح اسئل امي هو نزل سئل امي وصعدلي
_اكلج تكول كل رقم مي خاشوكة وحدة حليب
_ماشي نزل حسين سويتلة حليب ونام اشوية وجابلي حسين شوربة وكعد يوكلني واني اتامل تفاصيلة ساعة احبة وساعة اكرهة بس لو يبطل سوالفة يصير درة واحبة اكثر بس ميبطل سوالفة كملت اكل كتلة حسوني
_لا يابة هيجي اموع رجال شكدني شكبرني تصيحيلي حسوني
_اي عادي ادلعك اكلك اريد اسبح صيح لامي تسبحني باوعلي وغمزلي
_يصير اني اسبحج
_حسين بطل سوالفك كلي دم واحس روحي قذرة صيح لمي حباب راح صاح لامي
_ها يوم تسبحين خاطر اساعدج
_اي يمة حبابة راحت امي طلعنلي ملابس واخذتني للحمام سبحتني ونضفتني ولبست ملابسي وطلعت لغرفتي كل ما امي تريد تلزم الطفل لو خالتي اعيط بيهن ومخليتة بحضني وضايجة ومقهورة ما اكدر اصلي واني صارلي فوك الخمس سنوات ما تاركتها نهائيا احس روحي ناقصني شي رفعت راسي للسماء ربي لهالدرجة متحب لقائي جريت حسرة وسكتت شسوي يعني بالليل ما نايمة وابني نايم غفيت ع نومتة كعدت ما لكيتة تلفتت منا منا ما لكيتة فزيت ونزلت ركض واني لابسة دشداشة شلحة قصيرة نزلت ركض لكيت نسوان كاعدات ركضت ع امي يمة ابني مدري وين خزرتني امي كامن امي وخالتي ع صفحة امي جرتني
_وتاليها ريم كولي يا الله يمة شنو نريد ناكلة ندري بيج ما ترضين والنسوان جاية تشوفة وتوجب اشلون يعني اخذتة بدون ما تدرين
_يمة كلبي طار عبالي واحد اخذة وراح ردت اموت خالتي كالت لامي
_هاج انطيهيا لا تفضحنة اول وحدة مخلفة هي
_باوعتلي خالتي بعتب لان سويت هيجي كدام النسوان صديقاتها وامي همينة انطني الطفل وراحن اني اخذتة وصعدت فوك كعدت وي نفسي صدك اني شنو اليخليني اتصرف هيجي قابل اول وحدة اني اخلف لعد التخلف اثنين وتلاثة واربعة اشلون لعد امي وخالتي مو مخلفات اشلون يعني هم ميخلن واحد يلزمة ليش اني ابالغ هيجي عاتبت نفسي وهودت اشوية كمت اخليهن ياخذنة ويشيلنة وحسين يشيلة كل اذان احاسب نفسي لان ما اكدر اصلي كلش تعبتني هاي الفترة جنت من اتعب اشكي علئ السجادة مالتي احسها حضني اللي يلمني وقت العازة بس يلا هاي هم اجازة من رب العالمين حسين زين وياي هالفترة وامي وخالتي ما مقصرات بعد روحي
للاربعين وما نضفت من الولادة خلص الاربعين اجتي امي سبحت الطفل سبحة الاربعين واني همين سبحت وسوت امي عشئ لوجه الله نضفت ولله الحمد احس ناقصني شي كلش كلش اهواي سبحت وخليت عطر وفرشت السجادة صليت وبجيت شكرا للقائك يا الله شكرا لعضيم نعمك ربي احفضلي ابني وكلشي ما اريد الهي انت اعلم بالحال ولا يعلمه الا انت صليت لحد ما ارتاحيت وكمت اشوية وسمعت عيطة عرفتهن امي وخالتي تعاركن ما ادخلت حسين راد يكوم ما خليتة
BINABASA MO ANG
في جحيمهم عالقة
Mystery / Thrillerكانت قريبة من الله حتئ اتئ من يبعدها كانت صغيرة حتئ اضاف الهم لعمرها اضعاف دخل في حياتها الوردية حتئ قلبها جحيما فماذا سيكون مصيرها يا ترئ هل تستعيد نفسها ام تقع في الهلاك اكثر هل تنتقم ام تسكت وتجمع شتات نفسها المتبقية معكم الكاتبة زينب الحربي في...
البارت (7)
Magsimula sa umpisa