ဘုတ်
သတင်းစာကအောက်ကိုဖြေးဖြေးလေးကျသွားတယ်။အဖြူအမည်းပုံထဲကနေပြိုးပြိုးပြက်ပြက်ဖြစ်နေတဲ့ကြက်သွေးရောင်တွေကနေရာအနှံ့ပျံ့ထွက်နေပြီးကြမ်းပြင်ပေါ်ကသွေးတွေကလည်းအနံ့အသက်ဆိုးဆိုးရွားရွားတွေထွက်နေတယ်။
ကျိနင်းတစ်ယောက်ပဲဒါဟာဘယ်လောက်ကြောက်စရာကောင်းနေမှန်းနားလည်တယ်။တခြားသူတွေကဒါရိုက်တာရဲ့ရွေးချယ်မှုလို့တွေးထားတာကြောင့်ထိတ်လန့်နေကြပေမဲ့ရုပ်ရှင်ရိုက်နေတာပဲဆိုပီးစိတ်တင်းထားကြတယ်။
ကုချန်ကသတင်းစာကိုကြည့်ရင်းမျက်မှောင်ကျုံ့လိုက်တယ်။သူ့စိတ်ထဲထူးဆန်းတယ်လို့ခံစားနေရတယ်။သတင်းစာမှာမကောင်းဆိုးဝါးအငွေ့အသက်တွေလွှမ်းမိုးနေသလိုမျိုးပဲ။
သူတို့အကုန်လုံးနောက်ကိုမြန်မြန်ဆုတ်လိုက်ပြီးသတင်းစာကိုစိုက်ကြည့်နေကြတယ်။ဓာတ်ပုံထဲကလူကအကုန်လုံးကိုတစ်ချက်ကြည့်ပြီးခပ်ဖွဖွရယ်တယ်။ပြီးနောက်ကျိနင်းစီကိုသူ့အကြည့်တွေပြန်ရောက်သွားတယ်။
ထို့နောက်နာရေးကြေညာစာထဲကနေသူပျောက်သွားတယ်။
"Zi.....ka-"
နားကြပ်ကနေစူးရှကျယ်လောင်တဲ့အသံထွက်လာတာကြောင့်သူတို့နားစည်တွေပေါက်ထွက်သွားတော့မလိုပဲ။အရမ်းနာလွန်းတာကြောင့်ရုပ်ရှင်ရိုက်နေတာကိုတောင်ဂရုမထားနိုင်တော့ဘဲနားကြပ်တွေကိုမြန်မြန်ဖြုတ်ပစ်လိုက်ကြတယ်။
ဘုန်း
ဘုန်း
ပစ္စည်းတွေတစ်ခုပြီးတစ်ခုပြုတ်ကျလာတယ်။တစ်ယောက်ယောက်ကပစ္စည်းတစ်ခုကိုကောက်ကိုင်လိုက်ချိန်မှာလေထဲကနေလျို့ဝှက်ကင်မရာတွေပြုတ်ကျလာခြင်းဖြစ်ကြောင်းသိလိုက်ရတယ်။
"ဘာတွေဖြစ်နေတာလဲ"
လိုင်းတွေလည်းဖြတ်တောက်ခံလိုက်ရတာကြောင့်အပြင်လောကနဲ့အဆက်အသွယ်မလုပ်နိုင်တော့ဘူး။သရုပ်ဆောင်တွေကအရမ်းကြောက်ရွံ့လာတာကြောင့်ဆက်ပြီးသရုပ်မဆောင်နိုင်ကြတော့ဘူး။
အခြေအနေတွေကပိုဆိုးလာပြီးဇာတ်လိုက်အမျိုးသမီးနေရာကနေသရုပ်ဆောင်တဲ့မင်းသမီးကဖြူဖျော့လာပြီးခပ်တိုးတိုးလေးပြောလာတယ် "မဟုတ်မှအဲ့ဒါကအမှန်ဖြစ်နေတာများလား......"
![](https://img.wattpad.com/cover/350972093-288-k94837.jpg)
STAI LEGGENDO
ကမ္ဘာဆယ်ခုကိုဖြတ်သန်းပြီးတဲ့နောက်ငါထွက်မပြေးနိုင်တော့ဘူး
FantasyThis is not my work. This is a fan translation. All credit to original author and English translator.
Ch 2 - မင်းကိုယ့်ကိုထားခဲ့တယ်
Comincia dall'inizio