Unicode
နန်းဆောင်ရှေ့တွင် အဝါနုရောင်ဝတ်ရုံလေးဝတ်ဆင်ထားပြီး အဝါနုရောင် ခေါင်းစည်းလေး စည်းနှောင်ထားသော အိမ်ရှေ့စံသည် နန်းတော်အပြင်ထွက်ရမည်ဖြစ်သောကြောင့် ခုန်ဆွခုန်ဆွဖြင့် သခင်ငယ်လေးဟီဆွန်း ထွက်လာမည်ကို စောင့်ရင်း ပျော်ရွှင်နေလေသည်။
မကြာမီ နန်းဆောင်တစ်နေရာမှ အထိန်းတော်တစ်ယောက်နှင့်အတူ ထည်ဝါသော အနီရောင်ဝတ်ရုံကိုဝတ်ဆင်ထားသည့် သခင်လေးဟီဆွန်းတို့ ထွက်လာကြလေသည်။
နဖူးထက်တွင် အနီရောင်ခေါင်းစည်းကို စည်းထားပြီး လက်တစ်ဖက်တွင် ဓားတစ်လက်ကိုင်ဆွဲထားပုံမှာ ၁၀နှစ်အရွယ်ဟုပင်မထင်ရအောင် ခမ်းနားနေလေသည်။
ဟီဆွန်းတို့ထွက်လာသည်ကို မြင်သော် အိမ်ရှေ့စံသည် သူ့ရဲ့ခြေထောက်တိုတိုတုတ်တုတ်လေးများဖြင့် အပြေးလာပြီး ဟီဆွန်းလက်တို့အား ဆွဲကာလှုပ်ခါရင်း နှုတ်ခမ်းလေးဆူကာ ဆူပုတ်ပုတ်ဖြင့်ပြောလေသည်။
"ဟျောင်း ဘာလို့ကြာနေတာလဲ မြန်မြန်သွားမယ် မီးလိပ်ပြာတွေကြည့်ချင်ပါပြီဆို"
"မီးလိပ်ပြာတွေက ထွက်မပြေးပါဘူး ယွန်းလေးရယ်~ ဟျောင်းတို့က နှစ်ယောက်ထဲသွားမှာဆိုတော့ တောထဲမှာ အန္တရာယ်တစ်ခုခုနဲ့တွေ့မှာစိုးလို့ လိုအပ်တာတွေယူရသေးတယ်လေ"
"အဲ့ဒါဆို အခုအကုန်ပါပြီမလား သွားမယ် မြန်မြန်သွားကြမယ်"
အိမ်ရှေ့စံကိုကြည့်ရင်း အထိန်းတော်နဲ့ဟီဆွန်းတို့ အတူတူရယ်လိုက်မိလေသည်။
ဒီအိမ်ရှေ့စံပေါက်စလေးကတော့ အမြဲ သူလိုချင်တာဆို ဇွတ်တရွတ်ပဲ။
ထို့နောက် ကိုယ်ရံတော်တစ်ယောက်ခေါ်လာသည့် မြင်းနက်ကြီးကိုစီးပြီး နှစ်ယောက်ထဲထွက်လာခဲ့လေသည်။
ဒီမြင်းနက်ကြီးက သူတို့နှစ်ယောက်တောထဲသွားတိုင်း အတူတူစီးနေကျမြင်းတစ်ကောင်ပင်။ ရိုးရိုးသာမန်မြင်းတစ်ကောင်မဟုတ်ဘဲ လူပုံစံပြောင်းနိုင်သည့် စွမ်းအင်တွေနဲ့မြင်းတစ်ကောင်ပင်။
သို့သော်ထိုသို့ပုံစံပြောင်းနိုင်ရန်မှာ ဆရာကြီးမူဟို၏ဂါထာတွေအစီအရင်တွေနဲ့မှပြောင်းနိုင်မည်ဖြစ်ပြီး ထိုဆရာကြီးမူဟိုရဲ့ဝါးရုံတောက မည်သည့်နေရာတွင်ရှိမှန်းလည်း မည်သူမှမသိသောကြောင့် လူပုံစံပြောင်း၍မရပေ။ သို့သော်လည်း လူတစ်ယောက်ကဲ့သို့အရာရာကိုနားလည်သောကြောင့် သခင်လေးနှစ်ယောက် အပြင်သွားတိုင်း ထိုမြင်းနက်ကြီးကိုသာ နှစ်ယောက်အတူစီးကြလေသည်။
YOU ARE READING
Rewrite The Stars
Fanfictionငါတို့သုံးယောက် ဘယ်အချိန်ကစပြီးမှားနေခဲ့ကြတာလဲ~ အရင်အချိန်တွေကိုပြန်လိုချင်မိတယ်~ ဘာအပူအပင် ဘာအမုန်းတရားမှမရှိခဲ့တဲ့ ဟိုးအရင်အချိန်တွေကို ပြန်လိုချင်တယ်~
