Rah e Ishq [COMPLETED]

18 *ignore mistakes* Writer:Wafa Fatima

PART 18

Salar ko nashta de ayi Zelish?
Jii baba
Or medicine?
De ayi hun lekin wo keh rha tha wo ab theek h,bukhar khatam hogya
Chalo ye to acha hua..Nasrullah Shah ne sukoon ka sans bharte hue kaha....bicharay bacchay ki bhi kia zindagi h....wo maddham awaz me afsurdigi se keh rhe thay
Zelish kuch bolay baghair un k samne wali chair pr bethi unhe dekh rhi thi....wo dono us waqt nashta kr rahe thay
Me soch rha tha jab tak Rania beti ki shadi nhi hogi kia tab tk kia Salar apne maa baap se nhi mil paye ga??wo dobara maddham awaz me mu me parathay ka tukra daltay hue keh rhe thay
Unke kehne k mutabiq aesa hi h baba..wo kafi der bad boli
To agar Rania beti ki shadi 2 3 saal tk nhi hui wo apne maa baap ko 2 3 saal tk nhi dekhay ga??uske maa baap kitne pareshan ho rhe honge
Wo khamoshi se unki batay sun rhi thi
Wo rukay....unho ne ek nazar Zelish ko dekha....
Kia ho agar hum Salar ki shadi kra dein?....wo us se puch rhe thay...uske mu me jane wala niwala wahin ka wahin reh gya
Umm...pata nhi baba ye to aap usi se puchen...usne niwala mu me dalte hue kaha
Agar Salar ki shadi ho jayegi to phir use maa baap se milne k lie intizar nhi krna parega or na hi Rania ki shadi ka
Wo chup thi
Unhone use dobara ek nazar dekha
Kia ho agar Salar maan jaie??...kis se krwaienge hum uski shaadi??
Wo ab bhi khamosh thi
Wo thori der rukay phir beikhtiyar maddham awaz me unhone kaha
Tum kr logi us se shadi??wo use dekhte hue puch rhe thay...unka andaza tha k Salar k sath sath Zelish bhi shayad use pasand krti h.......or unka ye andaza ghalat nhi tha
Wo dambakbud apni bari bari aankhein bahir nikale unho dekh rhi thi
Agar tum chaho to tum us se shadi kr skti ho....wo sukoon k sath parathay ka niwala mu me daalte hue bol rhe thay

Wo....baba....wo ruk gai
Baba agar Salar Han kr de to mujhe bhi koi masla nhi h,wo acha khasa naik insan bhi h mujhay koi masla ho bhi nhi skta...usne kuch der bad yakdam kaha
Theek h phir me us se baat krta hun...
Wo dobara nashta krne lg gaie thay

Usne nashta kr k tray agay ki janib khiskai hi thi k use gate knock hone ki awaz ayi....wo ab bilkul theek ho gya tha...yakdam uth khara hua
Aajaien
Darwaze pr Nasrullah Shah thay
Aray uncle aap?koi kaam tha to mujhe bula lete aap ne zehmat kue ki...usne unhe ek jaga bithate hue kaha

Nhi nhi koi masla nhi,tum sunao kia haal hain?bukhar kesa h?
Bukhar ka to nhi pata lekin Khuda ka shukkar h me theek hun...usne haste hue kaha
Acha...unhone bhi haste hue ek lafz me kaha
Ab Kuch der wahan khamoshi thi

Nasrullah Shah ne use apne samne a k bethte ka ishara kia...usne bina kisi deri k unke hukum ki tameel ki
Jii?wo tajassus se puch rha tha
Puchna ye tha k...unhone gehri sans bhari.....agar tumhari cousin ki shadi 2 3 saal tk na hui to kia Tum apne maa baap se nhi miloge??wo kafi serious andaz me puch rhe thay
Wo sakit betha unka chehra ghoor rha tha
Wo bethe hue hi thora aage barhe,Salar ne unheien maddham awaz me kehte suna...
Kia ho agar Rania se pehle tum shadi krlo??
Wo unhe hakka bakka dekh rha tha

Wo wapas peeche ki taraf khisak gaie

Agar tum nahi chahte to koi zabardasti nahi h,tumhari razamandi ziada zaruri h
Wo ab chup chap Nasrullah Shah k peeche mojood bulbul (horse) ko tak rha tha
Ji....wo......aapko..... jese sahi lage
Wo unke ehsanat ka badla kam az kam unki baat man kr hi utar skta tha

Sahi mujhe nhi tumhe lgna chahiye beta...jesa k mene kaha koi zabardasti nhi h...tum chaho to mana krdo
Wo yakdam chonka use jese ab ye khayal kha rha tha k unhone uske lie pehle hi koi larki dhund rakkhi h
To.........kia aap kisi ko jaante hain... Jo mujh se.....shadi kre??....wo atakte hue maddham awaz me keh rha tha
Wo muskura die
Kia tumhay koi pasand h?unhone kafi der baad sanjeedgi se pucha
Wo ek bar phir chonka....
Mujhe.....nhi to.....usne nazre jhukae kaha....................wo chorain.......aap bataien ......aap kia chahte hain??...me kis se shadi krun???.....wo unhe jese ghoorte hue puch rha tha
Wo thori der khamoshi se muskurate rhe.......kafi der bad unhone khamoshi tori
Kia tumhe Zelish pasand h?
Wo unka chehra takta reh gya....use unse aese sawal ki tawwaku nhi thi.......uske mu me jese dahi jam gya ho.....wo khamoshi se ab zameen ko tak rha tha.............usne koi jawab nhi dia

To kia me han samjhun???kaafi der use koi jawab na dete dekh Nasrullah Shah ne bhawway uchkate hue pucha
Usko jese current sa laga......
Ji??...............ji jese aapko munasib lge....uski nazrein abhi bhi zameen pr jami hui thi......uski khushi ka jese koi aalam nhi tha ...wo dil dil me soch rha tha k uski aesi konsi naiki thi jiska use Zelish jesa sila mil rha tha.......sath sath wo ye bhi sochne me masroof tha k use itni khushi kue ho rhi h??....wo daryaft nhi kr paaya tha k use Zelish waqai pasand h ya nhi......wo Nasrullah Shah k jane tk khamosh betha zameen ko hi takta rha.....Nasrullah Shah use duaien dete sar pr hath rakkhe wahan se darwaza band kr chal die.......

Use ab bhi yakeen nhi arha tha k kuch der pehle kia hua tha.....wo khuwab tha........ya phir haqiqat..........wo sote hue khuwabon me gum tha........ya jaagti aankhon se khuwab dekh rha tha.......uske hothon pe yakdam ek muskurahat namudar hui,halke dimples k sath wali uski wo muskurahat,doodh jesa safed rang or kanch jesi neeli aankhon k sath kayamat dhaati thi

Wo yakdam apni jaga se uth khara hua

Bulbulll tumne suna unhone kia kaha???wo excitement ki aakhri had pe tha
Ye khuwab nhi h......hainaaaaa.....wo us se aese puch rha tha jese wo aage se nahi kahega

Yaaaa Allllaaahhhhhhh.....wo khushi k maaray zor se cheekha....usne yakdam apne hothon pr ek hath rakkhe apni awaz ko kabu me rakhne ki koshish ki

Ya sabar.......usne apni awaz dheemi krte kaha.....wo dobara apni jaga beth kr muskurate chehre k sath yehi sochta reh gya k usne konsi naiki kab,kiske sath or kahan ki thi......

HOPE YOU ENJOYED!!!