ရုတ်တရက် အဏ္ဏသည် အကာအရံ၏အားနည်းချက်နေရာကိုတွေ့သွား၏။
သူသည် တွေ့တွေ့ချင်းပင် အားနည်းသည့်နေရာကို စွမ်းအားဖြင့်ရိုက်လိုက်ရာ မျက်တစ်လုံးရှင်၏အကာအရံ ပပျောက်သွားသည်။
မျက်တစ်လုံးရှင် အခြေအနေမဟန်တော့မှန်း သိလိုက်၏။ သို့ရာတွင် နောက်ကျသွားလေပြီ။
အဏ္ဏက အခွင့်အရေးကို တစ်ခဏလေးမှတောင် နောက်မကျစေဘဲ မျက်တစ်လုံးရှင်၏လည်မျိုကို သန်မာသောလက်တစ်ဖက်ဖြင့် တင်းကျပ်စွာ ဆုပ်ကိုင်လိုက်လေပြီ။
အဏ္ဏ၏အားက အလွန်တရာသန်မာလွန်းသည်။ ရုန်း၍မရနိုင်ချေ။
အဏ္ဏ၏ နီမြန်းနေသော မျက်လုံးများဟာ မျက်တစ်လုံးရှင်ကို စက်ဆုပ်စွာ၊ ဒေါသပြင်းစွာ စိုက်ကြည့်နေပြီး သူ၏တင်းတင်းစေ့ထားသော နှုတ်ခမ်းဖျားမှ ဩရှစူးနသ့်သောစကားလုံးများ ထွက်ပေါ်လာသည်။
" ဒီကလေးမ သေတာထက် ပိုပြီးဆယ်ဆပိုဆိုးတဲ့ဝေဒနာနဲ့ မင်းသေရမယ်"
စကားဆုံးဆုံးချင်းတွင် အဏ္ဏသည် မျက်တစ်လုံးရှင်ကို ပြင်းထန်လွန်းသောအားဖြင့် ပစ်ပေါက်လိုက်ရာ မျက်တစ်လုံးရှင်၏ခန္ဓာကိုယ်မှာ အရှိန်အဟုန်ပြင်းပြင်းနှင့် လွင့်ထွက်သွားပြီး ပင်လယ်ကမ်းစပ်နား ပေါ်ထွက်နေသော ကျောက်တုံးကြီးအပေါ် ဝုန်းခနဲပြုတ်ကျသွားသည်။
ပြုတ်ကျသောအားမှာ ပြင်းလှသဖြင့် ကျောက်ဆောင်ကြီးပင်အက်ကွဲကာ ကျောက်သားအချို့ ပဲ့ထွက်သွားသည်။
မျက်တစ်လုံးရှင်ဟာ များစွာထိခိုက်ထားသဖြင့် မလှုပ်ရှားနိုင်တော့ချေ။
ထိုအချိန်တွင် အဏ္ဏဟာ မျက်တစ်လုံးရှင်ရှိရာဆီ တဟုန်ထိုးလာပြီး မျက်တစ်လုံးရှင်၏မျက်နှာတည့်တည့်အား စွမ်းအင်အပြည့်ပါသော လက်သီးများဖြင့် အကြိမ်ပေါင်းများစွာထိုးနှက်သည်။
မျက်တစ်လုံးရှင်၏မျက်နှာသည် မမှတ်မိနိုင်လောက်အောင်ကို ရုပ်ပျက်ဆင်းပျက်ဖြစ်လာ၏။
သို့သော်လည်း အဏ္ဏ၏ဒေါသများဟာ မပြေပျောက်နိုင်သေးရာ မျက်တစ်လုံးရှင်၏ နံရိုးများကို တစ်ချောင်းချင်းစီချိုးပစ်လိုက်သည်။ သူဟာ မျက်တစ်လုံးရှင်၏ဝမ်းဗိုက်ကို ဆွဲဖြဲပြီး အသားတစ်ခုလုံးအားဆွဲလှန်လိုက်၏။
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...
Chapter : 151
Start from the beginning