انت النور لو كانت دروبي ظلام

Part 16

ابعد امجد وهو يتفل على شاهين اللي دموعه علقت في عينه والغصة ملته من شاف عمه يهز راسه ويكلم ابوه وعلامات الرفض باينه على وجهه ووقف وهو يرح جنبهم

شاهين ببحه: والله يكذب والله ماني بكذا كذاااب يبي يخرب علي ق.....

سكته ابوه من انحطت يد ابوه بقوة على خده ورفع عينه اللي انملت دموع لابوه

ابو شاهين بكسر وهو منزل عينه: ما هقيتك كذا ولا ربيتك على كذا وما توقعت ولا واحد بالميه انك تلعب على بنات الناس اصلا وصلت فيك تلعب عليهم وعلى اهلهم اخخ بس اخخ فضحتنا بين الناس والخلق وطيت روسنا الله يسامحك بسس 

صد بوجهه ومشى قبل لا يرد عليه ابوه وقبل لا ينطق بكلمه لعمه

ابو الجود: انقلع ولا تشوفك عيني جاي تستغفلني وانا عمك تبي بنتي وانت تلعب على بنات الناس عطني قفاك لا اعرفك لا تعرقني وما عندي بنت ازوجك لها واطلع من بيتي الان

جا شاهين بيتكم بس سكت من انهج عليه ولد عمه اخو الجود يضربه بكل قوته ويسحبه مطلعه من البيت وهو من شعور الكسر اللي يحس به حس انه عادي لو يقتلوه ما تفرق معه اذا اهله وناسه صدقوا عليه وش بقى للغريب ينضرب بس مو حاس بالم لان الم كسره اقوى ينشتم بس ساكت لان التهايم اللي جته تكفي ينرمي برا بس ايش تعني دام ابوه وتاج راسه مو راضي عليه كانت تهمه كفيله تخليه ينحرم من شعور انه يكون معرس وبعدها يصير اب خلااص انتهت حياته هنا لا شغل يجيب رزقه منه ولا اهل راضين عليه ولا زوجه تحبه ويحبها رفع عينه لشباك غرفتها وشافها تراقبه من الشباك بس رفع عينه لها ابعدتت نزل راسه وهو يمشي مايدري لوين هو ماسوى شي بس شك في نفسه ويحس بخزي تجاه ابوه وامه يمشي وهو يفكر ب امجد ليه سوى كذا؟؟؟ ويقنع نفسه ان عنده سبب وهو مايدري ان اول اسبابه الفلوس واخرها انه مايبي اثنين يحبون بعض يجتمعوا وهو ما اجتمع باللي يحبها

.....................

بيت مالك

المجلس

نواف يناظر الجالسين وهو مبسوط في داخله بس متوتر وخايف وكان مبتسم يخفي هالشي وعبدالرحمن يناظر وهو وده يضحك على شكله وهو يعرف ايش يبي لان قاله من قبل فقرر يتدخل 

عبدالرحمن بابتسامه: والله يا جدي نواف يبغى شي وكلفني اقول لكم لانكم تشوفوه اهبل ولا احد بيوافق اذا هو تكلم

رفع نواف عينه ل عبدالرحمن مصدوم وفتح فمه وهو يرفع يده وياشر على عبدالرحمن بانه بيذبحه وعبدالرحمن صد عنه لجدهم اللي ينتظر عبدالرحمن يكمل كلامه زيكم 😂

عبدالرحمن : والله يا جدي نواف قرر يعرس

الجد ابتسم: ايه وايش فيها ليه ما يقولها بنفسه

نواف تشجع من شاف القبول من جده: لان ابي من بنات عمتي

الجد ضحك وقال: بس بنات عمتك كلهم اكبر منك مغير الخبلة هيا اذا موافق على خبلة نقول مبروك

نواف ابتسم: نقول مبروك

امجد وهو توه يدخل وما سمع غير مبروك: مبروك على ايش؟

عبدالرحمن بابتسامه: نواف البزر بيعرس قبلنا كلنا هههه

امجد حولل عينه على نواف وهو خايف من اللي بيسمعه: ومين سعيده الحظ؟

نواف بثقه كسرت آمال امجد كلها: هيا بنت عمتي

وامجد لاول مره في حياته يحس بهاذي المراره ولاول مره ينغصب يرسم الابتسامه في وجهه كيييف الدنيا دارت عليه في نفس الليلة في نفس الساعه قبل شوي جاي وجايب فلوس ومبسوط انه خرب على شاهين بس دخل البيت نواف خرب عليه تدور الدوائر على كل ظالم والله يمهل لكن لا همل يا الله كيف في نفس الساعه بالضبط صار له زي اللي صار بشاهين بس بطريقه اهون خسر حبيبة قلبه زي ماشاهين خسرها بس هو باقي يقدر يحب مره ثانيه ويعرس بس شاهين ما يقدر لو راح يخطب واهل العروس اسالو عنه بتجيهم اخبار ما تسر وبيردوه خايب

...................

غرفة هيام

كانت جالسه مع هيا يسولفو بس قاطعتهم درعمه عائشه اللي شلعت قلوبهم وبقت واقفه مكانها تجمع انفاسها وهم خافو حسبو صاير شي لاحد وبعدها صارو يناظرو بعض من رفعت لهم يدها وهي تجمع انفاسها وتاشر بمعنى اصبرو 

عائشة بصراخ: هياااااااا الزقوق بالزقه المزقوووقه بتعرسيييي كلللووولوووووش

قامت هيام ترقص وتقلد اهل الشام تحيه لهم 🫡

هيام بصوت عالي:

 اويها لمو الورود يا بنات

اويها عرسنا منة ما فات

اويها و فرحتنا ب هيا

اويها زينة جميع الوردات

ضحكت عائشة وهي تصفق : واخيرا بتعرسي يا زقه فرحت لتس وانا اختس

هيا بخوف من انه يكون امجد: منهو؟

عائشة بضحكة: نوافوه مين غيروه

هيا نطت ترقص على السرير وشلعت قلب اللي يراقبها من بعيد ويراقب فرحتها بغيره نزل راسه بحزن وطلع من البيت بعد ما شاف هيا تروح لغيره وهي مبسوطه ولا همها حتى ما حزنت على فراقه ولا بكت ولا شي الا بالعكس قامت ترقص بدأ يحط لها الاعذار وابتدأ بانها سمعت الاسم خطأ

.......................

قريب الفجر

غرفة هيام 

على البلكونه زي كل مره كانت جالسه تسرب الشاي حقها بعد ما نامت هيا وسمعت منها ليه ماتبي امجد وليه فرحت بزواجها من نواف انقهرت ان امجد يعرف اللي بيذبح ابوها وماكان بيسوي شي غير انه يساعده بالذبح اخذت نفس وهي تشوف ان صح امجد بدا يتغير كثييير ماهو الاولي رفعت الطرحه على راسها بسرعه وغطت وجهها من شافت يد رجال تنحط على البلكونه بس ماهي يد الليث ولاهي يد امجد بس ابتسمت من شافته يفك اللثمه

هيام:...................

.....................

توقعااتكم؟

اعذروني على الاخطاء 

ورجعناا لكم بقوة اعزائي 😭💕

احم احم يعني مين تتوقعوا اللي جاي وايش يبيي؟

ولتذكييير لا احد ينسى رعد طيب 

نشوفكم في بارت ثاني

وجمعة مباركة للجميع 🥹🤍.