' ဆလိုင်းနဲ့ အရင်က ရန်ငြှိုးရှိတဲ့ကောင်တွေပါ။ အဲဒီကောင်တွေက ဆလိုင်း အဖွဲ့ထဲက ခွဲထွက်သွားတာ သိလို့ အရင်က အကြွေးကို ဆပ်ဖို့ ဒီရက်ပိုင်း ဆလိုင်းကို လိုက်ရှာနေကြတာ။အဲဒါကြောင့် ငါ ဆလိုင်းကို သတိပေးလိုက်သေးတယ်။ အစ်ကို့အထင် သူတို့ဆလိုင်းကို တွေ့သွားပြီ ထင်တယ်။အန်ကယ်ဇေယျာက သူတို့ခေါင်းဆောင်နဲ့ ဆက်သွယ်နေတယ်။ လုပ်ငန်းတစ်ခုနဲ့ အလဲအထပ်လုပ်ပြီး ဆလိုင်းကို မနှောက်ယှက်ဖို့ တားဖို့ ကြိုးစားနေတယ်။ အဆင်ပြေခါနီးပြီမို့ မလိုအပ်ဘဲ မင်း အရမ်းစိုးရိမ်မှာ စိုးလို့ မင်း ခုနက ဖုန်းဆက်တုန်းက အစ်ကို မသိဘူးလို့ ညာပြောလိုက်တာ။ အန်ကယ်ဇေယျာက မင်းတို့နှစ်ယောက်ပေါ် လုပ်ခဲ့မိတာတွေ အတွက် လျော်ကြေးပေးတယ်လို့ သတ်မှတ်ပေးပါတဲ့။ '
" အစ်ကိုတို့က ဘယ်အချိန်မှ ညှိနှိုင်းလို့ ပြီးမယ်ဆိုတာ မသိဘူး။ ဒီကြားထဲ ဆလိုင်း တစ်ခုခု ဖြစ်သွားရင် ဘယ်လိုလုပ်မလဲ။ ဘယ်လိုတောင် သွေးအေးနိုင်ရတာလဲ။ စိတ်အေးအေး ထားဖို့ ပြောနိုင်ရတာလဲ။သူနဲ့ ထိပ်တိုက်တွေ့ရမယ့် ကောင်တွေက လက်ရေ ယဥ်ပါးနေတဲ့ ခွေးလို ကောင်တွေ။ ဒါနဲ့တောင် ဘာလို့ ဖုံးကွယ်ထားရက်တာလဲ။ဆလိုင်းသာ တစ်ခုခု ဖြစ်ခဲ့ရင် ခွင့်မလွှတ်ဘူးဆိုတာ မှတ်ထားပါ။ "
စောမင်းခန့်က ဖုန်းအရင်ချလိုက်သည်။ နေယံက ခြံပြင်ကို ငေးနေရင်း ဘယ်လို လုပ်သင့်သလဲ တွေးနေသည်။စောမင်းခန့်က ယိုင်နဲ့စွာဖြင့် ကွပ်ပျစ်ကို လက်ထောက်ထားပြီး ခေါင်းအေးအေး ထားကာ စဥ်းစားနေသည်။
" ကျွန်တော် သွားရှာမယ်။ သူတို့ လူရှင်းတဲ့ နေရာမှာ တွေ့မှာပဲ။ မြို့ပြင်တို့ အဆောက်အအုံအဟောင်းတို့ ဖြစ်နိုင်ချေ များတယ်။ "
နေယံက သွားဖို့ ပြင်တော့ စောမင်းခန့်က နေယံ၏ လက်ကို ဆွဲထားသည်။
" မင်းကို စိတ်မချဘူး။ ငါပါ ... "
စောမင်းခန့် စကား မပြီးခင် နေယံက ဆွဲထားသည့် စောမင်းခန့်၏ လက်ကို အားပေးသလို ခပ်ဖွဖွ ပုတ်ပေးကာ ပြောသည်။
ဇာတ်သိမ်းပိုင်း
Começar do início
