The Rare Ones

Kabanata 42

“Tara na! Ano pang hinihintay ninyo?” Aya ni Ellesse.

Nagtama naman ang paningin nilang dalawa. Ngumiti ito sa kaniya at tsaka siya tinabihan sa paglalakad. Bahagya siyang siniko nito.

“Sorry kahapon. Nabigla lang talaga ako. Importante kasi ang cellphone key chain na 'to sa'kin e, tapos binasa mo ng juice. Akala ko hindi na matatanggal ang mantsa.” Sabi nito sa kaniya.

“Okay lang 'yon. Kasalanan ko naman e,” sagot niya rito.

Bumaba na sila ng building. Pagbaba pa nila ay marami ng mga estudyante ang nagkalat sa paligid. Naghahanda sa mga gagawin nilang palaro o kung ano-ano pa mang entertainment na papatok sa mga estudyante. But some of the students ay nasa field na katulad nila.

“Woah! Ang dami pala talagang nag-aaral dito.” Anas Ni Elleanor.

“Saan nga ba ang section natin, Olivia?” Tanong ni Luna kay Olivia.

Kumapit naman si Olivia sa balikat ni Luna tsaka tumingkayad para hanapin ang pwesto nila. Nakita naman niya ang kumakaway na si Shamil na may malapad pang ngiti sa labi.

“Ayun! Kumakaway si Shamil.” Sagot nito sa kaniya.

Nagpaalam naman ang magkakambal sa kanila kasi magkaiba nga ang section nito. Tumungo na sila Luna at Olivia ngayon sa pwesto nila.

“Ganda natin ngayon a! Kabog!” Masayang ani ni Shamil at binangga pa ang pwetan niya sa pwetan ni Olivia.

“Always!” Sagot rin ni Olivia.

Bahagya naman na natawa si Luna sa dalawa. Pati na si Mirra na kakarating lang din at narinig ang usapan nila. Maya-maya pa ay nagsalita na ang emcee na si Calvert, ang bagong Supreme President, kaya napaayos na sila ng tayo sa pwesto nila.

“Celebrating 50 Years of Success: Together We Thrive!” Panimula ni Calvert.

Naghiyawan naman ang ibang manununod sa sinabi ni Calvert. Bahagya siyang napangiti dahil sa hype ng buong mag-aaral. Muli ay nagpatuloy siya sa pagsasalita niya sa harap.

“Ladies and gentlemen, welcome to our extraordinary anniversary celebration! Tonight, we gather here to honor a significant milestone - Syne Attunement University's 50th anniversary.” Muli ay nagpalakpakan ang mga hurado.

“In the span of 50 years, we have grown, evolved, and achieved remarkable accomplishments. This day is a tribute to the dedication, creativity, and unwavering support of each and every member of our organization.” Dugtong pa nito.

“We stand here tonight, united by a common purpose, as we reflect on the past achievements and look towards a future filled with infinite possibilities. Let us embark on this celebratory journey with joy in our hearts and gratitude for the remarkable journey that has brought us here. Ladies and gentlemen, let the festivities begin as we raise a toast to the past, present, and future of  Syne Attunement University. Together, we thrive! Enjoy this special day!” Dugtong niya muli at itinaas niya ang glass wine na hawak niya.

Kahit walang glass wine sila Luna at Olivia ay umakto pa rin sila na nag cheers. 'Yong ibang estudyante naman ay may hawak talaga na wine glass at mukhang hindi sila na inform. 'Yung iba naman ay ginamit ang attunement nila para makagawa ng wine glass.

Natapos ang opening remarks ay nagsimula na ang aktibidad na inihanda ng bawat estudyante. May mga food cart, dart competition, some concerts, and some entertainment show na gawa sa ibang mga estudyante na naatasan.

Masayang naglilibot si Luna kasama sina Olivia, Mirra at Shamil. Hinila siya ni Shamil doon sa may food cart na ang gamit na pangluto ay ang mga kapangyarihan nito.