انتقام القدر عراقيه مكتمله 🤍

٣٩

هواي بنات رادو شويه من الاحداث
الي ختصرتها حبيت اكتبها وادمجها ويا البارت
الاضافي حتى ما يبقى عدكم فضول
بس بنات اريد منكم توعدوني تنشرون
القصه دائما اطلب منكم هذا الطلب
بس مع الاسف ماجاي اشوف اي بوست غير
ام زهراء فا اريدكم مثل ما اني مدللتكم
دللوني وخلوني افرح بوصول قصتي لرقم عالي
يفرحني فدوه اروحلكم 🤍🤍
......
اريدكم تشعلولي الجو بالتعليقات الحلوه 🍓🤍
ولاتنسون التصويت

.......
ساره العبيدي
39
انتقام القدر
saraalobidi1995
...........

عوده للماضي

الو هلا حبوبه شلونج عمري

بخير يمه دامني اسمع صوتج مرتاح

يابعد قلبي حجيلي بابا بعده معصب

مالج شغل بي يحير بروحه

لخاطري تعرفيني لو شنو ما يسوي مايهون
عليه حجيلي بعده معصب مني

اي يمه ما تعرفي من يحقد يحقد يكوم
ويكعد يصيح فشلتني ورجلها الحقير طردني

اوف حبوبه والله من مواقفه وياي حتى
ماكدرت ادافع عنه يعني تخيلي يريد
يضربني كدامهم مدكليلي شلون تبقا عندي
قيمه شلون اكدر اباوع بعيونهم

لا يمه قيمتج انتي تسويها مالج شغل بي
يعرفوا مو بعقله ادعيله يايمه يمكن دعائج
احسن من دعائي

ليش هيج تحجين حبوبه ليش اكو بشر مثلج
اكو بطيبة قلبج حسيت على صوتها تغير واضح
بجت

والله يانرجس خايفه اموت ويبقا ابوج على
حاله والله ليلي ونهاري ادعي الله يهدي بس
الظاهر حوبة امج ما خطت

لا تحجين هيج لا يسمع يروحي انتي
ولا تغثين نفسج انتي بدون شي قلبج مو تمام
ياروحي لا تخافين يجي يوم وتشوفي مثل
ماتمنيتي ان شاء الله

ان شاء الله يبعد قليبي انتي
طمنيني يمه وسام بعده زين وياج خو ما يسمعج حجي شي يغث

لا ابد وداعتج اعرف ما تتطمنين اله احلف وداعتج مدللني وما جنت اتخيله يحبني هيج
لبالي بس لان كباله وحليت بعينه بس ابد
حبوبه هوا من قبل يشهد الله تغير وياي
وتحسنت معاملته وليش الكذب مره مد ايده
عليه جنت مستاهله لان ستفزيته اكو مره دكول
لزوجها اني مانطي نفسي الك ضامتها للاحسن
منك ههههه

كلتيله هيج يامكصوفه

ههههه اي ولله هيج كلت لمهم تكفخت بيومها
بس من وراها سوه روحه ثكيل ماتحمل يومين
ورجع يحير شلون يرضيني وحاليا احس
روحي عايشه بحلم من كد الرضى الي وصلت اله احس هاي دعواتج جنتي تدعيلي يجيني
رجال يعيشني اميره واضحك اكولج اي ليش
لا بس وسام دعواتج الي

الف الحمد الله الله يديمكم البعض ياروح قلبي

طبعا اثناء هاي الفتره والدي منعني من
زيارتهم نهائيا وهذا الشي بحد ذاته دمار الي
ما اتحمل ابتعد عن حبوبتي ما اتحمل ما اشوفها
بقيت على هذا الحال مدة شهرين ومن بعدها
ابويه تعرض الازمه قلبيه وطلبني با الاسم
وحسب ما كالت حبوبتي من وكع وهوا يكرر
اسمي ما كدرت ما اروحله دموعي وشهكاتي
ودعائي كلهم جانو سوا ما اريد افقده لو
شنو ما جان وضعه ما اريد افقده رغم كل شي
احبه رحت وداني وسام اول شي منعوني
ادخل لغرفته بس هوا طلب منهم ودخلت
جانت الاجهزه على صدره وبأصبع ايده
اشرلي بعيونه اقترب
قتربت رفع ايده بسرعه رحت لحضنه اي
هذا الحضن الي اريده هذا الحضن الي عشت
سنين اتمنى رغم حضني قبل بس ما حسيت
بشعور يشبه هذا الشعور جان بس يردد
كلمه وحده سامحيني ابد ماكال اي كلمه غيرها
رديت
مسامحتك والله يابه مسامحتك بس ابقا
وياي لاتروح ماصدكت تلمني بحضنك