لاتتركني يا الله فأنا كُلي فوضى، ولا أحد يتحمل متاهاتي غيرك 💙!.
............
ساره العبيدي
15
saraalobidi1995
...............
حبوبه شبيج شو خوفتيني لا يمه بس شوي
كليبي يوجعني اسم الله عنج
ماعرف ليش عصرني قلبي خفتتت اقرا
قرآن ودموعي تنزل بدون بجي دموع هضم
وقلب مكسور اول مره حبوبتي ماتردد ورايه
كلمات القرآن وتكون هادئه وهيه تسمع
هذا الشي جاي يزيد خوفييي اضعاف لتفتت شفتها
مغمضه وشفايفها زرك صدقت وعفت القرآن
بسرعه رحت يمها حبوبه تسمعيني كوه فتحت
عيونها وراحت وروحي راحت وياها
طلعت اركض من الغرفه لكيت ابويه شارب منتهي رحت شلت مي وطشيته علي كوم ابوس
ايدك راح تموووت كوووم يابه ابوس رجلك
ماجان كادر يصحى بدون عبايه ولا شال طلعت
اركض بالشارع ادك بلبوب مالت جوارينه
طلعو زلم ثنين صحت ابوس ايدكككم الي عنده
سياره يجي يساعدني حبوبتي راح تمووت
صاحو لا اله الا الله وجو يركضون ويايا
واحد منهم مد راسه داخل البيت كال فلان طلع
السياره شغلها بسرعه طبو تفشلت شافو ابويه
شلون سكران منتهي بس مجان عندي حل غير
اصيحهم ماعندي احد تعاونو وشالوها اخذت
تلفوني ولبست عباتي وطلعت اركض وياهم خليت راسها بحضني ودموعي تنزل مثل المطر
لابقيت دعاء لابقيت نبي ولا امام ما نخيته
لحد ماوصلنه جنت كل شوي اتلمس ايديها
الحمد لله بعدها دافيه لو احط اصبعي يم خشمها وتطمن جاي تتنفس يارب لاتكسرني
يارب ماعندي غيرها وصلنه راح جيرانه بسرعه
للطوارء جابو سدية حطوها ونقلوها همه يركضون
بالسديا واني وراهم دخلوها قاسو الضغط والسكر
كلشي جان مخربط بعد روحي هيه مادكول شي
يوجعني لو مو اراقب علاجها ماجان عرفت
ايمتا يخلص ماتحب تكلفني وتزيد عليه تعب ماتدري ماتعب بس من توكع ...
بقيت بره ادعي ربي وانتضر خبر من الدكاتره
لي بالداخل وزلم جيرانه الله يبارك بيهم ماعافوني ابد بقو ينتضرون ويايا لحد ماطلع الدكتور كال جلطه وعابره الحمد لله وصلنه بالوقت الازم وأله جان راحت من ادينا كال راح نحولها للردهات اجي اجيك وضعها وكتب
الها علاج طلعو لاطباء كلهم
يزن
الحمد الله على سلامتها ماتشوف شر
يا دكتور انتا تداوم هنا
اي هنا شتصير من عدكم
تصرلي حبوبتي ذوله جيرانه ساعدوني نقلناها
اها ليش ابوج وين
دنكت راسي ماعرفت شحجي رد الرجال لورايه
ابوها مريض عيني واحنا مثل اهلها
حسيت الرجال بباله عندي ويا شي عزاا كلت
عمو هذا دكتور يزن ابن الناس لي اشتغل
عدهم
اهااا الله يحفظك الشبابك ابني
YOU ARE READING
انتقام القدر عراقيه مكتمله 🤍
Mystery / Thrillerفتاة من الريف تولد لتجد اب قاسي لاتعلم ماسبب قسوته لكن للقدر رئي اخر في كشف الحقائق
