انتقام القدر عراقيه مكتمله 🤍

الحلقه الثانيه

حبايبي راح ارجع اكمل نشر القصه
بس ياريت تتفاعلون تفاعلكم يشجعني
اكمل واستمر لاتنسون تعليق على
لفقرات لي تعجبكم
ولتصويت احبكم🤎🤍

saraalobidi1995
#انتقام_القدر
ساره العبيدي
........

بقتني حبوبتي بتفكيري وحيرتي ياربي شنو
الشي لي جبر ابويه يكون قاسي ويكرهني الي
بالذات يارب تكشف الي السبب حتى اذا كدرت
الكه حل و اغير معاملة ابويه الي يارب كمت شلت مواعين الغدا وصليت العصر ومددت بفراشي بغرفتي اني وحبوبتي شفتها مدده
ولازمه السبحه ومبينه جاي تفكر بشي ندستها
بيدي ها حبوبه تفكرين بجدي

هههههه دهر فرج اي ولله جد ايش الي افكر
بي ميت صارله ٢٥ سنه مدكليلي شتذكر منه

يا حبوبه معقول ماتذكرين شي من جدي ابد
زين شعجب ماعدكم صوره اله

مايحتاج صوره ابوج نسخه من عندا بس
جدج عيونه زرك مثل عيونج ابوج عيون
عسليات مثلي

يا حبوبه يعني جدي جان حلو هوايه لان
بابا هم حلو بس اني بالي طالع عليج

ماكو فرق بنيتي انا وجدج كرايب فا شبه
بينه موجود

زين جنتي تحبين جدي

ياااع شو انتي فاااسده شهلسوالف يمه

حبوبه هسه اني غير جاي احجي بس
وياج لو ويا غيرج ما اكول هيج بس احجيلي
بلصدك جنتي تحبي لا

ولله يمه ماجذب عليج اول ماخذاني جنت
اشوف عزرائيل ولا اشوفه خذاني غصب عني
ابوي نطاني الهم هديه

يااا شلون يعني هديه

شوفي نرجس يمه احنا قبل جنه ناس تنطي
المره هديه وفصليه وكلشي بس انا جنت هديه
لان همه كرايب ابوي وابو جدج
فا ابو جدج
حل مشكله لابوي ورجعله بستانه من ناس نصبو
علي عاد ابويه اكيد لازم يجازيهم كام وكف بين
الزلم بديوانهم وكال

ابو تسواهن . والله الي سويتو فضل على
راسي ما انسى حتى لو رحت الكبري وهديتكم
عندي اغلى شي على قليبي بنيتي تسواهن
هديه ماوراها جزيه

ردو على ابوي بالشكر وكالوله الجمعه يمكم نعقد
وختارو جدج كاطع الي انا جنت فرخه صغيره
العب بلحوش اجا ابوي جرني من جتفي وصاح
صوت عالي لم بي امي ومرت ابوي ولكل
كاللهم تجهزون تسواهن وتعلموها على العرس
الجمعه يجون بيت الشيخ ابو كاطع ونعقدلهم
اني هديتها الهم امي لطمت على خدودها وكالت

ام تسواهن .. شتحجي يارجال كل عكلك تزوج تسواهن تراهي لسه ما بلغت حرااام عمرها ١١

ابو تسواهن ..ماعليها شي انتي شكبرج اخذتج
الموضوع انتهى انا وعدتهم انطيهم اعز
شي على قلببي وانا رجال اعز ماعلي كلمتي
الموضوع انتهى ماريد اسمع نقاش