انتقام القدر عراقيه مكتمله 🤍

الحلقه الثامنه والعشرون

‏والله ما أذيناهم بشق تمره لكنهم أذونا بالقدر الذي لا قدر لهُ .

§åřå95

ساره العبيدي
28
انتقام القدر
...........
لاتنسون التصويت والتعليقات الحلوه حبايبي
.............

عادي ماكو بشر مايتعب بس حاولي تكعدين ويا ورد وتحجيلها وهيه تنطيج حل لكلشي وتغير نفسيتج وهسه راح اخذج نروح لمطعم نتعشى
وبعدا نروح للمول شوفي اذا محتاجه شي واذا ممحتاجه نكعد بكوفي ادخن وانتي اشربي شي

تمام مثل ماتحب

هههههه ماكو فايده ماضني تتغيرين

تنرفزت من كلامه هوا لو براسه عقل جان عرف اني شعرفني بكل هاي الاشياء كضيت عمري بين لطباخ ولماسحه
وصلنه مطعم جان من الخارج كلش حلو نزل نزلت وره لزم ايدي ودخلنه ماحسيت باي شعور لزمته جانت بلنسبه الي خاليه من المشاعر دخلنه كعدنه كالي ماراح اسألج راح اطلب على ذوقي
ضحكت مارديت

طلب هوا عشه تعشينه كعدنا شوي وكال يلا
نروح رحنه لمول جان زدحاام اول مره اطب بهيج ازدحام حسيت راسي صدع لزمت ايده
وسام عفيه ترا دخت

طبعا تدوخين من قلة الاكل بس نرجع اوديج احللج اذا بقيتي هيج اخليهم يديرولج دم

لا عفيه ماريد

لعد اكلي لاتبقين ساده حلكج

اوك اكل بس لا توديني

امشي نطب القسم الملابس النسائيه شوفي تحبين
تاخذين شي بنفسج شي شوفي بداعة حبوبتج
ترا اني موبحال لفلوس فا لي بنفسج اخذي

شكرا

ميحتاج تشكريني حتى لو كلشي ع الورق بس
انتي بذمتي هسه فهمتي

اي فهمت

دخلني باكثر من مكان عجبني تراك ستن
وردي جانت علي علامة ماركه ماعرفتها بوقتها
LV
شافني اكلب بي كال عجبج كلتله اي

اجه اخذ قطعه بدون لايسأل على قياسي واضح خبره بلقياسات هههه

لمشكله حتى لو سألني ماجان عرفت نسيت منتبهة على لقياسات الي جابتهن فا خلصت من الاحراج اجه مشتري نطاني الجيس كال شنو ببالج بعد كلتله ولا شي كالي زين شي للحمام
شامبو اي شي للشعر مجان ببالي شي كلتله لا كلشي جابت ورد ماعتقد ناقص شي وااذا جان اكو نقص عود اكولك

تمام يلا لعد نروح كوفي بواهسي ادخن

صعدنا للطابق لي بي لكوفيات هوا طلب ناركيله
واني طلبت كوفي ههههه بعد ماقريت المنيو
قررت اطلب هوا بتسم وطلب لي اريده وطلبلي
قطعة حلو على ذوقه بقيت اتفرج على الهوسه
شي جديد بلبدايه دخت بس بعدين حبيت
وطبعا ماكدرت ما امارس هواياتي واتفرج على عيون الناس حتى اقراها هههه