انتقام القدر عراقيه مكتمله 🤍

الحلقه السادسه عشر

‏لا تثق بالكلام الجميل ، ثق بالأفعال فقط

..........
مساء الخير على عيونكم حبايبي
لاتنسون التصويت والتعليقات الحلوه مثلكم
........
ساره العبيدي
16
saraalobidi1995

...........

اجت راما  باستني وكالت اذا حتاجيتي شي اتصلي رقمي عندج كلتلها شكرا لان تعبتو نفسكم واجيتو ماراح انسى وكفتكم
لحد موتي دننكت شاورتني

اشكري راثان لان هوا لي جابني سحل بس ماوصيج انتبهي امي تدري ترا تقيم قيامتكم
سوا

بتسمتلي وراحت هيه وراثان طلع ولابتسامه على
وجها بقة بالي صورته وبتسامته لحد ماتذكرت
كلام راما تعوذت من الشيطان خليت ايدي على
قلبي دعيت ربي لاتعلق قلبي بشي مو اله مهما
كان حجمه يارب رجع يزن كالي

نرجس وضعج تمام وهاي العلاجات جابها راثان
تكدرين تروحين تشوفين حبوبتج صحت الحمد لله مابيها شي جنه خايفين صابها شلل
باحد اعضائها او ضرر بالدماغ بس الحمد لله وضعها تمام مابيها شي

تمام اشكرك دكتور ماانسا وكفتك هاي

لا تحجين هيج انتي غاليه على راما غير
خبصتنه بيج

عرفت يقصد راثان قلبي دك دكات مخربطه
ماداكهن قبل اجا شالي السيروم لي جان بايدي
وكمت اول ماكمت حسيت بدوخه كالي طبيعي
رحنه اني وخاله ام صافي لغرفة حبوبتي تطمنه عليها نتبهت الوقت ساعه ١٢ بليل هاي صارلنه شكد هنااا معقول كل هذا الوقت ابويه ماكعد المشكله اول ماطبينالها سألت
عنه كلتلها حبوبه من شافج واكعه تعب وطول الوقت هوا بره
هسه راح يرتاح لان بعد
مايكدر يوكف ام صافي
تهز راسها بأسف على وضع
ابويه بس مابيدي شي لازم اجذب الخاطر ماتنقهر مو زين عليها
القهر اجا دكتور يزن ويا واحد ثاني شافو
تقاريرها وكملو كالو تمام باجر الصبح نسجللها
خروج وهاي لادويه شي منهم موجود بلمستشفى
وشي لازم من الصيدليات الخارجيه شكرتهم
وترخصوا وطلعو
رحت على جوارينه وكلتلهم
يروحون خلص كفو ووفو بالبدايه رفضو بس
اني اصريت عليهم يروحون ودعونه وراحو
واني بقيت يم حبوبتي على السرير
كاعده افرك برجليها كلتلها ولج تسواهن روحتي قلبي من الخوف بعد ااذا
سويتي وياي هيج اشرد بعنداج
بتسمت بارهاق وكالت

يابعد تسواهن وطوايفها ولله يمه جنت تقريلي
قران اني اصلا اهجس روحي تعبانه بلشت احس
خدر بطرافي ونفس ضاك كلت ماريد اخوفج مددت وستودعتج يم الله لبالي ماراح ارجع
كلت هذا اخر يوم الي

اسم الله بعيد الشر عنج حبوبه ليكرهووج يارب

ليش انا اكو بشر يكرهني يوليي

لا ولله منو يكدر يعرفج ويكرهج بتسمتلي
وغمضت صرت اخاف من اشوفها تغمض عيونها
ماريد الصار اليوم ينعاد اعرف راح يجي يوم
وتروح من بين ايديا بس ماكو على الساني
غير دعوه وحدى انو ربي يجعل يومي قبل
يومها غير هذا الشي مااريد لان ماعرف شننو ممكن
يسوي بيه ابويه او شنو الطريقه الي راح يبيعني بيها صرت واثقه بعد الي صار اليوم انو سبب
مرضها نفس الموضوع لي حجا بي وسام اكيد
ابويه حاجي الها واعرف مستحيل ترضى عليه
هيج شي من وعيت وهيه تتمنا تشوفني عروس
الشخص يصوني ويعوضني عن الي شفته بحياتي
اكيد ماراح تقبل بهذا الموضوع لو شنو ما صار ساعه بالوحده دك التلفون شفته ابويه متت ضحك واضح قلبه
خطيه حسه امه من الضهر بالمستشفى ياعيني
عفته مارديت حرك التلفون بالتصالات فتحته
حجه
اخذتيهااا يمه مو كتلج مالج شغل بيها اخذتيها
وشردتي والله احركها بس الزمكم والله