انتقام القدر عراقيه مكتمله 🤍

الحلقه السابعه عشر

لــو رام قلـبـي عن هـواك تصبرًا
ما كان لي طول الحياة بصاحب
سلب الهوى عقلي وقلبي عنوةً
لم يبق منّي غير جـسمٍ شاحب
صـبـرًا علـيـك فما أرى من حلـيةٍ
إلا الـتـمـسّـك بالرجاء الخـائـب
لــم أعــد داريًا أيــن أذهــب
كــل يــومٍ أحــس أنــكِ أقــرَب
كـل يـومٍ يصيرُ وَجـهـُكِ جـزءًا
من حياتي ويُصبحُ العُمرُ أَخصَب
وتَصيرُ الأشكالُ أجـمـل

...........
ساره العبيدي
............

رجعت للبيت الجو حلو لاهو بارد ولا هو حار
ولغيوم تارسه السمه يوم حلو مريح للنفس ماتعرضت المضايقات بي الحمد لله طبيت
شفت حبوبتي كاعده بره حسيت هيج ردت روحي رحت بسرعه شمرت روحي بحضنها
اويلي حبوبه الله لايخلي اي مكان من وجودج
انتا احله شي باالدنياااا

يابعد حبوبتج كعدت كلت خليني اطلع من الغرفه لو باقيه بيها ماراح اكعد

اي احسن ولله ماتلامين احميلج شوي سوب
دجاج تتغدين

اي ولله فدوا لايدج حميلي

طبيت غسلت ورحت للمطبخ حميت السوب
صبيت الحبوبتي والي سويت شاي
وبسكت وجبن مابيه اطبخ شي وهوا
ابويه مايجي للبيت بعد شكو اتعب نفسي

طلعت يمها اكلنه وطبينه صلينه وغفينه
كعدت على صوت التلفون ام رغيد غدي
ياربي اكرهم ياريت الكه ناس غيرهم
طلعت بره رديت عليها

الو هلا خاله

هلا بيج باجر تعالي البيت صاير ترابه
ناسين شبابيج مفتوحه قبل مانسافر
فا راح نعوفه نروح نام عند بيت اخويه
باجر تعالي من وقت اني ارجع للبيت ب٧

تمام ب٧ ونص اجي ان شاء الله

كعدت حبوبتي كلتلها اريدج تعلميني اخيط

يمه مو تتأذه عيونج وفقراتج

معلش ماخيط لاحد بس النفسي باجر
راح اكص قطع صيفيه من ارجع من عند ام رغيد واجيبها علميني عليها

ماشي يمه مثل متحبين

ثاني يوم كعدت سبحت وبدلت وتريكت
اجر بروحي جر ماعرف ليش قلبي مقبوض
من عدهم وفوكاها حلم البارحه خربط وضعي
ماجاي افهم شجاي يصير وياي

حلمت
اني بمكان حلو وياي شبيهتي جانت تاشرلي
اروحلها جانت لابسه فستان حلو ابيض بس علي دم وشعرها حلو ذهبي مثل شعري تبتسملي
وتاشرلي بيدها تريدني اروحلها حسيت رجليه
بدون وعي ياخذوني الها وجنت فرحانه
بس قبل لا اوصل يمها ابو رؤوف
سحبني من ايدي ورجعني شجاب ابو رؤوف
على حلمي ومنو هاي المره وليش هوا ينقذني
ولله بعد مافهم ليش هلمره بعد ماتفارك منامي
هلمره ماحجيت الحلم لحبوبتي ولا فزيت
مرعوبه يمكن تعودت اشوفها وصلت لكيت
سيارتهم ع لباب الحمد لله واصلين طبيت
ماعرف شوصفلكم ههههه تحسون بيت بدون
سقف من كد التراب تارس كل مكان منا اني
روحي بزعانه من عدهم كلتلها عيني اذا
انضفه اجره مضاعفه هذا مو تنضيف يومي