الطفل بعث الموقع لسليم وسليم خرج خلا كاترينا موراه وراح يجري عند نور وصل لقا هذاك الطفل واقف عند الباب ونور قدامو قاعدة في الدرجة راح ليها رفدها في حضنو شكر الطفل وحطها في الطونوبيل طريق كاملة وهي تبكي وتهترف باسم سليم ماكانتش في وعيها لدرجة ماعلابالهاش وين راهي ومعامن راهي وصلو للدار رفدها سليم وحطها في فراشها وهي مازالها تهترف باسمو كانت ترجف حط سليم يدو على جبهتها لقاها نار خاف عليها راح يجري جاب ماء بارد نحالها حوايجها خلاها غير بدو پياس 👙 ودارلها كمادات على راسها وكرشها وفخاذها قعد واقف عند راسها ليل كامل وهو يكونطرولي في الحمى ويديرلها في الكمادات كي راحتلها الحمى فتح خزانتها جبد پيجاما لبسهالها غطاها وجا خارج حكماتو من يدو وهي غالقة عينيها وتعبانة ماقدرتش مامپا تهدر تقولو اقعد معايا هو شاف فيها حن قلبو عليها راح تكسل قدامها لزها لعندو حطها في حضنو وقعد يمسحلها على راسها ويلعبلها بشعرها حتى رقدت ورقد هو معاها . . . في نفس اليلة سيليا راهي قاعدة في الحديقة وتخمم في معاذ وين راه حتى صونا تيليفونها راحت تجري جاوبت سيليا: معاذ وين راك وشبيك مابنتش واش صرا ياك راك مليح تقلقلت عليك ....: حظرتك زوجة موسيو معاذ؟! سيليا:...اه ايه انا معاذ وينراه ....: موسيو معاذ دار حادث خطير وراهو في الانعاش سيليا: وشنوووو وين راه واش من سبيطار راهو فيه . . . سيليا راحت رفدت طونوبيل وخرجت بحوايج الدار كي المهبولة تجري عند حبيبها دخلت سقسات على الغرفة لي راهو فيها وراحت تجري دخلت عندو لقات الغرفة فارغة زادت نخلعت حسبلها مات وطاحت في الارض وبدات تبكي حتى جا واحد عنقها من الوراء وباسها من خدها دارت ليه حتى لقاتو معاذ عنقاتو لا اراديا بكل قوتها وزادت طرطقت بالبكا وهو معنقها ويهدي فيها سيليا: علاش ديرلي هكذا علاش ،علاش واش درتلك انا حرام عليك 😭😭😭 معاذ: هههه حبيت نشوفك واش ديري لكان نموت سيليا: بعيييد الشر مانقدرش نعيش بلا بيك انا رفدها معاذ وهي حكماتو من وجهو وشافت في عينيه وهي عينيها كانو مدمعين ووجها احمر معاذ ماقدرش يقاومها باسها دارت يديها وراء راسو وزادت باستو هي ،باستو بوحد الطريقة تع واحد مات خسراتو ماتزيدش تشوفو وعاود ولا للحياة حرفيا باستو كانها اخر لحظة في عمرها معاه
Oops! This image does not follow our content guidelines. To continue publishing, please remove it or upload a different image.
مباعد في لحظة بعدت عليه سيليا: حطني حطها معاذ وقفت مقابلاتو شافت فيه وعطاتو كف بكل قوتها حتى وجهو دار معاذ دار ليها مخلوع سيليا : بالاك تزيد تعاودها اول مرة واخر مرة هاذي وجات رايحة حكمها معاذ من يدها معاذ: وين ؟ سيليا: لدارنا الحمدلله راك لباس بيك ماكاش سبة تخليني نقعد هنا معاذ: انفصام في الشخصية ؟ هاذا وين كنتي تبوسي فيا ههههه مهبولة سيليا خرجت وخلاتو هو قعد يضحك مباعد راح يجري موراها ورفدها على غفلة وداها للطونوبيل وهي تزعبط وتقولو يخليها معاذ: انا هذا الفيلم ڨاع درتو باش نديرلك مفاجأة ونتي رايحة هكذاك سيليا: مانسحقش مفاجأة تاعك وديجا مازال حسابك تع يومين متبانش ومخليني مقلقة عليك
