سامحوني على الانقطاع كانت عندي ظروف هاني عاودت وليت وانشاء الله مانزيدش ننقطع ادعولي ربي يحققلي واش راني متمنية ونحبكم 🥰🥰 . . . الصباح ناضت سيليا كي العادة لاپال تع معاذ مكاش هذا لي قالك ربي يعطي اللحم لي ماعندوش سنان طفلة كي الوردة قاعد يبكي فيها المهم اليوم سيليا قررت تولي لسپور على الاقل تخرج شوية الطاقة السلبية لي فيها وقررت جوز نهارها اليوم بلا ما تخمم في معاذ وجدت صوالحها لبست حوايجها وراحت لصال دو سپور
Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
في الشركة نور راحت تجيب قهوة من الكافيتيريا وتلاقات معاذ هناك نور: احم سي معاذ راك هنا معاذ: اهلا نور وشراكي لباس نور: لباس لباس راني لباس انا معاذ: الحمدلله نور: ونتا لباس معاذ: والله بيا الحمدلله نور: اممم بيا والله تحيروني بالضمير الميت لي عندكم ديرو واش ديرو وتبقاو ملاح معاذ: وعلاش واش كاين كاشما غلطت معاك؟ نور: انا واش علاقتك بيا باش تغلط معايا نتا في بلاصتك وانا في بلاصتي معاذ: خلاص مالا الهدرة الزايدة علاه نور: راني نتبلا فيك واقيلا هذيك المخلوقة لي راهي في الدار علاش راك داير فيها هكاك واش دارتلك مسكينة ولا لالاك مسحت بيك الارض وختي مسكينة كي شفتها عاقلة وتحبك راك تخلف فيها الثار معاذ: اعرفي واش راكي تهدري والله يهديك ختك انا ماراني دايرلها والو وجامي جرحتها بكلمة الغبينة هي لي راهي دايرتها لعمرها هي من لول علابالها واش كاين وعلابالها بلي ماعندي حتى مشاعر من جيهتها وماراحش يكونو وهي راهي قابلة لكان ماهيش عاجبنها حالتها تبطل ماشي حاجة كبيرة نور: تبقا خطيبتك على الأقل اعطيها شوية وقت من حياتك ماشي كشغل ماكاش ڨاع معاذ: واش من وقت لي نعطيهولها هي راهي حابة تعيش كيما الافلام لي راهي تشوفهم ورومنسية وماعلاباليش هذيك الحياة بالاك كي يكون واحد يحبها يقدر يعيشهالها انا غير ماتطمعش معايا نور: يتسما راح تبقا هكذا معاذ: ماتخافيش دك توالف ختك وتولي كيما بكري تروحلها ڨاااع هذي الغبينة لي اصلا مانيش فاهم علاش راهي دايرتها حياتها راجل هاذي؟ تروح تعمر وقتها بحاجة وحدخرا ماتبقاش لاتيا بيا نور: انا نقولك حاجة وحدة برك الطفلة هاذي لي راك دايرها حاجة زيادة في حياتك يجي نهار والله تندم عليها وتقول نور قالت معاذ: والله غير نتوما راكم مكبرين الحالة برك المهم انا عندي خدمة اتهلاي . . . سليم: معاذ واش درت فيها مع هذيك لافار معاذ: واش من لافار نتا ثاني سليم: ياك مديتلك خدمة ديرها هاذيك الشركة لي رانا حابين نشروها معاذ: ايه راني معاها سليم: واشبيك معاذ: واشبيا سليم: تبان مقلق واش كاين معاذ: ماكاين والو روح دكا خليني نخدم خدمتي سليم: لالا كاين قولي واشبيك واش صرا علابالك بلي مانيش خارج حتى تقولي معاذ: مابيا والو احكم عليا عشيقتك برك راهي دخلت فيا صباح ربي ناكتلي المورال سليم: نور؟! واش بيها ديجا نتا علاه تهدر معاك معاذ: على ختها علاه حبيت قاتلك ختي مسكينة علاه ماكش حاسبها سليم: عندها الحق نتا علاه راك لاعبها على بنت الناس الطفلة زلة عاقلة حلوة فيها كلش شباب علاه راك ديرلها هاكذا معاذ: مانحبهاش يا ربي مانحبهاااااش تفهم ؟! سليم: مازالك تحب لخرا؟ ماشي قتلي خلاص نسيتها وماعلاباليش معاذ: مانحبها لا هي لا لخرا مانحب حتى وحدة وماني ناوي نحب حتى وحدة سليم: دبر راسك ياخويا ماعندي مانقلك انا نتا راك داير حاجة في راسك يجي لي يجي ما يبدلهالكش بصح نقلك حاجة بالاك برك تندم كاش نهار وجي تشكيلي . . . سيليا كملت السپور تعها وراحت للدار دوشت فطرت وخرجت تشري شوية حوايج جدد عيطت لحسام باش يروح معاها قالها بلي مايقدرش راهو خدام مالا راحت للشركة . . . سيليا: بابا بونجووووغ اب سيليا: الشابة تاعي جات عندي اليوم هاذي باينة كشما حبيتي حاجة سيليا: حبيت حسام ماعليش نديهولكم اليوم؟ حبيت نخرج نبدل شوية جو ومكاش معامن نروح اب سيليا: بصح هو راهو خدام كفاه يخلي خدمتو ويجي معاك سيليا: هيا بابيتو ياك عندي بزاف ماخرجتوش من الخدمة والله نحتاجو اليوم بليييييز اب سيليا: ههههه ماعليش ديري واش حبيتي علاش انا نقدر نقول لالا للوردة تاعي . . . سيليا: هيا نوض نروحو حسام: وين نروحو ياك قتلك مانقدرش سيليا: خلااااص راني حكيت مع بابا وقالي ماعليش يخرج هيا نوض نوض حسام: اصبري مالا نكمل واش راه في يدي ونروحو سيليا: خلاص راني قاعدة نستنا فيك حسام: روحي اضربي دورة وولي بالاك تحبي تشوفي معاذ ولا 🙄 سيليا: مانشوفو مايشوفني انا جيت علاجالك اليوم . . . معاذ: وي السكرتيرة: مادموزال سيليا راهي في الشركة عندها شي نصف ساعة معاذ: صحا معاذ مع نفسو: واشبيها اليوم ماجاتش عندي ماعيطتتليش مامپا قاتلي راني جاية خرج معاذ دار روحو راح يجيب قهوة باش يشوف سيليا وين راهي حتى شافها شادة حسام من يدو وتضحك وخارجة معاه السخانة طلعتلو وتقلق سليم: هاها غرت واقيل ياك ماتحبهاش معاذ: اه وينتا جيت نتا وديجا واش راك تهدر الله يهديك قالو غرت سليم: انا راني نحكي واش راني نشوف بالاك راني غالط المهم نقولك حاجة بالاك ماعلابالكش بيها نور قاتلي حسام يحب سيليا هاذي شحال ديجا يمووووت عليها وسيليا علابالها بهاذ الشي معاذ: وانا علاه راك تقولي سليم: باش ترد بالك يديهالك معاذ: يديها على روحو الله يسهل
