وصل معاذ سيليا كانت في التاقة تستنا فيه كي شافتو هبطت باش هي تفتحلو الباب هو غير شافها حكمها من ذراعها وطلعها لبيتها سيليا: ااااي يدي معاذ وجعتني معاذ: ششششت دخلها لشومبرتها وغلق الباب
معاذ:وشنو هذا سيليا: وشنو لي وشنو هذا معاذ: هاذي لبسة راكي لابستها سيليا: واش بيها اللبسة معاذ: وشبيها؟ ماعليش مابيها والو، راني هابط انا بدليها ومانحبش نزيد نشوفك بلبسة هكدا خفي بدلي حوايجك سيليا: نبدل؟ مانبدلش ديجا من وينتا دخل روحك في لبستي ماشي موالف تهدر على حوايجي معاذ: ماشي موالف نهدر على خاطر مايكونش كاين داعي باش نهدر، ماتكونيش لي باين كثر من لي مغطي ،كي تكوني لابسة نورمال مانهدرش انا وراني نهدر معاك بالعقل ماتقلقينيش مانيش حاب نتقلق سيليا: لالا مانبدلش ياك راني في الدار مكاش واحد براني معاذ: سيليا قتلك ماتقلقينيش سيليا ماقيماتوش وجات خارجة حكمها من يدها ولصقها مع الحيط معاذ: هذا الجاست لي درتيه دك بااااالاكييي تعاوديه انا نهدر معاك ونتي رايحة سيليا: معاذ وجعتني معاذ: نتي هكا تحبي، كي نهدر معاك بالعقل ماتسمعيش سيليا: بصح قتلك ماكاش براني معاذ: ربك ماتفهميش نتي ، خويااااا براني باباااا براني بابااااك وبراني ،حاجة تاعي مانحب حتى جنس ذكر يشوفها ،فهمتي ولا مازااال ،نزيد نعيط شوي باش تفهمي سيليا: اطلقني، انا خطيبتك ماشي حاجة وزيد بالزيادة مافهمت فيك والو انا من جيهة تقولي مانحبكش من جيهة تغير عليا منينذاك تهتم بيا منينذك ماتحسبنيش ڨاع كشغل مكاش ،بزاااف عليا خلاص مانيش قادرة نزيد نتحمل عييت كي شفتني نحبك راك دير هكدا بلعاني واش درتلك انا باش تعيشني هذا الشي 😢 معاذ: راني هابط انا بدلي حوايجك مانسحق والو يبان مانبقاش نعاود في الهدرة وماطوليش ،(مسحلها دموعها) والدموع هذو مانحبش نزيد نشوفهم سيليا: معاذ معاذ:... سيليا: كاين امل يجي نهار تحبني ؟ اذا راك شايف روحك تبقا طول عمرك هكدا قولي نحبس من دك مانبقاش نتعذب معاك معاذ: تقدري تحبسي ؟ ماشي قلتي تحبيني؟ سيليا: نبكي شهر شهرين خيرما نبقا نبكي حياتي كاملة معاذ: ماتبكي لا شهر لا شهرين لا حياتك كاملة بدلي حوايجك وهبطي . . . اب سيليا: واش فريتوها ؟ سليم: وي وي ماشي حاجة كبيرة اب معاذ: وليتو تعبدو الخدمة هههه ماتقدروش تصبرو سليم: هههه معاذ مازال ماجاش؟ معاذ: راني جيت ،وشراك عمي ،لباس عليك؟ اب سيليا: لباس والله الحمدلله، نور روحي عيطي لختك راهم جاو ڨاع وين راهي معاذ: لالا ماتشقايش راهي جاية هي فتحتلي الباب
Oops! This image does not follow our content guidelines. To continue publishing, please remove it or upload a different image.
كي جات سيليا شافت في معاذ باش تشوف اذا عجباتو لبستها غمزلها ضحكت معاه هي (ااااا واااقيييلا سي معاذ بدا يحبها ،واش رايكم 😏) اب سيليا: سيليا بنتي قبل ماتقعدي روحي شوفي يماك اذا كملت وجدت الطابلة رانا جعنا سيليا: حاضر بابا . سيليا: تفضلو راهو كلش واجد قعدو على الطابلة وهما قاعدين ياكلو تكلم فؤاد اب معاذ: والعرس كفاش مازال مافيكسينا لادات مابدينا في التحضيرات ياك قلنا مانطولوش اب سيليا: اااا حنا جمعناهم مع بعض ودك هاذي الحاجة هوما يقرروها اب معاذ: ايه عندك الحق، هيا مالا واش راكم معولين معاذ: حتى انا كنت رح نجبدلكم الموضوع ،رانا معولين العرس يكون بعد زوج سمانات سيليا فتحت عينيها وبقات تشوف فيه ، وينتا قررو ؟ ماحكاوش ڨاع على موضوع الزواج ،هي مازالت حايرة اذا تكمل معاه ولا تحبس وهو يقولهم بعد زوج سمانات ام سيليا: زوج سمانات؟ بصح مارانا موجدين والو حنا ،راهو عرس هذا يليقلو وقت باش نوجدولو معاذ: لالا خالتي ماتوجدو والو نتوما وجدو روحكم برك ،انا وسيليا نوجدو كلش ،15 يوم يكفي ويزايد ،بابا هاذ اليامات راح نكون مشغول مانقدرش نجي للخدمة اذا صرات حاجة عاجلة عيطولي سيليا بقات غير ساكتة مافهمت والو راح يهبلها هاذ الراجل سليم: اووو من وينتا معاذ يفضل حاجة على خدمتو معاذ: هههه راهو عرسي هذا وشبيك نور: سيليا وشبيك ساكتة قولي حاجة سيليا: اااه... ايه انا ومعاذ نوجدو كلش اب معاذ: الحمدلله يعطيكم الصحة الماكلة كانت بنينة بزاف،دك لازمنا نروحو هذيك هي اب سيليا: اااا سامحني اليوم مكاش المرواح دايمن جي وتروح بلخف تقول يجرو موراك اليوم تسهرو معانا اب معاذ: لا والله بزاف مانثقلوش عليكم ام سيليا: لا ثقل لا والو راكم جزء من العايلة . . . نور: ماما نعاونك ؟ ام سيليا: ماذا بيك ،ختك وينها؟ نور: خرجت مع معاذ راهم في الحديقة ام سيليا: خلاص خليها، ونتي وشبيك مع مرت سليم نور: وشبيا؟مابيا والو علاش واش كاين؟ ام سيليا: وين علابالي شفتها تغزر فيك وحد الغزرة حابة تقتلك بعينيها تقول ديتيلها راجلها نور: ههههه هي دايرة هكذاك بالاك ،ماتعمريش راسك بيها ام سيليا: لالا انا نعرف النسا مليح هذيك الغزرة ماشي عادية ، حاولي تبعدي شوية على سليم هاني شفتو داخل فيك بزاف يضحك ويڨصر معاك بالاك غارت المخلوقة من حقها ماتحبش على راجلها نور: انشاء الله انشاء الله ماما
