نور حياتي

19

ركب معاذ هو يسوق وهي غير ساكتة
معاذ: وين نروحو دك
سيليا:....
معاذ: ماعدناش الوقت مازالو بزاااف صوالح لازم كلشي نديروه بالطبع نعرفك تحبي كلش في بلاصتو
سيليا:....
معاذ: سيليا سييييلياااا راني نهدر معاك
سيليا: اه وشنو ماسمعتكش
معاذ: من صباح نهدر كفاش ماسمعتينيش قتلك وين نروحو دك
سيليا: خلي نروحو للدار
معاذ: كفاش نروحو للدار مادرنا والو اليوم مازالت 100 حاجة
سيليا: عييت حبيت نروح للدار
معاذ: اوك دك نروحو للدار
.
.
.
سيليا: علاش جبتني هنا
معاذ: قلتي نروحو للدار لالا؟
سيليا: ايه بصح لدارنا ماشي هذي الدار
معاذ: هاذي ثاني داركم هاذي دارنا انا وياك
سيليا ماحبتش تدخل شدها معاذ من يدها ودخلها، الدار كانت فارغة بصح فيها بعض الاثاث ماشي حاجة، قعدها على وحد الاريكة وجاب كرسي وقعد فيه مقابلها
معاذ: اهدري راني نسمع
سيليا : واش نهدر
معاذ: وشبيك علاش في دقيقة نقلبتي ڨاع واش كاين
سيليا: ماكاين والو مانقلبت ما والو غير نتا راهي باينتلك
معاذ: علاش قلتيلي حبس موقبيل؟
سيليا: هكاك برك
معاذ: كفاش هكاك برك ،قتلك علاش جاوبيني
سيليا: علاخاطر غالط واش كنا نديرو
معاذ: بصح نتي راكي مرتي دك نديرو واش نحبو ماكاش لي يسالنا
سيليا: علابالي
معاذ: مالا علاش غالط
سيليا: هكاك انا مع روحي جاني غالط
معاذ: من هنا مانيش نايض حتى تقوليلي السبة وديري في بالك عفسة هذيك الحاجة دايمن تكون برضايتك وجامي نفورسيك ودك كي راني نانسيستي ماشي باش نكمل واش ماكملتش ولا، برك حاب نفهمك باش مايروحش تخمامك بعيد
سيليا: .....
معاذ: سيليا جاوبيني ياك راني نحاول نفهمك ياك راني نحاول نتبدل علاجالك لازمك مام نتي تكوني متعاونة شوية ولا حابتني نرجع كيما الاول
سيليا: لالا ابقى هكا ماترجعش
معاذ: (حكمها من يدها) هيا مالا قوليلي السبة
سيليا: هذيك الحاجة ماشي حابة نديرها مع واحد مايحبنيش على الرغم من انو حلالي بصح مانحبوش يشوفني آلة يفرغ فيها شهوتو وخلاص، لازم يكون عندو مشاعر من جيهتي كيما انا، كي تولي تحبني يولي الشي لي درناه ماشي غالط
معاذ: ههههه
سيليا: علاش راك تضحك راني من نيتي
معاذ: نتي واقيلا بهلولة ههههه
سيليا: علاش بهلولة ولا كي قتلك حتى تولي تحبني وليت بهلولة؟ ماعنديش امل تولي تحبني ؟مانحلمش بيها اصلا ؟
معاذ: ههههه لالا بهلولة علاخاطرك لكان تخمي شوية كفاش وليت نتعامل معاك ،كفاش وليت بنادم وحداخر غير علاجالك تفهمي كلش لكان تشوفي شوية برك في عينيا وكفاش وليت نغزرلك تعرفي واش راني نحس من جيهتك
سيليا:...
معاذ: صح كانت عندي تجربة عيانة قبلك خلاتني نبني جدار حولي، قبل مانعرفك كنت رافض فكرة ندخل في اي علاقة مهما كانت، منباعد بابا حب يزوجني رفضت رفضت شحال من مرة حتى كرهت من الهدرة كل يوم، ماحوستش نعرف اصلا شكون هاذي لي رح نكمل معاها حياتي علاخاطرني اصلا ماكنتش ناوي نبني حياتي معاها، هي وهذاك الكرسي لي في هذيك الكوانة كيفكيف ماعندها حتى قيمة عندي ،صح نوفرلها واش تحتاج وندير كامل مسؤولياتي معاها بصح بمشاعر باردة....هدرت بزاف ههههه عييتي واقيلا
سيليا: لالا لالا كمل راني نسمع فيك
معاذ: المهم راكي فهمتيني واش نقصد نورمالمو وهذاك التخمام لي كنت نخمم فيه طبقتو معاك بصح نتي ماعلاباليش كفاش قدرتي تذوبي هذاك الجليد لي كان بيناتنا ،هدمتي الحيط لي كنت بانيه ،حاولت قدر المستطاع اني نبعد عليك ومانحبكش ماقدرتش ،قلت خلاص ماعليش نخلي هذا الحب في قلبي مانبينوش، خفت يصرالي واش صرالي من قبل، بصح كي شفتك مع حسام خلاص ماقدرتش نزيد نتحمل ،قلت لازم نعطيك ونعطي لروحي فرصة
سيليا الدموع بداو يسيلو من عينيها لا اراديا وهي تتبسم ماتت بالفرحة ماكانتش ابدا تتخيل معاذ البارد لي ماشي حاسبها كامل يقولها هذي الهدرة
معاذ: نحبك سيليا نحبك يا نور حياتي، كنت في ظلام عايش في اكتئاب جيتي نتي ضفتي النور لحياتي ،انعشتي قلبي لي كان ذبلان
سيليا: (عنقاتو بكل حب) حتى انا نحبك حتى انا، حبيتك من اول لحظة شفتك فيها
معاذ: سامحيني على اليامات العيانين لي خليتك تعيشيهم معايا ماتستهليش واش درت فيك بصح نوعدك من اليوم ورايح راح نعوضك على لي فات ، نعيشك اجمل عيشة
شافت فيه سيليا قعدتلو في حجرو وباستو وبعدت عليه
معاذ: خلاص راحلك الزعاف هههه
سيليا: ههههه كاش زعاف يبقى بعد بحر المشاعر هذا ،صدقت رومنسي ماكنتش تبان هك
معاذ: هههه نوضي عليا نوضي قالو رومنسي
سيليا: هههه ماتحبش يقولو عليك رومنسييييي
معاذ: ايه مانحبش ،هيا نوضي نروحو نكملو صوالحنا ماعدناش الوقت لازم نديرو عرس اسطوري
سيليا: خلينا غير من الملابس الداخلية
معاذ: هههه لالا خلاص روحي مباعد اشريهم وحدك حتى انا مانقدرش نتحمل نشوفك هكاك وماندير والو