اثاريني ياسعود عشت الوهم كله

البارت ال واحد و اربعون

و دفته و طلعت من المقلط متوجه ل غرفتها و رمت نفسها على السرير تبكي و بعد ساعات طويله من البكاء نامت نومه عميقهه
_____________________________________
عدى اول شهر بدون احداث مهمه و في يبت هاشم
دخل غرفته و شافها ب فستانها الكحلي الي كان ضيق من فوق و على راحته من تحت و فيه نفشه خفيفه و زاد من فخامته اللمعه السوده و شعرها الطويل الي لامس اخر ظهرها و ميكاجها الفخم و كانت جميله جدا باست خد هاشم وهي تدور بفستانها و تساله
شوق: ايش رايك؟
هاشم وهو ماسك قلبه: فاتنه! و على قلبي تمونين
ابتسمت شوق بخجل و تقدمت وهي تاخذ وجدان و قالت: و وجدان مطقه معي اليوم
هاشم: ماتشي ماتشي الام و بنتها
ضحكت شوق و قالت وهي تمد وجدان ل ابوها: يلا عشان ما نتاخر
و وقفت عند الشماعه وهي تلبس عباتها و طلع هاشم و دقايق و لحقته و شافته واقف قدام المرايا وهو يشخص الشماغ و ابتسمت وهي تشوف قفى ظهره و انعاكس وجهه من على المرايا تقدمت وهي تمسك يده باس يدها وهو ياخذ وجدان بيده الثانيه و طلعو ل السياره ركبت شوق و هاشم حط وجدان ورا و ركب السياره و انطلقو متوجهين الى قاعه زواج ديما و عبدلله
____________________________________________
في بيت سعود
دخلو سعود و ملاذ غرفه ثابت و هزاع و شافهم قاعدين على الطاوله الصغيره الي في غرفتهم و يلعبون ب السيارات الصغير الي شراها سعود لهم
ملاذ: ثابت
ثابت: نعم
سعود: تعال مسوي لك مفاجأة
ثابت: ايش هي
سعود: تعال
طلع ثابت مع سعود و ملاذ و هزاع معهم لاقافه بس
طلعو ل الحوش و توجه سعود ورا البيت و ضحك لما سمع شهقت ثابت لما شاف الفرس
ثابت: هذه لي انا!!!
ضحك سعود: اي لك
ثابت ركض لحضن امه. و ابوه وهو يبوس خذ سعود و يقول: شكرا يا احسن اب في العالم
و رجع يبوس خذ ملاذ و قال: واحسن ام فدنيا
ملاذ مسحت على راسه بحنيه و قالت: عفواً
ابتسم سعود وهو يشوف فرحه ولده ب الفرس الصغيره الي كساها الون البّن و عيونها العسليه و خصلاتها الحرير الي لاعبها الهوا
تقدم ثابت وهو يركب على الفرس بمساعده ابوه
هزاع: تعرث تركث فيها (تعرف تركض فيها)
ثابت: اكيد!
هزاع: ثيب اركث بثرعه لين ثياره بابا (طيب اركض بسرعه لين سياره بابا)
ثابت: بس؟
هزاع: اي
ثابت: سهله!!
هزاع تقدم وهو يروح ل ملاذ الي حملته على كتفها
هزاع: انثلاق!!! (انطلاق!)
تمسك ثابت بلجام كويس وهو يناظر قدامه بحده و ضرب الفرس و بدا يركض بسرعه ضحك هزاع وهو يعزز ل اخوه و سعود يركض ورا ثابت و الفرس و كانت الفرس سريعههه مرهه و بعد دقايق نزل ثابت من الفرس بمجرد وصلوه ل سياره سعود ضحك ثابت وهو يقول: كيف؟
هزاع وهو يصفق و يضحك: كنث مرههه ثريع! (كنت مرهه سريع!)
سعود باس راس ثابت و قال: عقبال اشوفك من اكبر الخيالين في الممكله
ابتسم ثابت وهو يبوس راس ابوه و قال: ابشر بعزك يابو ثابت
ضحك سعود و قال: حااااااي! فخر والله
ضحكت ملاذ وهي تضم ثابت لحضنها و تبوس راسه: طيب وش بتسميه
ثابت وهو يمسح على راس الخيل بحنيه قال: الكحيله
ضحك سعود: نفس الفرس الي تتدرب عليه
ثابت: اي
ملاذ وهي تمسح على راس الخيل ناظرت بسعود و جاها فلاش باك
____________________________________________________
(تذكير)
دخل سعود و كانت حميده موجوده و قالت: السلام عليكم ملاذ تقدري تنزلي عباتك المكان مافيه غيرك انتي و زوجك
ملاذ نزلت عباتها و اخذتها حميده و حطتها على جنب و دخلت ملاذ و شافت خيل بني يجنن و راحت عنده و صارت تمسح على رأسه و جا سعود و قال :عاجبش
ملاذ:اي بس احس كبير
سعود:لا تخافي انا معش اركبي
ملاذ مسكت يد سعود و ركبت و كان سعود. معها و يعلمها وش تسوي
_________________________________________________________
قاطع الفلاش باك هزاع الي مسك يد امه و قال
هزاع: ماما جوعان
ملاذ شافت الساعه و كانت الساعه ٩ و قالت: يلا يلا الساعه صارت 9 حان وقت النوم
ثابت: بس ابي اللعب مع الكحيله
ملاذ: بكرا بعد المدرسه تعلب معها يلا الحين عشان تتعشون
ثابت: طيب الكحليه وش عشاها
ملاذ: تعال معي وانا اعلمك
دخلو البيت و طلعت ملاذ اكل ل الفرس و رجعت مع ثابت للحوش تحديدا الكحليه و طلعت ملاذ الاكل و حطت منه على يد ثابت الي كان يحاول ياكلها و منجد اكلت الكحليه ضحك ثابت وهو ياكلها اكثر و لما خلصو رجعو داخل و غسلو يدهم و دخلت ملاذ المطبخ سوت عشاء بسيط و حطته على الطاوله و قعدو يتعشون دخلو ثابت و هزاع ينامون شالو الصحون و وقفت ملاذ تغسل الصحون و كان سعود جنبها و كانو بين سوالف و ضحك و كانو
حيل مبسوطين و مروقين
_____________________
في بيت مشاري
كان قاعد في الصاله و لين في الغرفه تكلم و كانت حاطه سبكر
حنين: لين منجدش!!
لين ببكي : و هل مواضيع ينكذب فيها؟
حنين: طيب مشاري يدري!
لين: لا ما يدري بس بدا يشك
حنين: طيب انتي وش بتسوين الحين؟
لين: ما بقدر اظلمه معي اكثر!
حنين: لا لين!! تستهبلين صح!
لين وهي تشاهق: لا ما استهبل
حنين: لين توك قبل خمس سنين كنت مستعده تسوين المستحيل بس عشان يتم زواجش على مشاري
لين: والحين مستعده اسوي المستحيل و اتمم طلاقي منه!!
حنين: لين!! لا تتسرعين يمكن يكون يبيش انتي مايبي البيبي
لين: بسوي المستحيل بس عشان اكرهه فيني طول الشهر الي راح وانا اختلق المشاكل بيني و بينه بس عشان يقدر ينساني بسهوله بعد الطلاق
اخذت نفس عميق وهي تبكي و مسكت صدرها  وهي تحاول تهدي نفسها عشان. تقدر تتكلم و رجعت تقول
لين: بكل الحالات انا ما بقدر اقعد معه وانا عقيم وهو ما يدري نهايته يكون الضنى  الي يشيل اسمه!
حنين: لين تكفين لا تسوين شي يوجعنا فيش!
لين سكتت و قالت: احس جسمي تعبان ابي ارتاح
حنين: طيب استودعش ربي
لين: باي
انتهت المكالمه و انفجرت لين تبكي و دفنت وجهها باوساده وهي تبكي وهي ما كانت تدري انه واقف عند الباب و سمع كلشي قالته ضاق صدره و اشتعلت نيران فيه لما سمعها تقول "والحين مستعده اسوي المستحيل عشان اتمم طلاقي منه"
دخل الغرفه بقوه و شافها تبكي فزت وهي تناظر فيه و شافت عيونه تطلع شرار النيران الي بصدره قرب و مسكها مع يدها بقوه و سحبها و وقفها على الارض و صرخ بوجهها و قال: ليش ما قلتي لي من البدايه!
لين وهي تبكي: مشاري! تكفى يا مشاري والله مو قصدي اخبي عليك والله
مشاري: كل الي كنتي تسويه فتره الشهر الي راحت لانش كنتي ما تبيني!!!
لين انفجرت تبكي و قالت: مشاري اترك يدي تكفى اتركني
مشاري حس بقوته تنسلب منه و طاح بحضن لين وهو يكح بقوه دليل اختناقه طاح بحضنها فزت وهي تطلع البخاخ رفعت راسه و هي تحاول تبخ في ثمه  و دقايق و صحى و دموعه تنزل و لين اسوئ منه وهي كانت تحاول بقدر الامكان انها تحبس دموعها بس ما قدرت و بكت لما شاف دموع مشاري ضمنت مشاري ل صدرها وهي تبكي حاوطها وهو يدفن وجهه بنحرها وهو يحس بقوته ضاعت و حس بضعف غريب ضمها بكل قوته لصدره وهو يحس بضلوعه تتكسر وهي تشد عليه بقوهه
__________
عند خالد و روضه
كانت جالسه في الصاله تقرا احدا الكتب القديمه الي عندها و كان خالد جالس على جواله اخذت روضه علامه التوقف و حطتها في الكتاب وهي تقول
روضة: خالد
خالد: قلبه
روضة: احس طفشت من القعده في البيت خلنا نطلع
خالد: بس؟؟... من عيوني هاذي قبل هاذي البسي عباتش و تعالي
فزت روضة بفرح و باست خد خالد و قالت: ثواني وانا عندك
راحت بسرعه للغرفه وهي تلبس عباتها وهي مبسوط طبيعي جدا وهي قبل متعوده تترجى احد اخوانها عشان تطلع و الحين بمجرد انها قالت طفاشه وتبي تطلع سمعت احلى رد بمواقفه لبست و طلعت و شافت خالد ينتظرها بسياره ركبت وهي متحمسه
خالد: وين حابه نتوجه
روضه وهي محتاره كانت تطبطب على خدها و قالت:الملاهي!
خالد: اوك
حركو السياره متوجهين الى اقرب ملاهي وبعد ربع ساعه وصلو نزلت روضة من السياره و عيونها قلوب وهي تشوف العاب كبيره و في الي منها سريعه و مخيفه و في الي منها بطيء و حق اطفال
تقدم خالد وهو يمد لها البطاقه سامح لها بالعب بجميع الالعاب
ضحكت روضة بحماس لما طاحت عينها على لعبه السفينه الكبيره و سمعت صوت صراخ الناس و خلق الله دليل انو العبه ممتعه و سريعه  مسكت يد خالد وهي تسحبه و وقفو في الصف الي كان شبه طويل
____________________________________
نترك خالد و روضة الي كانو ينتظرون دورهم في العبه
نشوف خلف و رهف
كانت رهف في المطبخ وهي تسوي اندومي دخل عليها خلف و كانت واقفه عند الفرن تقدم وهو يضمها من وراه و باس كتفها و قال: وش عندس
رهف حاوطت راس خلف بيد وحده و باس خده و قالت: اندومي
و غطت القدر و لتفت على خلف و قالت: تعرف تلعب فيفا
خلف باستغراب: فيفا؟؟ وش عرفتس فيها؟
ضحكت رهف: كنت العبها مع مشاري بسوني
خلف: تتحدين؟
رهف هزت راسها بثقه بمعنى (اي)
خلف: العب!  طيب خلصي الاندومي حقس و تعالي الصاله بشغل السوني
رهف: طيب
راح خلف ل الصاله وهو يشغل السوني و يشغل اليد التحكم
و رهف حطت الاندومي بصحن و حطت فيه شوكتين و طلعت و حطت الاندومي على الطاوله الي قدامهم و قالت: يلا؟
خلف مد لها يد التحكم
اخذتها رهف و دخلو قيم ضد بعض
___________________________
نترك رهف و خلف نرجع حق شوق و هاشم
الي وصلو القاعه و دخلت شوق القاعه و بيدها وجدان
توجهت شوق ل دوره المياه و جلست وجدان جنب المغسله و وقفت شوق عدل شعرها و تعدل شوي من مكياجها و اخذت وجدان و دخلت متوجهه ل القاعه و جلست تسلم على الي تعرفهم من خوات ديما و قرايبهم
شوق و قالت: نوف وين غرفه عروستنا
نوف: في الدور الثاني اول غرفه على اليمين
ابتسمت شوق و راحت متوجه ل الدور الثاني و شهقت بقوه لما صدمت ببنت لابسه فستان موف و شعرها بني و مصبوغ اشقر من تحت شهقت شوق و قالت
شوق: اسفه اسفه!  صار لش شي
رنا بصدمه: شوق!
(انتهى البارت الواحد و الاربعون)