اثاريني ياسعود عشت الوهم كله

البارت الحادي عشر

اعتلى ملاذ و باس مباسها و 💔 🌚
_____________________________
عند عبد الرحمن و امه و رنا كان كلشي جاهز و بمكانه و طلع من البيت و ركبو السياره و انطلقوا متوجهين ل الدمام و بعد 4 ساعات وصلو الدمام تحديدا المزرعه و دخل عبد الرحمن و كانت المزرعه مهجوره و مكونه من ثلاث غرف و مطبخ و حمامات و دخلت رنا و قالت
رنا: يععع ايش ذا راح نعيش هنا
ام عبد الرحمن:و يخب عليش
رنا فزت و صارخت و عبد الرحمن ضربها و قال:ولعنه اسكتي
رنا أشرت على قطوه سوده و كانت ميته و رأسها مقطوع و ذيلها طويل و ملفوف حول الرقبه و لونها اسوددد
ام عبد الرحمن فز قلبها بس ما بينت و قالت بثبات : عبد الرحمن خذ راس القطوه و حطها في الغرفه الي بتنام فيها رنا
رنا انهارت و قالت:لا يما تكفين يكفي المزرعه الزفت ذي
عبد الرحمن ابستم بخبث. طلع مناديل من جيبه و مسك راس القطوه و رماها على رنا الي صارخت و هربت ركضت بسرعه و أم عبد الرحمن فزت و ضربت عبد الرحمن و قالت له يلحق رنا و هذه الي صار طار عبد الرحمن ورا رنا و رنا كانت تركض بسرعه لو كان عندها جناح طارت و عبد الرحمن اخذ حجر و رمى على رنا و ضرب رجل رنا و انجرحت و طاحت رنا و عبد الرحمن وصل لها و نزل ضرب فيها و مسك شعرها و يسحبها و رجع المزرعه و رمى رنا على الأرض و طاحت على حجر و عبد الرحمن نزل فيها ضرب و كانت تبكي و منهاره و فجاء رنا غمضت عيونها و عبد الرحمن وقف ضرب و نزل بنظره و شاف الدم الي على الأرض و فز و شال رنا الي كانت شبه جثه و دخلها داخل و اخذ ماي و غسل راسها و حاول يداوي راسها بالاشياء الي عنده و عقم الجرح و ربط راسها بشماغ و دخلت أن عبد الرحمن و انصدم لما شافت بنتها تنزف و رأسها مليان دم و قالت:ايش سويت يا كلب
عبد الرحمن:مدري فجاء نزفت من راسها
ام عبد الرحمن تفلت عليه و قالت: تراك حثاله و معتوه زي ابوك بضبط و طلعت و هي مو مهتمه ل رنا بس خافت تكون ارتكبت جريمه لانو عبد الرحمن كان يضربها قدامها و هي ساكته و مو مهتمه و طلعت و راحت الغرفه الثانيه و انسدحت على الكنب المدمره و نامت
___________________
عند سعود و ملاذ سعود كان قاعد بصاله و ملاذ طلعت من المطبخ و قالت :سعود خاطري ب بيتزا
سعود: اطلبي
ملاذ:لا شرايك نسويها أنا ونت
سعود:قدام والله ما اقولش لا
ملاذ صفقت بفرح و قالت: يلا تعال
و مسكت يده وسحبته و دخلو المطبخ و ملاذ طلعت المكونات و سعود بدا يقطع و ملاذ تسوي العجينه و ملاذ طلعت الطبق حق العجين و طلعت ملاذ  طبق على شكل قلب و ابتسم سعود و باس راسها و بدو ب البيتزا و خلصو و دخلو البيتزا الفرن و قالت ملاذ
ملاذ:بيتزا على شكل حب
سعود:لانها صنعت مع من تحب
ملاذ:يلا حان وقت البحث عن فلم
سعود:يلا الي يوصل اول ل التلفزيون هو يختار الفلم
ملاذ فز و دفت سعود و ركضت و سعود  ضحك عليها بعلو صوته
و لحقها و ملاذ صقفت بفرح و هي تقول :أنا أول أنا اول
سعود ابتسم و قال :يلا اختاري فلم
ملاذ صارت تقلب بين الافلام و طاحت بين فلمين فلم رومنسي و فلم كوميدي و ناظرت سعود و قالت : سعود اي واحد تبي تشوف
سعود:انتي وش تبين
ملاذ:والله مدري انت اي واحد تحس تبي تتابع
سعود طاحت عينه على الرومانسيه و قال :هذه الرومنسي
ملاذ:طيب بس اذا جات لقطه لا تقول خلينا نسوي زيهم
سعود ضحك و قال :كيف عرفتي النيه
ملاذ:زوجي و اعرفه
سعود قرب من ملاذ و قال :يا زين "ي "التملك من منطوقش
ملاذ ابتسمت و حضنت سعود و قالت :نشوف البيتزا
سعود رفع ملاذ و ملاذ حاوطت رقبه سعود و سعود مسك خصرها و راحو للمطبخ و ملاذ كانت متعلقه ب سعود كانها بيبي صغير و سعود فتح الفرن و طلع البيزا و قال :اوفف واضح انها delicious
ملاذ ضحكت و قالت: ارحمني الانقليزي
سعود ضحك و قال :بدون الانقليزي كنتي ما تزوجتي الدكتور سعود بن خليل رائد
ابتسمت ملاذ و باست خده و قالت: اطلق دكتور
سعود: الله يرحم ايام دكتور الاسنان
ملاذ :اهخخخ ذكرتني بأيام دكتور الأسنان من وراه عرفت انو needle يعني ابره و عمري 7 سنين
سعود ضحك و قال : كويس دكتور الأسنان منه فائده غير الاسنان
ملاذ شالت الطبق حق البيتزا و سعود راح فيها ل الصاله و نزلت ملاذ على الكنب و قعد سعود جنبها و قطعو البيتزا و اكلو و تابعو فلم و كان رومنسي جدا و ملاذ تأثرت من الرومنسيه و قالت :شوف الرومنسيه تعلم
سعود ضحك و قال:ترا تمثيل
ملاذ قالت: حتى لو شوف شلون تنازل عن حياته الملكيه عشانها شوف كيمه المشاعر الي في البوسه
و أشرت على التلفزيون
سعود ابتسم بخبث و مسك ملاذ و سحبها عليه و اعتلى ملاذ و باسها بوسه عميقه و ملاذ تخدرت من البوسه و ابعد عنها وضحك لما شافها متخدر و رجع باسها بوسه أعمق من القبل بكثير ملاذ داخت من بوسته و تمسكت بسعود الي ضمها بقوه و جلس و ملاذ كانت  بين أحضانه و حطت راسها على كتفه العريض و كانت تستنشق ريحته الرجاليه و غفت ملاذ بحضن سعود و سعود ابستم
لما شافها نايمه بين أحضانه و كان يتامل ملاذ و حجمها الصغير و نايمه زي الملاك  ملاذ تحركت و حاوطت رقبه سعود و سعود رفعها و راح فيها الغرفه و نزلها على السرير و انسدح جنبها و تأملها و كان جمال ملاذ الي كانت تفتن بكل حالتها
و بعد ساعتين من التأمل نام سعود
_______________________________
نفس اليوم الساعه 3 العصر في بيت العمه عبير
ام هاشم: اليوم جيت أنا و ولدي هاشم نخطب يد بنتكم شوق ل ولدي هاشم
العمه عبير :والله و هاذي الساعه المباركه و واضح انو هاشم راجل والنعم فيه و متاكده انو لو اسال عنه بحصل المدح من يمين و يسار بس راي بنتي اولى استشير بنتي و نرد لكم خبر
ام هاشم : خذي راحتش و خلي البنت تاخذ راحتها بتفكير و احنا طمعانين بنسبكم و ودنا بقرب منكم
______________________________
عند شوق دخلت العمه عبير عليها الغرفه و جلست على طرف السرير
العمه عبير: شوق في خطاب جو يتقدمون لش
شهقو كل البنات
العمه عبير: وجعع انتي وياها
سلمى: متاكده يما ل شوق
العمه عبير: ايي
جود: طيب مين
العمه عبير: احد من معارف سعيد في العسكرية
رهف: يعني عسكري!
جود: شرايش يعني؟
قاطع حكي البنات سعيد الي دخل على البنات
سعيد: شوق واحد من زملائي....
قاطعته رهف: نعرف هذه الجزء انتقل على الي بعده
سعيد ناظرها بحده و ابعد نظره عنها و ناظر ب شوق وقال: المقدم هاشم سلمان ال حمد.
شهقو كل البنات
سعيد بصراخ: وجع
طارو كل البنات و قفو قدام سعيد وهم يسالونه
(من وين؛ كم راتبه؛ في شوفه شرعيه ؛ كم بيدفع مهر)
سعيد بصراخ: بس انتي وياها ترا جاي يتقدم ل شوق مو لكم
سلمى: الشرعه حلل له اربع
سعيد و العمه عبير بصوت واحد: بنت!!
رهف حاوطت سلمى ظظ كتوفها: واختي صادقه
شوق: بس انتي وياها طلع لكم لسان
سعيد: حمد الله على السلامه تو تتكلمين... المهم ترا الرجال بيجي يشوفش الاسبوع الجاي استخيري و فكري بموضوع و لا تنسين انو رايش هو الاول و الاخير
شوق: ابشر يا اخوي
ابتسم سعيد و باس راس اخته و طلع هو و العمه عبير
صرخو كل البنات بصوت واحد و شوق ضمتهم بفرح و كلهم تجمعو على المكتب الصغير الي في احدا زوايا الغرفه و اخذت شوق جوالها و اتصلت اتصال جماعي ل كل حفيدات ✨رائد و وجدان ✨
_________________________________
شوق:بناتت ماراح تصدقون
لين: ايش صاير
ملاذ:تكلمي
حنين :وش
شوق : في واحد متقدم لي
كلهم فزو و باركو لها و صارو يعطوها نصائح لزواج
شوق :اقول اسكتي انتي وياها ترا محد فيكم متزوج غير ملاذ هي الي فاهمه و عارفه
ملاذ:مكتوب على جبهتي ملاذ لاستشارات الزوجيه
البنات انهارو ضحك
ملاذ :بنات عندي لكم مفاجاه
الكل :ايش
ملاذ:أنا حامل
البنات كلهم صارخو و الي تبارك و الي تصفق و الي تبكي و كل انواع المشاعر صارت وقتها
لين :بصير عمه
حنين:و انا العمه الكبيره
شوق : ملاذ دايم تسبقني ب الاحداث هي تزوجت و لما جيت بتزوج و اصير معها حملت
رهف: اي عادي احملي من اول ليله و تصيري معها
شوق انهبلت و قالت :معصي
البنات ضحكو عليها
ملاذ: ترا عادي بس الله يستر لا يكون زي سعود اي شي عنده تحت مسمى
(الخمر الحلال)
جود.: سعود يقول الخمر الحلال
ملاذ:اي قالها في ليله العرس و من قالها و انا غسلت يدي منه
حنين و لين بوقت واحد :ترا احنا خواته
ملاذ: و انا زوجته
جود : طيب شوق قولي مين الي تقدم لك
شوق :واحد من زملاء سعيد في العسكريه اسمه هاشم
لين: شفتيه
شوق:لا بس الاسبوع الجاي الشوفه
حنين:طيب قولي وش تبين تسمي ولدش بمستقبل
شوق :بدري علي هل سوالف قوليه ل ملاذ
حنين:طيب ملاذ وش تسميه
ملاذ: ثابت
لين :حلوو بس ليش ثابت احس الاسم ورا شي
ملاذ :لاني حملت من قبل و سقطت
البنات انهبلو
شوق :سقطتي!!!!
ملاذ:اي
لين:كيف
ملاذ:هو أساس ما ثبت و طاح
البنات زعلو  على ملاذ خصوص لما قالت إنها بتسمي ثابت لأنهم حسو انها بعدها زعلانه على الي توفى و غيرو الموضوع و صار. يضحكون و يسالفون ___________________________
تعريف بيت ابو هاشم
ابو هاشم :اسمه سلمان  عمره 52سنه
ام هاشم : اسمها بخيته و عمرها 40 سنه
هاشم : البكر اسمه هاشم و عمره 25سنه
مآثر :اول بنت ل ابو هاشم عمرها 20سنه
ضياء: اخر ولد ل ابو هاشم عمره 19سنه
رفا :اخر العنقود ل ابو هاشم عمره 15سنه
___________________________________
في الاسبوع المنتظر اسبوع اشوفه اعدى اسبوع على شوق وهي بين استخاره و تفكير و استخارت اكثر من مره. و ارتاحت و وافقت على هاشم و جا البوم الموعود وهي بكامل زينتها و البنات من حولها الي تجهزها والي تطمنها و تحاول تخفف من توترها و الي تغني و الي ترقص قدامها و جا الوقت و راحت ششوق و دخلت على هاشم و شافها و شافته و تمت الموافقه
و تحدد موعد الملكه و كان بقاعه كبيره و انكتب ب قروب العائله
____________________
وصل الخبر. لكل ال رائد و الكل فرح و انهالت التبريكات والتهاني و الفرحه عليهم و بيوم الملكه كان الكل موجود من كبار و صغار رجال و حريم و كانو كلهم فرحانين ل شوق و هاشم و بيوم الملكه الساعه 2 الظهر ,,,,,,,,
(انتهى البارت الحادي عشر)
(أرحبووو يا حبيني 🔥🔥 رجعت لكم ببارت جديد 😩👍🏻اعطوني رايكم فيه و لا تنسوني من النجوم و التعليقات ✨✨و ألقاكم قريبا في بارت جديد ✨أن كتب الله لنا العمر ✨