اثاريني ياسعود عشت الوهم كله

بارت الثامن

في بيت ام عبدالرحمن
كان الوضع طبيعي و كلشي جاهز و بالمكان المناسب
فجاء دق الباب و كانت ملاذ و استقبلو ملاذ و رحبو فيها و دخلت ملاذ و قعدت بصاله و قعدت رنا معهم و ام عبد الرحمن راحت المطبخ و سوت الغدا و حطته بصحون و حطت بصحن ملاذ شي زي الفلفل الاسود و حطت الغدا على الطاوله و راحت عند ملاذ
أم عبد الرحمن:حي الله عروستنا
ملاذذ:الله يحيش  يا جده
أم عبد الرحمن: الغدا جاهز تفضلي
ملاذ ابتسمت و راحت مع ام عبد الرحمن لغرفه الطعام
____________
عند سعود كان قاعد و يسولف مع عبد الرحمن و عبد الرحمن قال: استئذنك شوي
سعود:خذ راحتك
راح عبد الرحمن و سعود كان قاعد و حس بشي غلط حس كانو في شي غلط و يحس بضيقه و كانو في شي في صدره مسح على وجهه و شنبه اسغفر الله و استودعه ملاذه و نفسه
___________
عند ملاذ كانت حاسه بنفس الشعور ضيقه و فخوف و توتر و كانت تدعي ربها لو الغدا فيه شي يعطيها اشاره و كانت قاعده و استودعت الله طفلها و سعود و نفسها و ملاذ مستغربه صدها عن الأكل و انها مو طايقه حتى ريحته و تتمنى انها ما كان وهيمن دخلت البيت حست بطمه طاقه سلبيه في البيت و ملاذ ضغطت على جوالها و اشتغل المنبه و قالت:معليش بس جاتني مكالمه لازم ارد و قامت راحت الحمام و دقت على سعود و وصل لها صوته و هو يقول
سعود:الو ملاذي في شي ؟
ملاذ:سعود احنا لازم نطلع من البيت حالا
سعود:ليش وش صاير
ملاذ قالت له عن الي صاير معها
ملاذ:خلنا نطلع نرجع بيتنا
سعود:يا بنت مافي شي تعوذي من بليس أنشأ الله مافي الا العافيه الرجال ملزم علينا هل جيه مو حلوه نطلع كذا فجاء بدون سبب و ......
قاطعته ملاذ: أعوذ بالله من عزوتهم
سعود:يا بنت الحلال مافي شي لا تخافين و اذكري الله  و اذا حسيتي بشي ثاني البسي عبايتش و اطلعي و السياره بتكون مفتوحه لش
ملاذ حست بنوع من الراحه و طلعت من الحمام و خبت جوالها و طلعت و قالت ل ام عبد الرحمن
ملاذ: أسفه يا جده بس أحس نفسي مسدودة عن الأكل و اصلا واضح انو لذيذ تسلم ايدش
ام عبد الرحمن و قالت:يابنتي !! أنا عزمتش عشان أكرمش كيف أنا و بنتي ناكل و ونتي لا
ملاذ:اعذريني بس الحبوب الي أخذته سد نفسي شوي
رنا فزت و قالت: منع حمل!!!!
ملاذ: لأ الله يهديش حبوب صداع راس
رنا:غريبه اذا ما تأخذي حبوب منع الحمل ليش لسا ما حملتي
ملاذ:توي لي شهر من تزوجت
رنا:اي اعرف ناس حملو من اول شهر
ملاذ:طيب
رنا:يا خوفي يكون فيش بلاه و مخبيه
ملاذ:و اذا ما حملت يعني يصير فيني بلاه !!!
رنا :ما أدري
ملاذ طلعت و قعدت بصاله و كانت معصبه من كلام رنا
___________
عند سعود قفل الخط و هوا يدعي أنو مايصير شي و قاطعه عبد الرحمن و معه الغدا و عبد الرحمن قلط سعود و سعود قعد و اكل و سعود كان يحس بدوخه غريبه و عبد الرحمن كان يفرح بكل لقمه ياكلها سعود و خلص الغدى و قامو سعود و عبد الرحمن يغسلون أيدهم و رجعو المجلس و قال عبد الرحمن
عبد الرحمن:يا رجال مافي شي بطريق
سعود:ها !!! مدري
عبد الرحمن قال: كيف ما تدري لا يكون الحرمه فيها بلاه
سعود:لا لا اذكر ربك و الله يهدي من يشاء
فز عبد الرحمن لما ذكر الله و قال:يا رجال لا يكون الحرمه تأخذ حبوب منع حمل من وراك عشان ما تحمل منك ترا الحريم ما منهم امان
سعود:لا ما اتوقعها من حرميّ تسويها
عبد الرحمن:خذها مني عطها ثلاث شهور أذا ما حملت خذ الثانيه
سعود:لا يا رجال وش الثانيه
عبد الرحمن:أنا نصحتك على راحتك انت بتاخذ النصيحه ولا خلها غيرك يستفيد منها
سعود بدا يوسوس و بدا يفكر و لأفكار تأخذه لبعيد و فجاء سعود فز من مكانها و اخذ جواله و طلع من المجلس و اتصل على ملاذ و كان مرههه معصب:الوو وينش انتي !!!
ملاذ:بسم الله !!شفيك سعود أنا داخل وين بكون يعني
سعود كان يفور من العصيبه و قال :الان تلبسين و تطلعين لي الآن !!
ملاذ خافت و قامت لبست العبايه و طلعت و ركبت السياره و قالت :سعود شفيك
سعود ما رد مشى بسرعه مجنونه و رجع البيت و دخل السياره من القراج و نزل و فتح باب ملاذ و مسك ملاذ من شعرها و نزلها من السياره و ملاذ كانت تصارخ و تبكي و سعود كان ماسك شعرها و يسحبها و دخلو البيت و سعود رمى ملاذ على الأرض و رجع مسكها من رقبتها و صارخ في وجهها :ليش تسوين فيني كذا ليش
ملاذ كانت مخنوقه و ما تقدر تتنفس و كانت تبكي و تحاول تتكلم و تقول : سع...سعو...سعود اترك...اتركني ........مو قادره اتنفس ...سعود
و تحاول تاخذ نفس و كانت تحاول تضرب سعود بس كان سعود حديد واقف قدامها ما يتأثر ولاشي و سعود كانت عيونه حمرااا و عروقه واضحه و كان يرجف من العصبيه و رمى ملاذ على الأرض و طاحت على بطنها و انهارت و صارت تبكي و تقول :ولدييييي يا سعود ولدي ماتتت ولدي و كانت ماسكه بطنها
سعود ما كان يسمع ولا يشوف قدامه و مسك فك ملاذ وقال:ولد مين هذه
ملاذ انصدمت و قالت:سعود وصلت ل هاذي المرحله سعود وش صار فيك وش قالو لك عشان تصير كذا سعود
سعود شد على فك ملاذ و قال :تكلمي مين
ملاذ ما قدرت تتحمل و طاحت بين ايادي سعود و فز سعود لما شافها فاقده الوعي بعد عنها وهو يشوفها على الارض ناظر نفسه ب المرايا الي قدامه و مسك وجهها وهو اول مره يوصل ل هاذي المرحله من العصبيه لتفت و شاف ملاذ شهق بقوه و حملها و نزلها على الكنب الي في الصاله و كان يفحص دقات قلبها و كانت تتنفس و شال ملاذ بسرعه و على السياره و طار فيها على اقرب مستشفى و دخل بسرعه و دخلها غرفه الفحص و طلع انها حامل و توفى الجنين بسبب ضربه على البطن و صارخ و نزل على ركبته و نزل رأسه وهو يقول:انا السبب انا السبب ولدي راح بسببي و كان يضرب صدره بقوه و فجاء طاح سعود على الارض بمجرد انه حس بهبوط في دمه و ظغطه فزو الي في المستشفى وهم يسندون سعود و حطو في سرير و نقلو الى غرفه و بعد ساعه صحى سعود و شاف نفسه في غرفه بيضا و بيده مغذي و فز لما تذكر ملاذ و دخل عليه الدكتور
سعود:وين حرميّ
الدكتور:تقصد ملاذ بنت محمد ال رائد
سعود:اي
الدكتور:بخير بس خسرنا الجنين و بنسبه لصحتها هي بخير ونت نفس الشي تقدر تطلع بمجرد انتهاء المغذي
سعود:ابي اشوفها
الدكتور:بس يخلص المغذي تقدر تروح لها
سعود نزل راسه و سكر عيونه وهو يغطي وجهه بشماغه وهو اول مره يحس بدموعه تنزل بركان تحرق عينه بدموع قهر على جنينه و حرمته و يسال نفسه
(انا ليش صار معي كل هذه انا ايش صار فيني)  بعد نص ساعه خلص المغذي حق سعود و جا الدكتور و فك الابره و راح سعود متوجه لغرفه ملاذ و شافها  فك عنها البنج و صحت ملاذ و فزت لما شافت سعود جنبها و قالت: تكفى يا سعود ولدي ولدي يا سعود ولدي
سعود انهار و ضم ملاذ لصدره :أنا آسف أنا السبب انا السبب
ملاذ انهارت و قالت:ليش يا سعود ليش سويت كذا ليش
سعود انهار معها و ضمها و كان يتأسف و يحلف انو كل شي سوا و هوا مو بوعيه وانو مستحيل يمد يده أو يوجع ملاذ بشي إن كان جسدي ولا بكلام و ملاذ انهارت معه
(انتهى البارت ال ثامن 💔💔)