ديغم - ههه شجابك هنا شتريد ليش تلحكني فهمني شتستفاد
سميدع - انتَ شنو تستفاد هنا من جاي تدفن لو تريد تطمطم على شغله براسكديغم - مو شغلك خوش لا تدخل بيه خليك بعيد عني
سميدع - لا اله الا الله بعده يكول لا تدخل تحجي لو يصير وياك غير تصرفديغم - مو جنت عساس ماتدخل بهل السوالف و مال علاقه شنو يلي تغير هسه فهمني شويه خل نشوف بلكي نتغير مثلكم مابيها شي
سميدع - بعدني على كلامي لحد هل لحضهديغم - ما دام بعدك على كلامك شنو يلي تغير بهل لحضه
سميدع - تقربت عليه اكثر احجي بهمس و عيني بوسط عينه .. انتَ اخو مرتي و خال اطفالي هذا يلي خلاني اريد اعرف شنو دتسوي بهل ليل ، و ترا مو بس اني شفتك حتى زمردديغم - استغفر الله كافييي تلحكووووني كااااافييي لحدددد يدددخل بـ ديييغم اسوي الي اسوووويي و محددد يحجييي كاافي ارحمووا انفسكم من التفكير بيه شسويت و شنو ماسويت اتركوني بحالي
سميدع - عبالك من حسوي هيج راح اخليك تروح و هاي هيه تخلص السالفه .. يلا روح عادي بس هذا المكان احفره بايدي و اعرف شنو يلي بداخله
تقرب عليه عيونه تطلق شرار صاك على اسنانه يحجي بفحيح
ديغم - بديت تلعب بأعصابي و الي يلعب بيهن مارحمه ابدتقربت عليه اكثر مركز عيني عليه احجي بنفس نبره صوته :- إذًا جانت قوتك بهل الكلام و تحس نفسك بطل بهل الأشياء ساعتها ماكو داعي اخاف من نهايه اعصابك يلي مابيها اي فائده
ديغم - روح منا خلينا حبايب ماريد نتعارك
سميدع - شو تعارك يلا .. شو شوفني شتكدر تسويديغم - لا تستفزني سميدع دير بالك
سميدع - شوفني شتكدر تسويديغم - اليوم إذًا ماخليتك تصير ..
سكتنا ثنينا عن الكلام مركزين على صوت الخطوات الي دتقترب من عدنا .. وجهه نظرتي على مصدر الخطواتسميدع - حجي شجابك هنا بهل ليل
حجي سعد - شسون هناديغم - نشم هوى مخنوكين دزيت عليه و كلت مادام ماعندك شي تعال شويه نتنفس هوى نقي و الجو هم حلو
حجي سعد - سميدع شسوي هناالتفت على ديغم يلي واكف مثل الصخره .. بس محد يعرف يلي بداخله شنو، انتبهت حجي سعد لحد هسه واكف ينتضر شنو حيكون ردي على سؤاله
حجي سعد - ماتحجي بويه
سميدع - مثل يلي كاله ديغم اجينا نشم هوى تعبانين شويه من ضغوطات الشغلحجي سعد - ديغم
ديغم - يابه مثل ما كال والله ليش هيج اجيت و تعبت نفسك وهاي شوف البستان بي شويه طين لان ماطره الدنيا هسه لا توكع شون بيك
YOU ARE READING
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
بارت 21
Start from the beginning