أنت ما تفعله ، وليس ما تقول أنك ستفعله....
محمود بحزن: ليه كده يابنتي؟..
سارة بغضب: تمسك ملك من طرحتها وتهم ان تضربها وفجأة...
عمر بغضب: نزلي ايدك من علي مراتي وابعدي عنها.
ساره بحقد: انا امها ومن حقي اربيها.
عمر بغضب ياخذ ملك لحضنه ويربت على ظهرها بحنان ويوجه كلامه لسارة: انا مش هسمحلك تمدي ايدك عليها، انتي سامعه، انا مراعي انك والدتها والصدمه كانت كبيره عليك.
ملك بدموع: انتي السبب ياماما، دايما كنت بدور علي حبك وحنيتك معايا، لكن انتي طول الوقت مشغوله بعشق و ناسيه بنتك.
ساره بتوتر: انا يابنتي كن....
ملك بدموع: كفايه كلام انا قابلت عمر ولقيت معاه الحب والحنان اللي كنت بدور عليه وحبيته ووثقت فيه واتجوزته عرفي، يمكن انا كنت غلط، لكن كنتي فين تعرفيني الصح من الغلط ياماما.
محمود بحزن: ليه يابنتي بتقولي كده امك بتحبك زي عشق بالضبط.
ملك بسخريه: عمي محمود انت راجل طيب، مش عارف اللي بيحصل من وراك، امي بتعامل عشق زي الخدامه بالضبط وكل يوم شغل في البيت وضرب واهانه وعشق كانت تتحمل عشانك، حتي مصروف عشق كانت بتحرمه منها وعشان كده خرجت تشتغل عشان تعرف تصرف علي نفسها، انا كنت بشوف وبسكت، لكن كفاية انا مش هقدر استحمل اكتر من كده.
ساره بتوتر: دي بتكدب عليك يامحمود، انا والله بعامل عشق بحب وبراعي ربنا فيها.
محمود بهدوء: حسابنا بعدين ياسارة، دلوقتي يابني روح هات المازون لازم تكتب كتاب الكتاب النهارده.
عمر بفرحه: حاضر ياعمي هطلب عادل صاحبي يجيب المأذون ويجي.
سارة بغيظ: انا لا يمكن اسمح بالجوازه دي تتم.
محمود ببرود: احنا قدام امر واقع ياسارة، بنت حامل والشاب الحمد الله مستعد يتحمل مسؤليه الطفل ويتجوز بنتك.
سارة بغيظ: ماشي يابنت بطني، والله لاكو....
محمود بتعب يجلس مكانه ويقول بحزن: سيبي البنت في حالها ياسارة.
ملك بدموع: انا عارفه اني غلط وعايزك تسامحني، اناعمري ماشفت بابا الله يرحمه، لكن كنت اب حنين عليا وبتخاف عليا لكن.....
محمود بحزن: انا السبب يابنتي، مفروض كنت اقرب منك واسمع مشاكلك لكن زي مانتي شايفه عايش في بيتي ومش عارف بيحصل ايه من ورايا، كنت مفكر والدتك سارة حنينه وقلت ربنا عوض بنتي بام تحبها وتعطف عليها لكن كنت معمي في بيتي.
سارة بمكر: انت هتصدق كلامها ياسي محمود، انت شايف عملت ايه من ورايا.
محمود بغضب: نتيجه تربيتك ياهانم، ودلوقتي اسكتي ومش عايزه اسمع صوتك.
سارة بخوف: انا...
محمود بغضب: عليا الطلاق بالثلاته لو اتكلمتي كلمه تانيه المازون اللي هيكتب كتاب بنتك هيطلقك، سامعه.
سارة بخوف لنفسها: وصلت تعلي صوتك عليا وكمان تهددني بالطلاق، انا لازم اتصرف ماشي ياملك مش كفاية المصيبه اللي عملتيها لا وكمان تعرفي محمود كل حاجه، ماشي في داهيه انتي اللي اختارتي.
بعد ربع ساعه...
المأذون: بارك الله لكما وبارك عليكما وجمع بينكما في خير...
بعد رحيل الماذون..
عادل بفرحه: الف مبروك ياصاحبي.
عمر بفرحه: الله يبارك فيك وعقبال ما افرح بيك.
عادل بحب: ان شاء الله ياصاحبي،هستاذن انا ياعمر.
عمر بحب: مع السلامه ياصاحبي.
بعد رحيل عادل...
محمود بجديه: انا وافقت تتجوز ملك عشان حسيت انك شاب معدنك نظيف، انسي يابني ظروفك وابدا حياتك من جديد وخلي بالك من ملك، لان لو في يوم زعلتها، انا...
عمر بحب: من غير ماتقول ياعمي ملك في عنيا من جوا.
محمود بحب: واعتبرني زي والدك ولو حصل منها حاجه تعال عرفني وانا هتكلم معاها.
عمر بدموع: شكرا ياعمي.
ملك بحب: شكرا يابابا.
YOU ARE READING
عشق العقاب ❤🦅....
Fanfictionالعقاب: هو سيد طيور السماء و ملكهم بلا منازع.. زين الشرقاوي: شاب غني ووسيم ، ملك صناعة الحديد والصلب لقبه العقاب،شخص بارد ومنظم، عملي جدا قليل الكلام والضحك، يحب الوحد والصمت،لا يمؤمن بالحب،يجب ان تكون شريكه حياته بمواصفات تناسب مع شخصيته، رغم ك...
