عشق: انا قدام المول حاليا.
زين: تقدري تستني عشر دقايق.
عشق: ممكن، بس بلاش تاخير.
قام زين بسرعه وقال تعال معايا نروح نجيب التليفون
وبعد ربع ساعه وصل زين وسليم امام المول....
سليم: تفتكر ان البنت مشيت، احنا تاخرنا عليها.
زين: لسليم رن عليها..
سليم يتصل علي تليفون زين لترد عشق.
عشق: الوو انا مستنيه حضرتك عند بوابة المول.
سليم لزين: مستنيه عند بوابة المول.
عند مدخل المول...
عشق اتفضل تليفونك.
زين شكرا ياأنسه، اتفضلي الفلوس دي.
عشق: لا ياأستاذ، كده عيب، انا بس وصلت الامانه، وبدلة حضرتك في الامانات، تقدر تاخدها في اي وقت.
زين بجديه: لكن ده حقك...
عشق: ممكن امشي اتاخرت علي البيت، مع السلامه، يالله ياسماح.
رحلت عشق وسماح وكل هذا تحت انظار سليم...
زين بذهول: البنت دي غريبه، رجعت تليفوني ورفضت تاخد فلوس.
سليم: بس مزة، دايما بعرف ستات اشكال والوان، بس اول مره اشوف ملاك.
زين بحده: سليم البنت ساعدتنا، المفروض نشكرها مش نتكلم عليها، والواضح انها محترمه.
سليم بمكر: اول مره اشوفك تدافع عن بنت.
زين: انا بدافع عن بنت ساعدتني، يالله عشان نروح، اليوم صعب من اول، لازم اروح اتغدي وارتاح.
في سيارة زين...
سليم: انا بس كنت عايز اعرف اسمها ايه.
زين بعصبيه: كفايه بقا كلام هنعمل حادثة.
سليم بغيظ: انا غلطان اللي راكب معاك.
زين بجديه: سليييييم.
سليم: حاضر هسكت.
في ڤلا الشرقاوي...
علي سفرة الغداء
سهير بضحك: كل ده حصل هه ههه....
سليم بضحك: في الاخر اروح معاه عشان اجيب تليفونه، القي ياسهير حت ملاك.
سهير بحيره: ملاك!.
سليم : بنت ايه في الجمال وملابس محتشمه وجمال رباني من غيرمكياج ومحجبه و....
زين بعصبيه: سلييييم، البنت محترمه، ساعدتنا، ورفضت تاخد فلوس، ياريت تبطل كلام عليها.
سهير: عندك حق يازين، البنت محترمه، بلاش تجيب سيرتها كده.
سليم بعفويه: انا بس معجب بيها.
سهير بفرح: عايز تتجوزها.
زين بجديه: هيتجوزها ازاي ياماما، واحده قاباها دقيقتين، كمان منعرفش اسمها، ولا اي حاجه عنها وبتشتغل بياعه.
سهير بحزن: الشغل مش عيب يابني، ممكن البت بتشتغل تصرف علي نفسها، ربنا اعلم بظروفها.
سليم بجدية: انا شفت ستات اشكال والوان، بس هي معلقة في دماغي.
سهير: سليم يابني ربنا يهديك، لو البنت طيبه ابعد عنها.
سليم بحزن: عندك حق لازم، احاول اغير من نفسى، واقرب شويه من ربنا.
سهير بحب: عين العقل يابني، ربنا يهديك.
في شقة محمود المحمدي...
سارة بعصبيه: انا طول النهار، بلف علي كعوب رجليا، والهانم جاي براحتها، ايه اللي اخرك.
عشق بعيظ: المواصلات صعبه اوي، وانا كمان واقفه طول النهار علي رجلي.
سارة بعصبيه: بسرعه غيري هدومك ورحي حضري الغداء ابوك، زمانه في الطريق، انا هاروح انا ملك نشوف الحاجات اللي جبناها.
عشق بدموع: حسبي ونعم الوكيل فيك انت وبنتك، يارب انت تعبت والله العظيم تعبت، امتي ارتاح.
ذهبت كالعاده تغير ملابسها، وتجهز الغداء...
بعد نصف ساعه....
سارة بدلع: معليش ياسي محمود الغداء هيتاخر شويه النهارده، طول النهار بلف علي المحلات، وجبت شويه حاجات ليا ولملك.
محمود: طب وعشق.
سارة بمكر: عشق خدت من يجي٥٠٠ جنيه، تجيب اللي هي عايزاه، وانا قلبي طيب، قولتلها اجي معاكي، انا زوقي حلو، رفضت،انا بعتبرها والله ذي بنتي ملك.
محمود بحب: انتي عارفه عشق طيبه، اكيد مش عايزه تتعبك معاها، انا هقوم اريح شويه، لو الغذاء جهز صاحيني.
سارة بدلع: حاضر ياسي محمود.
ثم تذهب سارة للمطبخ... وتقول لعشق: لسه قد ايه علي الاكل لما يجهز.
عشق: ربع ساعه كده.
سارة بغيظ: انا نبهت عليكي قبل كده، تجي من الشغل بدري، وكمان انا قولت لابوكي انك خدتي مني، يجي ٥٠٠جنيه تجيبي اللي انتي عايزاه لوحدك، سمعتي ياختي.
YOU ARE READING
عشق العقاب ❤🦅....
Fanfictionالعقاب: هو سيد طيور السماء و ملكهم بلا منازع.. زين الشرقاوي: شاب غني ووسيم ، ملك صناعة الحديد والصلب لقبه العقاب،شخص بارد ومنظم، عملي جدا قليل الكلام والضحك، يحب الوحد والصمت،لا يمؤمن بالحب،يجب ان تكون شريكه حياته بمواصفات تناسب مع شخصيته، رغم ك...
