کل شيء استطيع ان اكتفي منهہ الا نظرتيّ لكِك ♫♥..
في قصر الشرقاوي...
يدخل سليم وزين القصر ويلقيان التحيه علي سهير....
سهير بحب: تحب احضرك الغداء يازين.
زين: لا ياماما انا مش جعان، هاطلع ارتاح شويه في غرفتي.
بعد صعود زين....
سهير لسليم: انا حاسه ان زين متغير من الصبح.
سليم بتوتر: ولا حاجه ياسهير، شويه مشاكل في الشغل.
سهير بشك: ربنا يريح قلبك يازين يابني، سليم تحب اجهزلك الغداء.
سليم بحب: بسرعه ياسوسو هموت من الجوع.
سهير بضحك: مروة.... يا مروة.
لتاتي مروة مسرعه: نعم ياسهير هانم.
سهير: حضري الغداء ليا ولسليم.
مروة بطاعه: حاضر ياهانم، لتذهب مسرعه لتحضر السفرة.
بعد ربع ساعه، ينتهي سليم وسهير من تناول الغداء، وبعدها يصعد ليطمن علي زين.....
في غرفه زين.....
يجلس زين علي الفراش بذهن شارد يفكر في عشق، ويقول لنفسه انتي عملتي فيا ايه بالضبط، من اول ماشفتك وانا حالي اتلخبط ونسيت نفسي و........ فجا يسمع صوت طرق علي باب غرفته....
زين: ادخل.
سليم بحب: جاي اطمن عليك، سهير شاكه فيك ، علي الغداء بتحاول توقعني في الكلام.
زين: انا مستغرب حالي ياسليم، ازاي اكون منجذب لبنت شفتها امبارح بس.
سليم: ده الحب يازيزو بيقلب حالك، لسه ياعم انت لسه شفت حاجه هه ههه....
زين بغيظ: طول عمري ليا مواصفات خاصه لشريكه حياتي، لكن اول ماقبلتها نسيت نفسي.
سليم: بس لو طلعت مرتبطه، هتعمل ايه؟.
زين بغضب: مستحيل تكون مرتبطه.
سليم بدهشه: اهدي يازين، صوتك عالي.
زين: انا كنت هموتك امبارح وانت بتكلم عليها، ومسكت نفسي بالعافيه، مش عارف هعمل ايه لو طلعت مرتبطه، انا كلمت مازن صاحبي، انت عارفه ضابط، يعرف كل حاجه عنها، والنهارده هعرف كل حاجه عنها من يوم ماتولدت.
سليم: تحب اقعد معاك ولا اروح ارتاح شويه.
زين: روح ارتاح في غرفتك، وانا لو احتاجتك هكلمك في الفون.
سليم بحب: سلام يازيزو.
زين بغيظ: كم مرة طلبت منك بلاش زيزو دي.
سليم بضحك: وهو يترك غرفه زين، الحمد الله عشت لليوم اللي اشوف زين واقع في الحب ههه... ههه...
بعد قليل رن هاتف زين....
زين بسرعه: الو يامازن،ايه الاخبار؟.
الرائد مازن: انا جبت كل حاجه عنها.
اسمها عشق محمود المحمدي، ١٩سنه، في تانيه تجارة انجلش، امها ماتت بعد ولدتها علي طول،ابوها موظف حكومي ، ابوها بعد موت امها بكام شهر اتجوز واحدة جارتهم ارمله ومعها بنت اكبر من عشق بسنه وهي اللي ربتها.
زين: انا عايز اعرف كل حاجه بالتفصيل، هي مرتبطه ولا لا.
الرائد مازن: المعلومات اللي عندي بتقول لا، بس..
زين بشك: في حاجه تانيه، مازن احنا اصحاب مش عايز تخبي عني اي حاجه.
الرائد مازن: الواضح ان زوجه والدها بتتعامل معاها بطريقه مش حلو، بعض الجيران بتشتكي من زوجه والدها، دايما يسمعوا صوتها وهي تتخانق معاها واحيانا بتوصل لضربها.
زين بغضب: وابوها دوره ايه؟.
الرائد مازن : الله اعلم، محمود المحمدي راجل طيب، ممكن مايعرف حاجه عن معاملة مراته لبنته.
زين بامتنان: شكرا ليك اوي يامازن.
الرائد مازن: العفو ياصحبي، لو احتاجتني انا في الخدمه.
بعد انهاء المكالمه....
زين لنفسه: الحمد الله، طلعت مش مرتبطه، بس موضوع زوجه ابواها لازم اشوف ليه حل، طيب ازاي افتح معها كلام، واقولها علي مشاعري، اكيد هتقول عليا مجنون، هكلم سليم واساله ممكن يساعدني في المشكله دي...
YOU ARE READING
عشق العقاب ❤🦅....
Fanfictionالعقاب: هو سيد طيور السماء و ملكهم بلا منازع.. زين الشرقاوي: شاب غني ووسيم ، ملك صناعة الحديد والصلب لقبه العقاب،شخص بارد ومنظم، عملي جدا قليل الكلام والضحك، يحب الوحد والصمت،لا يمؤمن بالحب،يجب ان تكون شريكه حياته بمواصفات تناسب مع شخصيته، رغم ك...
