لا حول ولاقوة الابالله العلي العظيم 🌺
في غرفه عشق
بعد انتهاء الغسيل ونشره، ادت عشق فرضها ونامت علي السرير و"فجا رن الهاتف "
عشق للمتصل: الو... والله كنت بغسل وناسيه التلفون مغلق، عامله ايه يا منه؟
منه محمود :( ٢٠سنه) ثانيه تجارة صاحبه عشق من الطفوله، ومعاها في نفس الكيله بنت محجبه وبعيون عسليه وبشفاه بلون الورد وشعر ناعم اسود اللون و طويل،يصل لاسفل ظهرها، بتحب عشق اوي.
منه بعتاب: الحمد ياقلبي كويسه، انتي فين من ساعة ماخلصنا امتحانات الترم الاول وانتي مختفيه ولا بتسألني؟!.
عشق بحزن: ولا مختفيه ولا حاجه، مرات ابويا من ساعه ماخلصت امتحانات نظفي، اكنسي، امسحي، اغسلي، اطبخي.....
منه بحزن : حسبي الله ونعم الوكيل فيها، لسه بتخليكي تقومي بشغل البيت لوحدك، هو انا انسي كانت بتعمل معاكي ايه ايام الامتحانات.
عشق بتعب: والله مارتحت طول النهار واقول لها ادخل اريح شويه، تشدني من شعري وكانت هتضربني بالشبشب.
منه بحزن: ربنا ينتقم منها، وقولتي لابوكي.
عشق بسخريه: من ساعه كده بدات المسلسل بتاع كل يوم قدام ابويا.
بنتك نايمه طول النهار وحيلي اتهد، وهي تطول لسانها عليا وكان ناقص تضربني، هي نست نفسها ، بعد امها ما ماتت، انا اللي ربتها وعلمتها تكون ست بيت شاطره وفي الاخر تشتمني وتهزني يرضيك ياسي محمود... هي.. هي هي ..
عشق بضحك: انا كنت واقفه مش ارد ولا اضحك، والله الشطان يجي يتعلم منها هه هه.... وفي الاخر ابوي اتعصب عليا وكان هيضربني، يقول ساره زي امك هي اللي ربتك وكبرتك، تعامليها باحترام، ومصوفه الرقبه ملك توقف جنب امها وتطبط عليه وتقول معليش ياماما
ربنا يخليكي لينا يارب.
منه بضحك: بجد تمثليهم يستاهل الاوسكار.. هه هههه.
عشق بوجع: منك لله يا سارة انتي وبنتك، والله يابنتي انا مش خايفه من الضرب، خايفه يغصبوني اسيب الكليه، منها لله كل شوية تهددني و تخلي ابويا يمنع عني الفلوس ويمنعني من الخروج ومستقبلي يضيع.
منه بحزن: حسبي الله ونعم الوكيل انتي تعبي لغايه مادخلتي كليه تجاره.
عشق بوجع: والله يااختي كل شويه تقوم ابويا عليا بنتك عملت بنتك سوت، وبعدها يحرمني من المصروف، الحمد الله عديت الترم الاول ونجحت هاعمل ايه في مصاريف الكليه و الكورسات والكتب.
منه بحب: عشق انتي ذي اختي، انا معايا قرشين محوشاهم من مصروفي خديهم ياحبيبتي.
عشق بحب: لا ياقلبي كتر خيرك، انا كلمت البت سماح جارتي، بتشتغل في محل ملابس في مول كبير اوي، كلمت صاحب المحل وهشتغل معاها.
منه بفرح: الف مبروك ياقلبي وكمان خدي الفلوس عشان ما زعلش منك.
عشق مش هقدر...
منه: اسمعي كلامي يابت انتي هتشتغلي في مول كبير لازم لبس حلو وفلوس مواصلات وافرضي احتاجتي اكل ولا شرب.
عشق بحب ربنا يخليكي ليا، وان شاء الله اول ماقبض هردهم علي طول.
منه بحب: براحتك ياختي، المهم ابوكي وافق ولا لا.
عشق بضحك: ده ماصدق ههه.. ولا مرات ابويا تقول خليها تعتمد علي نفسها وتشيل الحمل شوية من عليك.
منه: بحيره: تفتكري طمعانه في فلوس شغلك.
عشق بجديه: والله كده كملت تاخد فلوسي والله لاصور قتيل.
منه: اهدي شويه وسيبك منها، الشغل امتي؟.
عشق: السبت الجاي.
منه: بكره الخميس تعدي عليا، نجيب طقمين حلوين للقمر.
عشق بحب: ربنا يخليكي ليا وميحرمنيش منك يارب، دايما واقف جنبي.
منه بحب: متقوليش كده يابت، انتي اختي تصبحي علي وبكرا تجي علي العصر ماشي.
عشق: وانتي من اهله، ان شاء الله.
تغلق عشق المكالمه وتنام في انتظار يوم جديد
YOU ARE READING
عشق العقاب ❤🦅....
Fanfictionالعقاب: هو سيد طيور السماء و ملكهم بلا منازع.. زين الشرقاوي: شاب غني ووسيم ، ملك صناعة الحديد والصلب لقبه العقاب،شخص بارد ومنظم، عملي جدا قليل الكلام والضحك، يحب الوحد والصمت،لا يمؤمن بالحب،يجب ان تكون شريكه حياته بمواصفات تناسب مع شخصيته، رغم ك...
