علي السفرة
محمود لملك: اخيرا شوفتك معانا علي الغداء.
ملك : عامل ايه ياعمو محمود؟.
محمود: الحمد الله يابنتي وياريت كل يوم نتغدي مع بعض.
ملك: حاضر يا عمو.
عشق وهي تجلس مكانها تقول: اخبار صحتك ايه دلوقتي يابابا؟.
محمود: الحمد الله يابنتي بقيت كويس.
عشق بحب: ايه رايك نروح بعد الغداء نعمل شوية تحاليل ليك ونطمن عليك.
محمود بحب: لا يابنتي انا بقيت كويس هو بس ضغط الشغل اليومين دول كتير.
عشق بحب: خلي بالك من صحتك.
سارة بدلع: سي محمود عايز شوية فلوس انزل اجيب شويه حاجات ليا انا والبنات وانت عارف العيد الكبير قرب والحاجه هتولع.
محمود: استني كمان اسبوع اكون قبضت المرتب.
سارة بدلع: حاضر.
ينهي الجميع الغداء....
يذهب محمود ليرتاح في غرفته وتذهب ملك لغرفتها لتنام وتقوم عشق وفجا...
سارة لعشق بعصبيه: راح فين ياختي شيلي الاطباق واغسليهم وفي شويه غسيل في الغساله اغسليهم وبعدين انشريهم.
عشق: حاضر يامرات ابويا.
ذهبت عشق لتنهي عملها وبعد ساعتين...
عشق بتعب: انا خلصت الغسيل ونشرته، هادخل اريح شويه.
سارة وهي تتابع المسلسل الهندي تقول لعشق: الاسبوع الجاي، هاخد فلوس من ابوكي وهاروح اشتري شويه هدوم ليا ولبنتي، واظن انك من كام يوم جبتي طقمين جداد وكمان بتشتغلي، ابقي جيبي لنفسك من مرتبك.
عشق بحزن: انا سالفه الفلوس من منه صاحبتي، ولسه مارجعتش الفلوس، حرام عليكي يامرات ابويا، مستخسر فيك اجيب حاجه من فلوس ابويا.
سارة بغيظ: انا وافقت علي شغلك ياحبيبتي عشان تصرفي علي نفسك، مرتب ابوكي يدوبك بيقضي بالعافية مصاريف البيت.
عشق بحزن: يعني ايه يامرات ابويا، ابويا يصرف عليك انت وبنتك وانا اللي من لحمه ودمه اشتغل واصرف على نفسي.
سارة : اه ياختي والنظام كده من هنا ورايح، ابوكي موظف ومرتبه. علي القد، وممكن اخليه يشتغل شغلانه تانيه، عشان يقدر يكفي مصارفنا وانتي عارفه انه تعبان ومش حمل شغلانه تانيه.
عشق بحزن: يعني من الاخر كده لو طلبت فلوس هتخلي ابويا يدور علي شغل تاني.
سارة بغيظ: طبعا ياختي امال وافقت اشغلك ليه.
رحيق بحزن: حاضر يامرات ابويا.
ذهبت عشق بحزن الي غرفتها لتنام.
بعد اسبوع... في الصباح
يرجع زين الي مصر بعد الانتهاء من الصفقه ويذهب الي الڤلا الشرقاوي..
سهير: حمدالله علي السلامه ياحبيبي وحشتني والله.
زين لسهير : الله يسلمك ياحبيبتي.
وفجا يري سليم صاحبه نازل من علي السلم ويقول حمد الله على السلامه يا زيزو ياحبيبي اخبار المانيا ومزز المانيا ايه؟.
زين بغيظ: انا قولت كام مرة بلاش تقولي زيزو وكمان انا رايح في شغل مش فسحه.
سليم: في حد يسافر المانيا يشتغل وبس.
زين ببرود: فيه انا .
سليم بغيظ: حد غيرك، والله العظيم انا لحد دلوقتي مش عارف احنا ازاي صحاب.
زين ببرود: اهطلع ارتاح شويه من السفر وبعدين هنزل المصنع.
سليم لسهير: ابنك ربنا يكون فى عون اللي هتجوزه.
سهير بحزن: تفتكر هيتجوز، انا نفسي اعرف طالع لمين، ابوه الله يرحمه كان بيشتغل وفاتح مصنع لكن بيلاقي وقت يعقد معايا ونسافر، ودايما يدلع فيا ويسمعني كلام حب.
سليم ربنا يرزقه ببنت الحلال اللي تغير طبعه وتخليه يقول حقي برقبتي، سيبك منه وتعالي نفطر مع بعض.
سهير بحب: تعرف ياواد ياسليم انا بعتبرك زي ابني ونفسي تبطل جري وراء الستات وتضيع حياتك، دور يابني علي بنت الحلال اللي تحبك وتخليك انسان محترم.
سليم بحزن مصطنع: يعنى انا مش محترم كده ياسوسو.
سهير بحب: انا بنصحك عشان بحبك ونفسي تقرب من ربنا وتتجوز وتفتح بيت وتكون اسرة، عشان لما تخلص شغلك ترجع تلاقي مراتك بتستقبلك بإبتسامة واطفالك بتجري عليك.
سليم بحزن: نفسي والله اغير من نفسي بس انا عايش لوحدي، والوحده وحشه اوي.
سهير بحنان: وانا فين مش امك برضو، ربنا يرزقك ببنت الحلال يارب ويهديك ويبعد عنك شيطانك.
سليم بحب: اللهم امين يارب، ويقبل يد سهير ويقول ربنا يخليكي ليا وميحرمنيش منك يارب.
أنت تقرأ
عشق العقاب ❤🦅....
Fanfictionالعقاب: هو سيد طيور السماء و ملكهم بلا منازع.. زين الشرقاوي: شاب غني ووسيم ، ملك صناعة الحديد والصلب لقبه العقاب،شخص بارد ومنظم، عملي جدا قليل الكلام والضحك، يحب الوحد والصمت،لا يمؤمن بالحب،يجب ان تكون شريكه حياته بمواصفات تناسب مع شخصيته، رغم ك...
